Tegwen Parry Troseddeg a Chyfiawnder Troseddol

Astudio ym Mhrifysgol Bangor

Gan fy mod yn ddibynnol ar drafnidiaeth cyhoeddus, roedd Bangor y lleoliad mwyaf ymarferol i mi. Ond hefyd, rwyf yn hoff o'r ddinas, o'r bobl, ac o gyfleusterau drwy'r iaith Gymraeg. Braf yw bod mewn dinas ble mae'r mynyddoedd mor agos, a phrif adeilad y Brifysgol mor hardd.

Y Cwrs

Cwrs hynod o ddiddorol sydd yn cael ei ddysgu gan griw o ddarlithwyr arbennig iawn. Mae pob modiwl yn ddiddorol thu hwnt ac mae'n bosib dysgu rhywbeth newydd pob diwrnod.

Yr Ysgol

Mae'r Ysgol yn hynod o gyfeillgar a chymdeithasol. Darlithwyr arbennig a mae'r cymorth sydd ar gael hefyd yn werth chweil.

Cefnogaeth

Do, yn enwedig dros y cyfnod clo, wrth baratoi darlithoedd ar y we am y tro cyntaf, sydd wedi bod yn anodd i bawb ond mae'r Brifysgol wedi addasu yn arbennig o dda i'r sefyllfaoedd newydd.

Clybiau a chymdeithasau

Rwyf wedi ymuno a sawl clwb ond gan eu bod yn cael eu cynnal gyda'r nos, nid oeddwn yn gallu mynychu gan fy mod yn ddibynnol a'r drafnidiaeth cyhoeddus i fynd gartref.

Gweithgareddau cymdeithasol 

Gan nad oeddwn yn gallu mynychu cyfarfodydd cymdeithasol, teimlaf bod y Brifysgol ei hun yn fan cymdeithasol tu hwnt, pawb mor gyfeillgar, darlithwyr, staff y llyfrgell, staff y ffreutur.

Beth ydych chi'n ei hoffi am Fangor?

Cyfeillgarwch y bobl, clywed yr iaith Gymraeg, digon o siopa elusen er mwyn peidio gwario gormod o'r grant coleg!

Gwobr Cyflogadwyedd Bangor

Do, drwy fynychu sawl darlith yn ymwneud a chyflogadwyedd, rhestru fy ngwaith gwirfoddoli, a bod yn Arweinydd Cyfoed (Peer Guide) am dair mlynedd.