Overview

Bydd y modiwl yn archwilio amryw feysydd, gan gynnwys: Seiliau Cristnogaeth: y Testament Newydd, dysgeidiaeth Iesu, a’r Eglwys Fore; Yr enwadau amrywiol o fewn Cristnogaeth; Agweddau amrywiol ar ddiwinyddiaeth Gristnogol, gan gynnwys athrawiaeth y Drindod Sanctaidd a Christoleg; Cristnogaeth yn y byd modern; Bedydd a’r cymun; Cristnogaeth mewn cymdeithas gyfoes: elusennau Cristnogol ac ymarferoldeb bod yn Gristion o fewn cymdeithas anghristnogol.

Assessment Strategy

-threshold -TrothwyD- i D+Cyflwynwyd gwaith sydd yn ddigonol ac sydd yn dangos lefel dderbyniol o allu yn y meysydd canlynol: •Yn gywir ar y cyfan ond yn cynnwys diffyg gwybodaeth neu gamgymeriadau. •Gwneir honiadau heb wybodaeth gefnogol neu resymeg eglur. •Yn cynnwys strwythur ond yn aneglur ac felly’n dibynnu ar i’r darllenydd ddwyn cysylltiadau a thybiaethau. •Yn dibynnu ar nifer gyfyngedig o ddeunydd.

-good -Da iawnB- i B+Cyflwynwyd gwaith sydd yn dda drwyddi draw ac sy’n cynnwys arddull, dull a detholiad o ddeunyddiau cefnogol mewn modd deheuig. Mae’n dangos: •Strwythur dda iawn a dadleuon a ddatblygwyd yn rhesymegol. •Defnydd o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. •Cefnogir honiadau gan dystiolaeth ac ymresymiad cadarn. •Gwaith sy’n gywir ac sy’n cynnwys arddull academaidd briodol.

-excellent -ArdderchogA- i A*Cyflwynwyd gwaith sydd o ansawdd ragorol ac sy’n ardderchog mewn un neu fwy o’r canlynol: •Cynnwys dehongliad gwreiddiol lle mae myfyrdod annibynnol y myfyriwr yn amlwg. •Darparu tystiolaeth eglur o astudiaeth annibynnol eang a phriodol. •Cyflwyno dadleuon yn eglur ac yn darparu’r darllenydd gyda thrafodaethau sy’n dilyn ei gilydd yn rhesymegol hyd at y casgliadau.

-another level-DaC- i C+Cyflwynwyd gwaith sydd yn dda drwyddi draw ac sy’n cynnwys, ar brydiau, arddull, dull a detholiad o ddeunyddiau cefnogol yn ddeheuig. Mae’n dangos: •Strwythur dda a dadleuon a ddatblygwyd yn rhesymegol. •Mewn mannau, defnydd beirniadol o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. •Gwneir honiadau sydd, ar y cyfan, wedi eu cefnogi gan dystiolaeth ac ymresymiad cadarn. •Gwaith sy’n gywir ac sy’n cynnwys arddull academaidd briodol.

Learning Outcomes

• • Bod yn ymwybodol o natur gymysg y ffydd Gristnogol a bod yn ymwybodol o’r gwahaniaethau hanesyddol, enwadol a diwylliannol rhwng Cristnogion.

• • Dangos gallu i drin a thrafod y ffydd Gristnogol a’i hymarfer yn yr oes fodern, ynghyd â dealltwriaeth o brif ddulliau a methodolegau astudio Cristnogaeth.

• • Dangos gwerthfawrogiad o ddatblygiad pwysigrwydd hanesyddol a chysyniadol ffynonellau craidd Cristnogaeth: yr Hen Destament a’r Testament Newydd, a’r rôl y maent yn ei chwarae yn cyfosod cred ag ymarfer Cristnogol.

• • Gallu enghreifftio'n hyderus y modd y mae Cristnogaeth fel ffydd yn perthyn i gyd-destunau cymdeithasol, diwylliannol a gwleidyddol ehangach.

• • Gallu trafod hanfodion gwahanol fathau o ddiwinyddiaeth Gristnogol, ynghyd â chymhwyso hynny i faterion allweddol sy’n wynebu Cristnogion cyfoes.