Overview

Yn ystod y modiwl hwn byddwn yn astudio mewn trefn gronolegol farddoniaeth rhai o feirdd pwysicaf yr ugeinfed ganrif, o T. Gwynn Jones ar ei dechrau hyd at Gwyn Thomas ar ei diwedd. Trwy ganolbwyntio ar ddetholiad o gerddi unigol, ceisir awgrymu cyfraniad pob un o'r beirdd dan sylw at ddatblygiad barddoniaeth Gymraeg yn ystod y ganrif ddiwethaf. Ceisir dangos hefyd sut y dylanwadodd eu cerddi ar waith beirdd eraill yn ystod y ganrif. O'r herwydd, er mai modiwl yn cynnig astudiaeth ddethol yn hytrach nag un gynhwysfawr yw hwn yn ei hanfod, ni fydd prinder cyfeiriadau cymharol at amryw feirdd eraill wrth fynd heibio. Yn ogystal â thynnu sylw mewn darlithoedd at fanylion bywgraffyddol a hanesyddol o bwys, cyfeirir hefyd at gysyniadau arwyddocaol fel Rhamantiaeth a Moderniaeth. Ac er mor amrywiol yw gwaith y beirdd dan drafodaeth, un thema y cyfeirir ati droen yn ystod y modiwl yw'r cydchwarae parhaus a welir ym marddoniaeth y ganrif rhwng traddodiad a newydd-deb.

Assessment Strategy

-threshold -Dangos gallu i adnabod a gwerthfawrogi grym mynegiannol iaithDangos gwybodaeth am rychwant o feirdd a'u cerddi a phrofi dealltwriaeth ohonyntDangos gallu i ddadansoddi cerddiDangos gallu i ymateb i farn ac i fynegi barn bersonolDangos gallu i grynhoi sylwadau a dadleuon pobl eraillDangos gafael ar gystrawen a theithi'r Gymraeg.

-good -Dangos gallu da i adnabod a gwerthfawrogi grym mynegiannol iaithDangos gwybodaeth dda am rychwant o feirdd a'u cerddi a phrofi dealltwriaeth ohonyntDangos gallu da i ddadansoddi cerddiDangos gallu da i ymateb i farn ac i fynegi barn bersonolDangos gallu da i grynhoi sylwadau a dadleuon pobl eraillDangos gafael dda ar gystrawen a theithi'r Gymraeg

-excellent -Dangos gallu sicr i adnabod a gwerthfawrogi grym mynegiannol iaithDangos gwybodaeth sicr am rychwant o feirdd a'u cerddi a phrofi dealltwriaeth ohonyntDangos gallu sicr i ddadansoddi cerddiDangos gallu sicr i ymateb i farn ac i fynegi barn bersonolDangos gallu sicr i grynhoi sylwadau a dadleuon pobl eraillDangos gafael sicr ar gystrawen a theithi'r Gymraeg.

Learning Outcomes

• Adnabod rhai o’r gwahanol fesurau, arddulliau a thechnegau a ddefnyddir gan feirdd

• Amgyffred rhai o brif dueddiadau a datblygiadau barddoniaeth Gymraeg yn ystod yr ugeinfed ganrif.

• Bwrw trawsolwg eang ar yr hyn a drafodir gan ddwyn i mewn ystyriaethau cymharol lle y bo hynny’n briodol.

• Gwybod sut i ymateb yn feirniadol i wahanol gerddi

• Mynegi atebion mewn iaith ac arddull dderbyniol.