Overview

Mae'r modiwl hwn yn darparu'r sgiliau sylfaenol sydd eu hangen ar wyddonwyr y naturiaethau er mwyn creu ac ateb cwestiynau ynglŷn â'r byd o'n cwmpas, gan ddefnyddio data amgylcheddol. Fel rhan o hyn, ceir hefyd siawns i loywi eich sgiliau iaith gan ganolbwyntio ar gyfathrebu gwyddonol.

Drwyddi, mae cysyniadau damcaniaethol yn cael eu hatgyfnerthu drwy sesiynau ymarferol, cyfrifiadurol - gan ddefnyddio ystod eang o dechnegau dadansoddol. Yn y semester gyntaf, rydych yn cael eich cyflwyno i'r fethodoleg wyddonol - y "sut mae gwyddoniaeth yn gweithio?". Yn fuan wedyn, rydych yn cael siawns to ddysgu sut i chwilio am, gwerthuso, a defnyddio gwybodaeth wyddonol awdurdodol. Mae'r syniadau a'r sgiliau yma yn hanfodol i bob modiwl arall i chi.

Yna, ceir sesiynau gan Ganolfan Bedwyr, sy'n rhoi siawns i chi loywi eich iaith, ac yn benodol i ddysgu sut i drawsieithu o'r Gymraeg i'r Saesneg (ia, trawsieithu, nid cyfieithu!). Eto, o ran defnyddioldeb, mae'r gallu i drin a thrafod gwybodaeth wyddonol yn y ddwy iaith yn sgil arbennig.

Dros yr ail hanner o'r semester cyntaf, canolbwyntir ar ddatblygu'r gallu i gyflwyno a dadansoddi data yn ystadegol. Yma, cewch ragymadrodd i'r meddalwedd 'R'. Eto, mi fydd bod â'r gallu i ddefnyddio'r pecyn yma yn dda o ran eich astudiaethau yn y dyfodol ac, yn wir, efallai o ran gwaith.

Yn yr ail semester, rydych yn ymuno â'r dosbarth ONS1001, i ddysgu technegau mwy estynedig, ac yn rhoi hyn i gyd ar waith mewn prosiect gwyddonol - gyda'r allbwn gorffenedig yn adroddiad swyddogol.

Assessment Strategy

Lefel Sylfaenol: D Dylai myfyriwr trothwy feddu ar wybodaeth sylfaenol ynghylch sut i chwilio am lenyddiaeth wyddonol a dyfynnu ohoni gan ddefnyddio system gyfrifiadurol PCB. Dylai feddu ar allu sylfaenol i drafod setiau data gan ddefnyddio ystod o arfau mathemategol sylfaenol, ac ar allu sylfaenol i gymhwyso a dadansoddi profion ystadegol.

Lefel Dda: B Dylai myfyriwr da feddu ar wybodaeth dda am sut i chwilio am lenyddiaeth wyddonol a dyfynnu ohoni gan ddefnyddio system gyfrifiadurol PCB. Dylai feddu ar allu da i drafod setiau data gan ddefnyddio ystod o arfau mathemategol sylfaenol, ac ar allu da i gymhwyso a dadansoddi profion ystadegol.

Lefel Rhagorol: A Dylai myfyriwr rhagorol feddu ar wybodaeth soffistigedig ynghylch sut i chwilio am lenyddiaeth wyddonol a dyfynnu ohoni gan ddefnyddio system gyfrifiadurol PCB. Dylai feddu ar allu uchel i drafod setiau data gan ddefnyddio ystod o arfau mathemategol sylfaenol, ac ar allu uchel i gymhwyso a dadansoddi profion ystadegol.

Learning Outcomes

• Bod yn ymwybodol o sut i gynllunio a chynnal arbrawf syml gan roi ystyriaeth briodol i faterion dylunio a dadansoddi

• Bod â gafael cadarn ar dechnegau cyfrifo ystadegol

• Bod â'r gallu i adnabod agweddau o'r ddull wyddonol i ddatblygu syniadau, gwneud arsylwadau ac i ddatblygu a phrofi rhagdybiaethau

• Cymhwyso technegau dadansoddi priodol i ddata a dehongli’r allbynnau’n gywir

• Dadansoddi data a chymhwyso technegau ystadegol priodol i ddata gwyddonol gan ddefnyddio pecyn cyfrifiadurol e.e. "R" a dehongli'r canlyniadau'n gywir

• Dangos sgiliau iaith briodol i wyddoniaeth drwy gyfrwng y Gymraeg, gan gynnwys y gallu i drawsieithu o'r Saesneg i'r Gymraeg.

• Defnyddio technegau dadansoddiadol a graffigol i ddisgrifio ffenomena gwyddonol

• Gallu cyfathrebu canlyniadau o ymchwiliadau gwyddonol amgylcheddol i gynulleidfa briodol