Overview

Un o fodiwlau craidd Cymraeg gydag Ysgrifennu Creadigol yw hwn, ond nid yw’n gyfyngedig i’r rhai sy’n dilyn y cynllun gradd hwnnw. Yn wir, nid oes raid wrth brofiad blaenorol o ysgrifennu creadigol er mwyn dilyn y modiwl, ond yn hytrach ddiddordeb gwirioneddol yn y maes a pharodrwydd i roi cynnig ar wahanol fathau o ysgrifennu creadigol. Defnyddir tri dull dysgu, sef seminarau, gweithdai a thiwtorialau. Mewn seminarau, trafodir enghreifftiau llwyddiannus o wahanol genres ffuglennol a barddol, dulliau a chonfensiynau llenyddol. Tynnir sylw at amryw fathau o ysgrifennu creadigol a’u cynnig yn ganllawiau i’r rhai sy’n dilyn y modiwl, modelau y gallen nhw eu hefelychu wrth fynd ati i gyfansoddi eu hunain. Mewn gweithdai, gosodir ymarferion penodol i’r myfyrwyr weithio arnynt er mwyn hybu creadigrwydd a datblygu syniadau newydd. Mewn cyfres o diwtorialau a gynhelir yn ystod y semester, rhoddir adborth i’r ymarferion dosbarth, trafodir syniadau’r myfyriwr unigol ar gyfer ei ffolio, a chynigir sylwadau ar unrhyw waith creadigol sydd ar y gweill.

Gellir cofrestru i ddilyn y modiwl hwn wyneb yn wyneb a/neu ar-lein, e.e. drwy Microsoft Teams neu Blackboard Collaborate.

Assessment Strategy

-threshold -D- i D+Dangos gallu i adnabod a gwerthfawrogi grym mynegiannol iaithDangos gallu i adnabod gwahanol genres llenyddol a deall eu priod nodweddionDangos gallu i ddefnyddio gwahanol dechnegau a chonfensiynau llenyddolDangos gallu i ysgrifennu'n greadigolDangos gafael ar gystrawen a theithi'r Gymraeg.

-good -B- i B+Dangos gallu da i adnabod a gwerthfawrogi grym mynegiannol iaithDangos gallu da i adnabod gwahanol genres llenyddol a deall eu priod nodweddionDangos gallu da i ddefnyddio gwahanol dechnegau a chonfensiynau llenyddolDangos gallu da i ysgrifennu'n greadigolDangos gafael dda ar gystrawen a theithi'r Gymraeg.

-excellent -A- i A*Dangos gallu sicr i adnabod a gwerthfawrogi grym mynegiannol iaithDangos gallu sicr i adnabod gwahanol genres llenyddol a deall eu priod nodweddionDangos gallu sicr i ddefnyddio gwahanol dechnegau a chonfensiynau llenyddolDangos gallu sicr i ysgrifennu'n greadigolDangos gafael sicr ar gystrawen a theithi'r Gymraeg.

Learning Outcomes

• Cynllunio casgliad o waith creadigol gwreiddiol.

• Dangos adnabyddiaeth o briod nodweddion amryw genres llenyddol, e.e. stori fer, ymson, pennill telyn, haicw.

• Gwybod sut i ddatblygu deunydd er mwyn gwireddu ei botensial llenyddol.

• Harneisio'r nodwedion hynny at eu hysgrifennu creadigol eu hunain.

• Ymateb i rym mynegiannol iaith lenyddol.