Overview

Bydd y cwrs yn cynnwys cyflwyniad cytbwys i’r cemeg sy'n sail i Wyddorau’r Amgylchedd. Nod y cwrs yw rhoi digon o gefndir cemegol i fyfyrwyr i’w galluogi i astudio’n hyderus y prif faes pwnc a ddewiswyd ganddynt. Addysgir y cwrs hwn yn bennaf drwy gyfrwng darlithoedd, sy’n cael eu hategu gan sesiynau datrys problemau a sesiynau yn y labordy.

Bydd y cwrs yn cynnwys cyflwyniad cytbwys i’r cemeg sy'n sail i Wyddorau’r Amgylchedd. Gall y pynciau allweddol a ddysgir yn y modiwl gynnwys adeiledd yr atom, bondio atomig, sut i ddisgrifio swm y sylweddau, asidau a basau, cineteg adwaith sylfaenol, a chemeg organig sylfaenol. Caiff y cwrs ei ategu gan sesiynau datrys problemau a sesiynau yn y labordy.

Assessment Strategy

-trothwy -Trothwy (40% - 59%). Gwybodaeth a dealltwriaeth sylfaenol o gynnwys y cwrs; Fel rheol datrysir problemau pob dydd mewn modd digonol; Mae’r sgiliau trosglwyddadwy ar lefel sylfaenol

-da -Da (60% - 69%). Mae’r sylfaen wybodaeth yn cynnwys holl agweddau hanfodol y deunydd pwnc a gafodd sylw yn y rhaglen gan ddangos tystiolaeth dda o ymholi tu hwnt i hyn. Mae’r ddealltwriaeth gysyniadol yn dda. Caiff problemau o natur gyfarwydd ac anghyfarwydd eu datrys mewn ffordd resymegol; atebion at ei gilydd yn gywir a derbyniol. Mae’r perfformiad yn y sgiliau trosglwyddadwy yn gadarn ac nid yw’n dangos unrhyw ddiffygion arwyddocaol.

-rhagorol -Rhagorol (70% neu uwch). Mae’r sylfaen wybodaeth yn helaeth ac yn ymestyn ymhell tu hwnt i’r gwaith a gafodd sylw yn y rhaglen. Mae’r ddealltwriaeth gysyniadol yn eithriadol. Caiff problemau o natur gyfarwydd ac anghyfarwydd eu datrys yn effeithlon a chywir; caiff dulliau datrys problemau eu haddasu yn unol â natur y rhaglen. Mae’r perfformiad yn y sgiliau trosglwyddadwy yn dda iawn ar y cyfan

Learning Outcomes

• adnabod grwpiau gweithredol mewn cyfansoddion organig, enwi cyfansoddion organig gan ddefnyddio dull enwi IUPAC, darlunio strwythurau cemegol a dangos gwybodaeth am adweithiau cemegol sylfaenol sy'n gysylltiedig â grwpiau gweithredol organig o bwys.

• cyfrifo swm y sylwedd o amrywiaeth o wybodaeth gemegol.

• dangos dealltwriaeth o asidau a basau a chineteg gemegol sylfaenol.

• disgrifio cysyniadau allweddol mewn cemeg, gan gynnwys adeiledd yr atom, bondio, cyfnodedd, a chyflyrau ocsidiad.