Neuaddau Preswyl y Brifysgol a Campws Byw

Byddwch wedi cael yr holl wybodaeth angenrheidiol yn ystod y broses archebu ystafell ond cofiwch: 

• Cwblhewch y modiwl iechyd a diogelwch 
• Trefnwch eich cynllun talu ar gyfer eich ystafell 
• Cyrhaeddwch ar yr amser yr ydych chi wedi ei archebu trwy'r system ar-lein

Gwiriwch ein gwefan am fanylion llawn gan gynnwys pori drwy’r adran cwestiynau cyffredin.

Os nad ydych chi wedi archebu ystafell mewn neuadd breswyl eto, ond yr hoffech chi wneud hynny, e-bostiwch neuaddau@bangor.ac.uk neu ffoniwch 01248 382667 cyn gynted â phosibl.

Campws Byw

Ymgartrefwch yn y neuaddau preswyl trwy ymuno â'n digwyddiadau Campws Byw.

Gweler ein rhestr o ddigwyddiadau yma.

Trwydded Parcio Myfyrwyr

Mae angen trwydded barcio ar unrhyw un sy'n dymuno parcio ym meysydd parcio'r brifysgol ym Mangor, Porthaethwy a Wrecsam.

Mae lleoedd parcio i fyfyrwyr ar gael ar draws yr ystad a chaiff trwyddedau parcio i fyfyrwyr eu dyrannu naill ai ar sail lle rydych chi’n byw neu lle rydych chi’n astudio.

Sylwch nad oes modd i fyfyrwyr barcio ym mhob un o feysydd parcio’r brifysgol.  

Os ydych yn ddeiliad bathodyn glas neu'n fyfyriwr ag anawsterau symud, anfonwch e-bost at Ymgynghorydd Gwasanaethau Anabledd yn yr adran Gwasanaethau Myfyrwyr gwasanaethanabledd@bangor.ac.uk i gael cyngor ar ba drwydded sydd ei hangen arnoch.

Nid yw’r ffaith bod trwydded wedi ei rhoi yn gwarantu y bydd lle parcio ar gael i ddeiliad y drwydded. Pan fyddwch yn gwneud cais am drwydded, byddwch yn cytuno i gadw at reoliadau parcio Prifysgol Bangor. Gellir cosbi perchnogion cerbydau sydd wedi parcio mewn ardaloedd nad oes ganddynt hawl i barcio ynddynt. 

Gwneud cais am Drwydded Parcio

Cofiwch sicrhau eich bod yn nodi eich cyfeiriad post llawn a'ch rhif cofrestru myfyriwr ar y cais.

Caniatewch saith diwrnod gwaith i ni brosesu eich cais.

Hyd nes bod y brifysgol yn cwblhau adolygiad o’r taliadau parcio, mae’r trwyddedau parcio i’w cael yn rhad ac am ddim ar hyn o bryd. Trefniant dros dro yw hwn a bydd taliadau parcio yn cael eu hadfer yn y misoedd nesaf. Bydd manylion llawn yn cael eu rhannu gyda chi mewn da bryd.

GWNEUD CAIS AM Drwydded parcio