Gweithio tu allan i oriau arferol

Mae'r Brifysgol yn deall bod yr amgylchedd addysgol / academaidd yn addas ar gyfer dyddiau gwaith hyblyg, er enghraifft:

• Staff academaidd a myfyrwyr ôl-raddedig sy'n gweithio gyda'r nos neu ar benwythnosau i gynnal arbrofion, arsylwi ymchwil, paratoi ar gyfer darlithoedd a defnyddio cyfrifiaduron ac ati.
• Hwyluso Dyddiau Agored ac Ysgolion Haf ac ati.
• Llyfrgell ac Archifau yn agored yn hwyr y nos ac ar benwythnosau i gefnogi staff a myfyrwyr.
• Gwasanaethau Campws yn darparu Diogelwch 24/7, yn ychwanegol at staff sy'n cynnal a chadw’r ystâd, e.e. staff cynnal a chadw ar alwad a staff domestig sy'n glanhau.
• Gwasanaethau Masnachol yn darparu Mentoriaid Preswyl mewn Neuaddau, yn rheoli Canolfan Brailsford y tu allan i oriau arferol y Brifysgol ac yn darparu arlwyo mewn digwyddiadau.
  

Nid yw gweithio yn ystod cyfnodau y tu allan i'r diwrnod gwaith arferol fel rheol yn peri cynnydd mewn risg i iechyd a diogelwch. Fodd bynnag, weithiau, gall risgiau posibl gynyddu oherwydd cyfyngiadau ar systemau Prifysgol, Coleg ac Adrannol i ymdopi ag argyfwng, oherwydd diffyg rheolaeth neu oruchwylio gwaith. Gall hyn gynyddu'r siawns y bydd rhywbeth yn mynd o'i le neu faterion yn ymwneud â diogelwch personol os byddwch yn gweithio mewn mannau unig gyda'r nos. Y materion hyn, fel gyda phob risg i iechyd a diogelwch, y mae angen eu hystyried cyn caniatáu i aelod staff a / neu fyfyriwr weithio y tu allan i oriau arferol.

Cyfnod amser a nodir yn y Polisi:

Mae'r Safon Polisi a'r Daflen Wybodaeth wedi'u datblygu i roi arweiniad ymarferol i Golegau / Adrannau ar reoli'r risgiau posibl sy'n gysylltiedig â gweithio y tu allan i oriau arferol. Cysylltwch â'r Iechyd a Diogelwch os oes gennych unrhyw gwestiynau neu bryderon ynghylch y pwnc hwn.