Overview

Dylai fod gennych eisoes afael sylfaenol ar y sgiliau ysgrifennu, darlledu a chasglu newyddion sydd eu hangen ar bob newyddiadurwr. Bydd y modiwl hwn yn eich dysgu i ddefnyddio'r offer digidol sydd ar gael i chi i gasglu gwybodaeth, cynhyrchu amrywiaeth o gynnwys testun, fideo a sain ar gyfer llwyfannau digidol, a defnyddio gwefannau, cymwysiadau a ffrydiau cyfryngau cymdeithasol i ledaenu'ch gwaith i gynulleidfa ehangach. Bydd darlithoedd, ymarferion ystafell newyddion rhithwir ac aseiniadau casglu newyddion yn datblygu'r sgiliau y bydd eu hangen arnoch mewn diwydiant lle mae'r newyddiadurwr yn awdur, dyn camera, cyhoeddwr, darlledwr a darparwr ei gynnwys newyddion ei hun.

Bydd y cwrs yn dechrau gyda chyflwyniad i newyddiaduraeth ar-lein, dylanwad technoleg ddigidol newydd ar newyddiaduraeth a'i goblygiadau i'r cyfryngau traddodiadol. Byddwn hefyd yn trafod y materion moesegol a chyfreithiol sydd ynghlwm wrth gynhyrchu cynnwys ar-lein. Byddwch yn dysgu amrywiaeth o sgiliau yn cynnwys sut i gasglu newyddion ar-lein, ysgrifennu a chynhyrchu deunydd gweledol a sain i lwyfannau newyddion digidol a sut i sicrhau bod y cynnwys yn cyrraedd cynulleidfa eang. Bydd disgwyl i chi roi'r sgiliau hyn ar waith a chreu eich llwyfan newyddion digidol eich hun, creu cynnwys i'r llwyfan hwnnw a rhannu'r cynnwys hwnnw gyda'r gynulleidfa fwyaf eang posib.

Assessment Strategy

-threshold -D•Gwybodaeth am brif feysydd / egwyddorion yn unig•Gwendidau o ran dealltwriaeth o brif feysydd•Tystiolaeth gyfyngedig o astudio cefndirol•Nid yw’r ateb yn canolbwyntio’n ddigonol ar y cwestiwn ac mae peth deunydd amherthnasol a strwythur gwael•Cyflwynir y dadleuon ond nid ydynt yn gydlynol•Nifer o wallau ffeithiol / cyfrifiadurol•Dim dehongli gwreiddiol •Disgrifir dim ond y prif gysylltiadau rhwng testunau•Peth datrys problemau•Nifer fawr o wendidau mewn cyflwyno a chywirdeb

-good -C•Gwybodaeth am feysydd/egwyddorion allweddol•Yn deall y prif feysydd•Tystiolaeth gyfyngedig o astudio cefndirol•Ateb yn canolbwyntio ar y cwestiwn ond hefyd mae peth deunydd amherthnasol a gwendidau yn y fframwaith•Cyflwynir y dadleuon ond nid ydynt yn gydlynol•Nifer o wallau ffeithiol/ cyfrifiadurol•Dim dehongli gwreiddiol •Disgrifir dim ond y prif gysylltiadau rhwng testunau•Peth datrys problemau•Rhywfaint o wendid o ran cyflwyniad a chywirdebB•Gwybodaeth gref•Deall y rhan fwyaf ond nid y cyfan•Tystiolaeth o astudio cefndirol•Ateb pwrpasol gyda strwythur da•Dadleuon wedi’u cyflwyno’n gydlynol•Dim gwallau ffeithiol / cyfrifiadurol ar y cyfan•Rhywfaint o ddehongliad gwreiddiol cyfyngedig •Disgrifir cysylltiadau adnabyddus rhwng testunau•Ymdrinnir â phroblemau drwy ddulliau presennol•Cyflwyniad da, gyda chyfathrebu cywir

-excellent -A•Gwybodaeth gynhwysfawr•Dealltwriaeth fanwl •Astudio cefndirol helaeth•Ateb â chanolbwynt clir iawn, ac wedi’i strwythuro’n dda•Dadleuon wedi eu cyflwyno a’u hamddiffyn yn rhesymegol•Dim gwallau ffeithiol / cyfrifiadurol•Dehongliad gwreiddiol •Datblygu cysylltiadau newydd rhwng testunau•Dull newydd o ymdrin â phroblem•Cyflwyniad rhagorol gyda chyfathrebu cywir iawn

Learning Outcomes

• Arddangos technegau ar gyfer casglu a lledaenu newyddion digidol.

• Cymhwyso safonau newyddiadurol proffesiynol i gynhyrchu portffolio o waith newyddiadurol.

• Datblygu llwyfannau newyddion cyfryngau gan ddefnyddio apiau, blogiau a chyfryngau cymdeithasol

• Paratoi cynnwys testunol a chyfryngol gwreiddiol i'w ddefnyddio mewn llwyfannau newyddion ar-lein.

• Ysgrifennu a chynhyrchu cynnwys gweledol a sain ar gyfer llwyfannau newyddion digidol