Overview

Bydd y modiwl hwn yn cyflwyno myfyrwyr i agweddau datblygiadol athroniaeth Orllewinol o ddiwedd y 4edd ganrif OC, gan ddechrau gydag Awstin, hyd at yr 16eg ganrif, gyda Phlatoniaeth ac Aristoteleniaeth y Dadeni. Trwy ddull cronolegol, byddwn yn archwilio themâu arwyddocaol amrywiol yn nhwf athroniaeth y Gorllewin, gan gynnwys ffydd a rheswm, rhesymeg ac iaith, ac epistemoleg. Wrth archwilio ysgrifau meddylwyr fel Awstin, Thomas Aquinas, Christine de Pizan, Moses Maimonides, a Duns Scotus, byddwn yn cael cipolwg ar sut yr esblygwyd rhai cysyniadau yn ystod y cyfnod cyfnewidiol hwn mewn hanes, yn ogystal â sut yr effeithiodd rhai trywyddau meddwl y canrifoedd dilynol, mewn ffordd gadarnhaol a niweidiol.

Bydd y modiwl yn cynnig trosolwg o syniadau a meddylwyr y cyfnod canoloesol gan ganolbwyntio ar rai themâu allweddol, gan gynnwys ffydd a rheswm, rhesymeg ac iaith, ac epistemoleg.

I gyd-fynd â hyn, byddwn yn archwilio rhai meddylwyr a dosbarthiadau o athroniaeth a oedd yn arwyddocaol yn ystod y cyfnod canoloesol, gan gynnwys Awstin o Hippo, Thomas Aquinas, Christine de Pizan, Moses Maimonides, Duns Scotus, a Phlatoniaeth ac Aristotelianiaeth y Dadeni.

Yn hyn o beth, byddwn yn asesu’n rheolaidd a gafodd y datblygiadau penodol hyn mewn athroniaeth effaith gadarnhaol neu negyddol ar syniadau a chymdeithasau dilynol.

Assessment Strategy

Trothwy D- i D+

Cyflwynwyd gwaith sydd yn ddigonol ac sydd yn dangos lefel dderbyniol o allu yn y meysydd canlynol: •Yn gywir ar y cyfan ond yn cynnwys diffyg gwybodaeth neu gamgymeriadau. •Gwneir honiadau heb wybodaeth gefnogol neu resymeg eglur. •Yn cynnwys strwythur ond yn aneglur ac felly’n dibynnu ar i’r darllenydd ddwyn cysylltiadau a thybiaethau. •Yn dibynnu ar nifer gyfyngedig o ddeunydd.

Da C- i C+

Cyflwynwyd gwaith sydd yn dda drwyddi draw ac sy’n cynnwys, ar brydiau, arddull, dull a detholiad o ddeunyddiau cefnogol yn ddeheuig. Mae’n dangos: •Strwythur dda a dadleuon a ddatblygwyd yn rhesymegol. •Mewn mannau, defnydd beirniadol o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. •Gwneir honiadau sydd, ar y cyfan, wedi eu cefnogi gan dystiolaeth ac ymresymiad cadarn. •Gwaith sy’n gywir ac sy’n cynnwys arddull academaidd briodol. Da iawn B- i B+

Cyflwynwyd gwaith sydd yn dda drwyddi draw ac sy’n cynnwys arddull, dull a detholiad o ddeunyddiau cefnogol mewn modd deheuig. Mae’n dangos: •Strwythur dda iawn a dadleuon a ddatblygwyd yn rhesymegol. •Defnydd o ddeunydd sy’n tystio i ymchwil annibynnol, neu sydd mewn ffordd yn unigryw i’r myfyriwr. •Cefnogir honiadau gan dystiolaeth ac ymresymiad cadarn. •Gwaith sy’n gywir ac sy’n cynnwys arddull academaidd briodol.

Ardderchog A- i A*

Cyflwynwyd gwaith sydd o ansawdd ragorol ac sy’n ardderchog mewn un neu fwy o’r canlynol: •Cynnwys dehongliad gwreiddiol lle mae myfyrdod annibynnol y myfyriwr yn amlwg. •Darparu tystiolaeth eglur o astudiaeth annibynnol eang a phriodol. •Cyflwyno dadleuon yn eglur ac yn darparu’r darllenydd gyda thrafodaethau sy’n dilyn ei gilydd yn rhesymegol hyd at y casgliadau.

Learning Outcomes

• Bydd myfyrwyr yn dangos parodrwydd i adolygu syniadau anghyfarwydd gyda meddwl agored a pharodrwydd i ymgysylltu'n feirniadol â safbwyntiau o'r fath.

• Bydd myfyrwyr yn dangos y gallu i haniaethu, dadansoddi a llunio dadl resymegol, gan ddefnyddio technegau ffurfiol ac anffurfiol o resymu fel y bo'n briodol, ynghyd â'r gallu i adnabod unrhyw gamgymeriadau perthnasol.

• Bydd myfyrwyr yn datblygu sgiliau dadansoddol allweddol wrth iddynt ymwneud ag ysgrifau arwyddocaol meddylwyr nodedig y cyfnod canoloesol.

• Bydd myfyrwyr yn gallu dadansoddi damcaniaethau canoloesol yn feirniadol ym meysydd rhesymeg ac epistemoleg.