Wythnos Codi Ymwybyddiaeth Nawdd Nos

Mae'n Wythnos Codi Ymwybyddiaeth Nawdd Nos ac mae'r gwirfoddolwyr yn rhannu te a chwtsh!Wythnos Codi Ymwybyddiaeth Nawdd NosWythnos Codi Ymwybyddiaeth Nawdd Nos


Bwriad yr Wythnos ydy hyrwyddo’r gwasanaeth gwrando gwerthfawr sydd ar gael am ddim ac yn cael ei redeg gan fyfyrwyr ar gyfer myfyrwyr.  Mae amrywiaeth o ddigwyddiadau yn cael eu cynnal drwy gydol yr wythnos i atgoffa myfyrwyr sut gall Nawdd Nos helpu.


Chwiliwch am y Ninjas Nawdd Nos a Dafydd y masgot cyfeillgar o amgylch y campws yn ystod yr wythnos.
• Dafydd a'r Ninjas Nawdd Nos yn cael te parti ym Mhrif Adeilad y Celfyddydau, Dydd Mercher 1 1:00-1:45
• Dafydd a'r Ninjas Nawdd Nos yn cael te parti ar Safle'r Normal Dydd Mercher 1 2:00-3:00
• Gwerthiant cacennau Nawdd Nos ar Safle Ffriddoedd Dydd Iau 2 Chwefror  12:30
• Noson ffilm Nawdd Nos nos Iau 2 Chwefror 19:30 Prif Ddarlithfa'r Celfyddydau
• Stondin wybodaeth a recriwtio Nawdd Nos yn adeilad Wheldon Dydd Gwener 3 Chwefror 10:00-1:00

Mae Nawdd Nos  yn wasanaeth sydd ar gael o  8:00pm tan 8:00am lle gall myfyrwyr ffonio am unrhyw wybodaeth y gallent fod ei angen neu i gael cymorth ar ffurf clust i wrando.

Nod Nawdd Nos yr wythnos hon yw codi ymwybyddiaeth gyffredinol am y gwasanaeth trwy wahanol ddigwyddiadau a gynhelir o amgylch y Brifysgol.

Maent hefyd yn gobeithio recriwtio mwy o wirfoddolwyr.  Nid oes rhaid cael cymwysterau arbennig, mae holl fyfyrwyr Prifysgol Bangor yn gymwys i wirfoddoli.  Rhoddir hyfforddiant trwyadl i sicrhau parhau i ddarparu safon uchel o wasanaeth i’r galwyr.

Gofynnai Nawdd Nos i wirfoddolwyr neilltuo pedair noson o'u dewis fesul semester, fel y gellir aros ar agor cymaint â phosib.  Derbynnir gwirfoddolwyr dwywaith y flwyddyn, ar ddechrau bob semester, i alluogi aelodau newydd gymryd rhan yn yr hyfforddiant priodol. Oherwydd natur yr hyfforddiant, ni all Nawdd Nos dderbyn ceisiadau i wirfoddoli y tu allan i'r amseroedd hyn, ond os oes gan rywun ddiddordebCwtsh am ddim gan Dafydd y masgotCwtsh am ddim gan Dafydd y masgot, dylent gysylltu â Nawdd Nos (nightline@undeb.bangor.ac.uk) ac mewn amser byddant yn derbyn e-bost i’w atgoffa pan fydd Nawdd Nos yn derbyn mwy o wirfoddolwr.


Os oes gennych unrhyw gwestiynau neu â diddordeb bod yn wirfoddolwr, ewch draw i un o ddigwyddiadau'r wythnos hon neu i'w gwefan http://www.undeb.bangor.ac.uk/nightline/cy/ neu dewch o hyd i Bangor University Nightline neu Dafydd Nightline, y masgot cyfeillgar ar Facebook. Cofiwch, mae rhif Nawdd Nos ar gefn eich cerdyn myfyriwr!

Dyddiad cyhoeddi: 1 Chwefror 2012