Overview

Bydd y modiwl hwn yn eich helpu yn eich astudiaethau yn ogystal â'ch paratoi ar gyfer byd gwaith a gall eich helpu i gyflawni eich potensial. Bydd y modiwl hwn yn ystyried amrediad o ddamcaniaethau dysgu, gan gynnwys damcaniaethau deallusrwydd Gardner, Salovey, Mayer ac eraill; a sut mae’r rhain yn berthnasol i arddulliau dysgu personol y myfyrwyr. Bydd cynnwys y modiwl yn cysylltu â’ch Cynllun Datblygu Personol Bydd: - yn datblygu sgiliau’r myfyrwyr yng nghyd-destun strategaethau darllen a gwneud nodiadau; - crynhoi, cyfeirio, a’r defnydd effeithiol o wasanaethau llyfrgell ar-lein; - yn datblygu sgiliau ysgrifennu theoretig ac adfyfyriol yn cynnwys adolygu, beirniadu a gwerthuso testunau. - Yn datblygu sgiliau prawfddarllen a golygu gwaith personol - Yn rhoi cyfleoedd i fyfyrwyr ddatblygu hyder mewn cyfathrebu llafar trwy gyflwyniadau mewn seminarau gyda’u cyfoedion. neu trwy baratoi blogiau neu flogiau. Ystryied gor-bryder perfformiad a sut mae ei reoli. - Yn ystyried pwysigrwydd seicoleg gadarnhaol a deallusrwydd emosiynol wrth weithio gyda phlant, pobl ifanc a gweithwyr proffesiynol eraill. - Yn datblygu gallu'r myfyrwyr o ran hunan-adnabyddiaeth, eu gwerthoedd, dycnwch a'u credoau, er mwyn pennu ffiniau priodol ac adfyfyrio ar berthnasau gyda phlant a phobl ifanc. - Deall effeithiau cymhelliant ar ddysgu a helpu myfyrwyr i ddatblygu ymwybyddiaeth o'u dysgu a'u cymhelliant eu hunain ac eraill. - Gwerthuso eu profiadau dysgu, eu llwyddiannau a'u heriau eu hunain. - Sut mae ymateb i adborth - Deall rheoli amser a blaenoriaethu gwaith.

Assessment Strategy

-threshold -D-, D, D+: Trothwy: Dealltwriaeth boddhoal o’ch allu fel unigolyn i ddysgu’n effeithiol; gallu i ymchwilio a chyflwyno’ch gwaith mewn cyflwyniadau llafar ac ysgrifenedig mewn arddull academaidd addas, ac i safon derbyniol. Medru chwilio am a chyfeirio at ffynonellau dibynadwy a'u defnyddio fel sail i'r gwaith. Dangos dealltwriaeth o sgiliau cynllunio a pharatoi ar gyfer aseiniadau.

-good -C-, C, C+: Dealltwriaeth da o’ch allu fel unigolyn i ddysgu’n effeithiol; gallu i ymchwilio a chyflwyno’ch gwaith mewn cyflwyniadau llafar ac ysgrifenedig mewn arddull academaidd addas, ac i safon uchel. Medru chwilio am a chyfeirio at amrywiaeth o ffynonellau dibynadwy a'u defnyddio fel sail i'r gwaith. Dangos dealltwriaeth dda o sgiliau cynllunio a pharatoi ar gyfer aseiniadau a'u defnyddio yn effeithiol.

-excellent -A-, A, A+, A, A*: Dealltwriaeth cynhywsfar a threiddgar o’ch allu fel unigolyn i ddysgu’n effeithiol; gallu i ymchwilio’n eang a chyflwyno’ch gwaith mewn cyflwyniadau llafar ac ysgrifenedig mewn arddull academaidd addas, ac i safon ardderchog. Medru chwilio am a chyfeirio at amrywiaeth eang o ffynonellau dibynadwy a'u defnyddio fel sail cryf i'r gwaith. Dangos dealltwriaeth ardderchog o amrywiaeth o sgiliau cynllunio a pharatoi ar gyfer aseiniadau a'u dewis yn bwrpasol ar gyfer gwahanol mathau o aseiniad.

Learning Outcomes

• Dangos dealltwriaeth o ddysgu, cymhelliant, a deallusrwydd emosiynol ac ystyried sut y gellir cefnogi gwahanol arddulliau dysgu;

• cymhwyso’r wybodaeth a’r ddealltwriaeth wrth ddatblygu eu sgiliau eu hunain yng nghyd-destun eu hastudiaethau eu hunain;

• datblygu dealltwriaeth o'u harddulliau dysgu, eu datblygiad a’u profiadau eu hunain.

• datblygu hyder trwy gyflwyniadau llafar a thrwy ymchwilio i wahanol arddulliau cyfathrebu (BOPS)

• trefnu eu dysgu a’u gwybodaeth gan ddefnyddio ystod o ffynonellau gwybodaeth a chyflwyno eu gwaith yn briodol;