Module LCM-4024:
Creu Portffolio Cyfieithu

Overview

Mae'r modiwl hwn yn cynnwys chwe gweithdy cyfieithu wedi'u cynllunio i fyfyrwyr gael persbectif mor eang â phosibl ar arfer cyfieithu yn eu harbenigedd iaith. Mae’r modiwl hefyd yn rhoi cyfle i fyfyrwyr drafod materion yn ymwneud ag ymarfer cyfieithu ac yn caniatáu iddynt gynhyrchu cyfieithiadau mewn amodau sy’n annog ac yn hwyluso ymarfer hunanfyfyriol. Mae'r modiwl wedi'i deilwra i weddu i alluoedd iaith myfyrwyr, gan eu galluogi i ddatblygu eu sgiliau iaith ymarferol a'u harbenigedd rhyngddiwylliannol. Caiff myfyrwyr eu harwain tuag at gwblhau eu portffolio cyfieithu unigol. Mae'r ieithoedd sydd ar gael yn cynnwys Saesneg, Cymraeg, Almaeneg, Ffrangeg, Eidaleg, Arabeg, Mandarin, Galiseg a Sbaeneg.

Assessment Strategy

-threshold -C- - C+: Crynhoi ysgolheictod perthnasol mewn maes; gallu adnabod y gwrthddadleuon amlycaf; dogfennu'r rhan fwyaf o ffynonellau'n gywir; strwythuro esboniad a dadleuon yn glir; darparu dewisiadau cyfieithu sy'n briodol ac eto sydd wedi'u cyfiawnhau'n llac neu¿n ymddangos yn fympwyol.

-good -B- - B+: Gallu defnyddio syniadau gwreiddiol, ond ddim yn edrych ar neu'n cydnabod eu harwyddocâd llawn bob amser; dangos dealltwriaeth feirniadol o'r ysgolheictod perthnasol yn y maes; strwythuro esboniad a dadleuon yn glir; darparu dewisiadau cyfieithu sy'n cyfateb i faterion damcaniaethol/beirniadol perthnasol.

-excellent -A- - A*: Cyflwynir y gwaith i safon a fyddai'n dderbyniol i'w gyhoeddi mewn cyfnodolyn arbenigol priodol; mae'n dangos dealltwriaeth feirniadol o ysgolheictod perthnasol, ac yn rhoi syniadau gwreiddiol yng nghyd-destun yr ysgolheictod hwnnw. Mae'n rhoi dewisiadau cyfieithu gwreiddiol a medrus sy'n rhoi sylw i faterion damcaniaethol / beirniadol.

Learning Outcomes

• Bydd myfyrwyr yn fwy ymwybodol o'r broses gwneud penderfyniadau gwybodus sy'n sail i gyfieithu ac yn gallu trafod ei benderfyniadau ei hun gyda thiwtoriaid a chyfoedion.

• Bydd myfyrwyr yn gallu dadansoddi'r berthynas rhwng theorïau unigol a'r testunau maent yn eu cyfieithu.

• Cymhwyso gwybodaeth ddamcaniaethol, ymarferol a diwylliannol i gynllunio a chwblhau cyfieithiadau.