Overview

Mae Cymraeg Llafar Dwys 1 yn un o dri modiwl sy'n ymffurfio'n flwyddyn sylfaen Cymraeg (i Ddechreuwyr) a baratoir gan Ysgol y Gymraeg a'r Ganolfan Cymraeg i Oedolion. Bydd y cwrs yn cyflwyno prif batrymau’r iaith lafar ac yn darparu cyfleoedd i’r myfyriwr eu rhoi ar waith trwy gyfrwng gweithgareddau cyfathrebol amrywiol. Bydd sylw cyson yn cael ei roi i ynganu cywir, trefn geiriau, treigladau, ac ati, a bydd pob un o brif amserau’r ferf –presennol, amherffaith, perffaith, gorffennol syml, dyfodol, amodol, gorchmynion – yn cael ei ymarfer. Rhoddir sylw priodol hefyd i ddatblygu sgiliau gwrando, darllen ac ysgrifennu sylfaenol.

Assessment Strategy

-threshold -Trothwy: 40% Ynganu a goslefu lled-gywir Llwyddo i gyfathrebu ar lafar, gan ddefnyddio ystod cyfyng o batrymau sylfaenol ac heb fod gwallau’n ymyrryd yn ormodol.Deall rhediad sgyrsiau a thestunau sylfaenol.Ysgrifennu’n ddealladwy ar y cyfan, gan ddangos peth ymwybyddiaeth o deithi’r iaith.

-good -Da: 60%Ynganu a goslefu’n gywir.Llwyddo i gyfathrebu ar lafar, gan ddefnyddio ystod o batrymau sylfaenol yn gywir ar y cyfan.Deall sgyrsiau a thestunau sylfaenol yn dda.Ysgrifennu’n gywir ar y cyfan, gan ddangos ymwybyddiaeth dda o deithi’r iaith.

-excellent -Rhagorol: 90%Ynganu’n gywir gydag acen dda, a goslefu’n naturiol. Cyfathrebu’n hyderus ar lafar, gan ddefnyddio ystod o batrymau‘n gywir.Deall sgyrsiau a thestunau sylfaenol yn ddidrafferth.Ysgrifennu’n gywir iawn, gan ddangos ymwybyddiaeth gadarn o deithi’r iaith.

Learning Outcomes

• Mae'r addysgu ar y modiwl hwn yn cael ei ddarparu gan ganolfan Dysgu Cymraeg, ac mae'r deilliannau dysgu, etc. yn gyson â gofynion y cyrsiau penodol hynny (e.e. Mynediad). Cyrsiadu achrededig yw'r rheiny.