Overview

Ceir ymdriniaeth drylwyr o faes hawliau ieithyddol yn ystod y modiwl hon. Mae'n cynnwys ymdrin â'r ddadl ynghylch hawliau ieithyddol a gosod yr hawliau hyn o fewn fframwaith polisi hanesyddol y maes ac yn ogystal o fewn cyd-destun ehangach hawliau lleiafrifol. Mae'r modiwl yn pwyso a mesur hawliau'r unigolyn a hawliau grwp a'r damcaniaethau allweddol sydd ynghlwm wrthynt. Bydd y modiwl hefyd yn cynnwys trafodaeth ynglyn â sicrhau hawliau ieithyddol mewn perthynas â'r iaith Gymraeg yng Nghymru, ac yn ogystal, yn tynnu ar ddatblygiadau ar lefel Ewropeaidd yn y maes.

Assessment Strategy

Trothwy (D+ i D -) Er mwyn llwyddo yn y modiwl hwn, bydd disgwyl i'r myfyrwyr gyflawni'r deilliannau ar y lefel sylfaenol. H.y. bydd gofyn iddynt ddangos ymwybyddiaeth o brif gysyniadau sy’n ymwneud â Chynllunio Ieithyddol yng Nghymru, gan gyfeirio at y ddadl hawliau ieithyddol a’r datblygiadau mewn deddfwriaeth yn ymwneud â’r iaith Gymraeg, a’u hoblygiadau i’r sectorau cyhoeddus, preifat a gwirfoddol.

Da (B+ - B-) Bydd myfyrwyr da yn gallu dangos dealltwriaeth amlwg o brif gysyniadau sy’n ymwneud â Chynllunio Ieithyddol yng Nghymru. Byddant yn cyfeirio at y ddadl hawliau ieithyddol ac yn cynnig enghreifftiau penodol, beirniadol o ddatblygiadau mewn deddfwriaeth sy’n ymwneud a’r iaith Gymraeg, a’u hoblygiadau i’r sectorau cyhoeddus, preifat a gwirfoddol.

Rhagorol (A* - A-) Bydd myfyrwyr rhagorol yn dangos dealltwriaeth feistrolgar o gysyniadau sy’n ymwneud a Chynllunio Ieithyddol (yn cynnwys y ddadl am hawliau ieithyddol) yng Nghymru, gan gyfeirio at enghreifftiau penodol o ddatblygiadau mewn deddfwriaeth yn ymwneud a’r iaith Gymraeg, a’u hoblygiadau i’r sectorau amrywiol. Bydd myfyrwyr rhagorol yn gosod datblygiadau o fewn cyd-destun Ewropeaidd a bydol ehangach.

Learning Outcomes

• Cymharu a dadansoddi'n feirniadol prif elfennau hawliau ieithyddol allweddol o fewn cyd-destun Ewropeaidd ac Americanaidd ehangach â'r sefyllfa yng Nghymru.

• Dangos dealltwriaeth ddatblygedig ac egluro yn allweddol gwreiddiau hawliau ieithyddol.

• Dangos dealltwriaeth ddwys a datblygedig amlwg o gynnydd yn hawliau ieithyddol a statws yr iaith Gymraeg yng Nghymru.

• Dangos dealltwriaeth uwch a blaengar ynglyn â datblygiad y ddadl ynghylch hawliau'r unigolyn a hawliau grwp a chymhwyso damcaniaethau nodedig ac allweddol at y ddadl hon.

• Defnyddio cysyniadau priodol i drafod a dadansoddi maes hawliau ieithyddol penodol o fewn fframwaith polisi hawliau dinasyddion a hawliau lleiafrifol cyffredinol