Dysgwch sut y gallwch chi wneud gwahaniaeth ar Ddiwrnod Agored ym Mhrifysgol Bangor

Dim ond rhai o'r heriau sy'n wynebu'r genhedlaeth nesaf o wyddonwyr yw newid yn yr hinsawdd, llygredd a datgoedwigo. Mae'r ffaith eich bod yn darllen hwn yn golygu eich bod yn deall maint y broblem. Yn bwysicach na dim, mae'n golygu eich bod eisiau gwneud rhywbeth i newid y sefyllfa sydd ohoni.

Ym Mhrifysgol Bangor, byddwch yn y lle gorau posib i ddysgu, ymchwilio a datblygu'r wyddoniaeth a allai, un diwrnod, helpu i newid trywydd y byd er gwell.

Astudio rhwng y môr a'r mynydd

Mae ein Diwrnodau Agored yn ffordd wych o weld drosoch eich hun sut brofiad yw byw ac astudio yma, yn agos at rai o'r amgylcheddau naturiol pwysicaf yn y Deyrnas Unedig o ran ymchwil wyddonol.

Os ydych yn angerddol am sŵoleg, y cefnforoedd, gwyddorau hinsawdd, bioleg y môr, monitro data, peirianneg meddalwedd neu unrhyw un arall o'r myrdd o bynciau sy'n hanfodol i ymchwil amgylcheddol, rydych bron yn sicr o ddod o hyd i gwrs sy'n addas i chi.

Cwrs a fydd yn cael ei addysgu gan arbenigwyr sy'n flaenllaw yn eu maes mewn labordai modern lle ceir yr offer gorau. A chwrs sy'n cynnig astudiaethau maes o amgylch arfordir Gogledd Cymru a Pharc Cenedlaethol Eryri, neu ymhellach i ffwrdd mewn lleoedd megis Affrica ac Antartica.

Fel myfyriwr ym Mhrifysgol Bangor, fe allech fynd i gofnodi ymddygiad anifeiliaid fel rhan o'ch astudiaethau Sŵoleg a bioleg y môr, treulio amser ar fwrdd ein llong ymchwil neu gymhwyso technoleg gyfrifiadurol flaenllaw i fonitro a rheoli ffrwythlondeb y pridd a lefelau nitradau.

Ac ar ddiwedd eich cwrs, gallwch edrych ymlaen at gymhwyster y rhoddir bri mawr iddo a fydd yn eich paratoi am yrfa hanfodol a gwerth chweil yn y gwyddorau naturiol.

Cynhelir Diwrnodau Agored Yr Ysgol Gwyddorau Naturiol, Yr Ysgol Gwyddorau Eigion a'r Ysgol Cyfrifiadureg a Pheirianneg Electronig ar 17 Hydref ac 19 Tachwedd. Cliciwch yma i archebu eich lle!

Edrychwn ymlaen at eich gweld yno. Ac at eich helpu i fwrw ymlaen i wneud gwahaniaeth.