Overview

Gan ddilyn yn fras gynllun cronolegol, bydd y modiwl hwn yn cychwyn drwy sylwi'n gryno ar rai o fannau cychwyn y nofel Orllewinol yn ystod y Cyfnod Modern. Eir ati wedyn i gynnig trawsolwg o hynt y nofel Gymraeg ers y bedwaredd ganrif ar bymtheg gan roi sylw arbennig i waith llwyddiannus Daniel Owen. Trwy ganolbwyntio ar ddetholiad cynrychioliadol o nofelau a gyhoeddwyd yn ystod yr ugeinfed ganrif, trafodir prif dueddiadau'r genre yn Gymraeg, e.e. y cronicl cymdeithasol; y nofel syniadau; y nofel hanes. Ymhlith y nofelwyr y rhoddir enghreifftiau o'u gwaith dan y chwyddwydr bydd Daniel Owen, Saunders Lewis, Kate Roberts, Islwyn Ffowc Elis, Angharad Tomos, Robin Llywelyn a Mihangel Morgan. Bydd y modiwl hefyd yn rhoi sylw cryno i hynt y nofel Gymraeg yn ystod yr unfed ganrif ar hugain. Mewn gair, ystyrir sut y mae nofelwyr Cymraeg wedi ymelwa ar y rhyddid sy'n gynhenid i genre y nofel ac wedi ymdrechu i'w ymestyn ymhellach.

Gan ddilyn cynllun cronolegol, bydd y modiwl hwn yn cychwyn drwy sylwi'n gryno ar rai o fannau cychwyn y nofel Orllewinol yn ystod y Cyfnod Modern. Eir ati wedyn i gynnig trawsolwg o hynt y nofel Gymraeg ers y bedwaredd ganrif ar bymtheg gan roi sylw arbennig i waith llwyddiannus Daniel Owen. Trwy ganolbwyntio ar ddetholiad cynrychioliadol o nofelau a gyhoeddwyd yn ystod yr ugeinfed ganrif, trafodir prif dueddiadau'r genre yn Gymraeg, e.e. y cronicl cymdeithasol; y nofel syniadau; y nofel hanes. Ymhlith y nofelwyr y rhoddir enghreifftiau o'u gwaith dan y chwyddwydr bydd Daniel Owen, Saunders Lewis, Kate Roberts, Islwyn Ffowc Elis, Angharad Tomos, Robin Llywelyn a Mihangel Morgan. Daw'r modiwl i ben gyda sylw cryno i hynt y nofel Gymraeg yn ystod yr unfed ganrif ar hugain. Mewn gair, ystyrir sut y mae nofelwyr Cymraeg wedi ymelwa ar y rhyddid sy'n gynhenid i genre y nofel ac wedi ymdrechu i'w ymestyn ymhellach.

Assessment Strategy

-threshold -(D) Dangos gallu i adnabod a gwerthfawrogi grym mynegiannol iaith.Dangos gwybodaeth am rychwant o nofelau a dealltwriaeth ohonynt.Dangos gallu i ddadansoddi nofelau.Dangos gallu i ymateb i farn ac i fynegi barn bersonol.Dangos gallu i grynhoi sylwadau a dadleuon beirniaid a darllenwyr eraill.Dangos gafael ar gystrawen a theithi'r Gymraeg.

-good -(B) Dangos gallu da i adnabod a gwerthfawrogi grym mynegiannol iaith.Dangos gwybodaeth dda am rychwant o nofelau a dealltwriaeth ohonynt.Dangos gallu da i ddadansoddi nofelau.Dangos gallu da i ymateb i farn ac i fynegi barn bersonol.Dangos gallu da i grynhoi sylwadau a dadleuon beirniaid a darllenwyr eraill.Dangos gafael dda ar gystrawen a theithi'r Gymraeg.

-excellent -(A) Dangos gallu sicr i adnabod a gwerthfawrogi grym mynegiannol iaith.Dangos gwybodaeth sicr am rychwant o nofelau a dealltwriaeth ohonyn.Dangos gallu sicr i ddadansoddi nofelau.Dangos gallu sicr i ymateb i farn ac i fynegi barn bersonol.Dangos gallu sicr i grynhoi sylwadau a dadleuon beirniaid a darllenwyr eraill.Dangos gafael sicr ar gystrawen a theithi'r Gymraeg.

Learning Outcomes

• Adnabod rhai o'r gwahanol arddulliau a thechnegau a ddefnyddir gan nofelwyr.

• Amgyffred rhai o brif dueddiadau a datblygiadau'r nofel Gymraeg oddi ar y bedwaredd ganrif ar bymtheg.

• Bwrw trawsolwg eang ar yr hyn a drafodir gan ddwyn i mewn ystyriaethau cymharol lle y bo hynny'n berthnasol.

• Gwybod sut i ymateb yn feirniadol i genre y nofel a chyfleu hynny ar lafar ac yn ysgrifenedig.

• Mynegi ymateb drwy gyfrwng iaith raenus a chan ddefnyddio cywair academaidd priodol.