Overview

Bydd y modiwl hwn yn cynnig cyflwyniad manwl i hanes llenyddiaeth Gymraeg rhwng 1500 a 1740. Rhoddir sylw i gyd-destun cymdeithasol llenyddiaeth Gymraeg y cyfnod, gan drafod effaih datblygiadau ym myd crefydd, addysg a thechnoleg ar draddodiad llenyddol Cymru. Edrychir ar y berthynas rhwng trosglwyddiad llafar, llawysgrif a llyfr gan drafod effaith y gwahanol gyfryngau hyn ar hanes llên. Ystyrir y modd y mae llenyddiaeth yn adlewyrchu hunaniaeth Gymreig y cyfnod gan roi sylw arbennig i'r dadleuon ynghylch (ffug) hanes y Cymru. Trwy drafod Dyneiddiaeth, Protestaniaeth, Methodistiaeth a Chlasuriaeth ceir archwilio'r berthynas rhwng diwylliant Cymru a datblygiadau mewn gwledydd eraill. Canolbwyntir ar nifer o feirdd a llenorion unigol.

Assessment Strategy

-threshold -D- i D+Dangos gallu i adnabod a gwerthfawrogi grym mynegiannol Cymraeg Modern CynnarDangos gwybodaeth am rychwant o feirdd a llenorion a'u testunau a phrofidealltwriaeth ohonyntDangos gallu i ddadansoddi testunauDangos gallu i ymateb i farn ac i fynegi barn bersonolDangos gallu i grynhoi sylwadau a dadleuon pobl eraillDangos gafael ar gystrawen a theithi'r Gymraeg.

-good -B- i B+Dangos gallu da i adnabod a gwerthfawrogi grym mynegiannol Cymraeg Modern CynnarDangos gwybodaeth dda am rychwant o feirdd a llenorion a'u testunau a phrofidealltwriaeth ohonyntDangos gallu da i ddadansoddi testunauDangos gallu da i ymateb i farn ac i fynegi barn bersonolDangos gallu da i grynhoi sylwadau a dadleuon pobl eraillDangos gafael dda ar gystrawen a theithi'r Gymraeg.

-excellent -A- i A*Dangos gallu sicr i adnabod a gwerthfawrogi grym mynegiannol Cymraeg Modern CynnarDangos gwybodaeth sicr am rychwant o feirdd a llenorion a'u testunau a phrofidealltwriaeth ohonyntDangos gallu sicr i ddadansoddi testunauDangos gallu sicr i ymateb i farn ac i fynegi barn bersonolDangos gallu sicr i grynhoi sylwadau a dadleuon pobl eraillDangos gafael sicr ar gystrawen a theithi'r Gymraeg.

Learning Outcomes

• Adnabod rhai o'r gwahanol ffurfiau, arddulliau a thechnegau sy'n nodweddu llên y cyfnod.

• Amgyffred rhai o brif dueddiadau a datblygiadau llenyddiaeth Gymraeg yn ystod y cyfnod 1500-1740

• Gwybod sut i ymateb yn feirniadol i wahanol destunau o'r cyfnod hwn.

• Mynegi eu hatebion mewn iaith ac arddull dderbyniol.