Mae gan Elen Bonner ddiddordeb mawr yng nghynaladwyedd cymunedau gwledig, gyda ffocws arbennig ar y berthynas rhwng yr economi, mudo a’r Gymraeg. Yn ystod ei doethuriaeth, cynhaliodd adolygiad systematig o’r dystiolaeth ynghylch effaith gwahanol ddimensiynau economaidd ar y Gymraeg ynghyd a datblygu teipoleg unigryw sy’n egluro’r ffactorau sy’n dylanwadu ar benderfyniadau siaradwyr yr iaith mewn perthynas â mudo. Mae hi wedi cyflwyno’i hymchwil mewn amrywiaeth o fforymau ac wedi cyfrannu’n rheolaidd at gyfarfodydd gyda swyddogion Llywodraeth Cymru a llywodraeth leol.

Ar hyn o bryd, mae Elen yn gweithio fel Cydymaith Ymchwil Ôl-ddoethurol i Bartneriaeth Polisi ac Arloesi Lleol (LPIP) y Gymru Wledig. Yn ei rôl, mae’n cefnogi’r elfen ‘ymchwil ymatebol’ o’r prosiect, gan archwilio rhai o’r heriau mwyaf blaenllaw sy’n wynebu cymunedau gwledig. Cyn hynny, bu’n gweithio fel ymchwilydd ar brosiect a ariannwyd gan Gronfa Her Arfor, gyda’r nod o fynd i’r afael â heriau recriwtio staff dwyieithog. Mae prosiectau eraill y mae wedi cyfrannu atynt yn cynnwys ymchwil i ddefnydd cymunedol o’r Gymraeg a dylanwad y sector twristiaeth ar yr iaith.

Mae’r profiadau hyn wedi meithrin sgiliau ymchwil cadarn, gan gynnwys archwilio llenyddiaeth, dylunio offer ymchwil, casglu a dadansoddi data ansoddol, a chyflwyno ymchwil i amrywiaeth o gynulleidfaoedd.

Ar hyn o bryd, mae Elen yn dilyn cwrs Tystysgrif Ôl-radd Addysgu mewn Addysg Uwch, ac yn y gorffennol, bu’n cyfrannu at ddarpariaeth addysgu’r brifysgol fel tiwtor Cymdeithaseg cyfrwng Cymraeg. Mae Elen yn Ddarlithydd Cysylltiol y Coleg Cymraeg Cenedlaethol. 

Swydd: Cydymaith Ymchwil Ôl-ddoethurol,

Partneriaeth Polisi ac Arloesi Lleol (LPIP) y Gymru Wledig

E-bost: elen.bonner@bangor.ac.uk

  • Tystysgrif Ôl-radd mewn Dulliau Ymchwil
    2021
  • MA: Datblygu Cymuned
    2017
  • BA: Celf Gain
    University College for the Creative Arts, 2006

2024

2023

2025

  • Taith Iaith i Wlad y Basg

    Erthygl i Gwerddon Fach ar Golwg 360

    1 Ion 2025

    Gweithgaredd: Mathau o waith ymgysylltu â'r cyhoedd a gwaith maes - Erthygl neu gyfranogiad yn y cyfryngau (Cyfrannwr)

2024

  • Pecyn Recriwtio Gweithlu Dwyieithog

    Cyflwyniad i Fwrdd y Rhaglen Gymraeg (Llywodraeth Cymru).

    20 Tach 2024

    Gweithgaredd: Cyflwyniad llafar (Siaradwr)
  • Pecyn Recriwtio Gweithlu Dwyieithog

    Cyflwyniad i Fwrdd Partneriaeth Cyngor y Gymraeg (Llywodraeth Cymru). Cadeiriwyd gan Mark Drakeford, Ysgrifennydd Cabinet dros Gyllid a’r Gymraeg.

    18 Tach 2024

    Gweithgaredd: Cyflwyniad llafar (Siaradwr)
  • Rhannu Arfer Da - Mudo Pobl Ifanc

    Digwyddiad ar-lein a drefnwyd gan brosiect Arfor i rannu arfer da ac ymchwil ynghylch mudo bobl ifanc. Ymhlith y siaradwyr roedd: Dorthe Frydendahl, Ringkøbing-Skjern, Denmarc; Donald Weir, Ucheldiroedd ac Ynysoedd, Alban; Elen Bonner, Prifysgol Bangor; Huw Lewis, Prifysgol Aberystwyth; Jade Owen, Menter Môn.

    6 Medi 2024

    Gweithgaredd: Sgwrs wadd (Siaradwr)
  • Trafodaeth Gweithleoedd Cymraeg

    Digwyddiad Arfor yn yr Eisteddfod yn trafod gweithleoedd Cymraeg.

    Aelodau'r panel:

    Elen Bonner, Prifysgol Bangor;

    Catrin Llwyd, Prifysgol Cymru Drindod Dewi Sant;

    Dr Arwel Williams, Prifysgol Bangor.

    Cadeirydd: Yr Athro Elin Haf Gruffydd Jones, Prifysgol Cymru Drindod Dewi Sant.

    9 Awst 2024

    Gweithgaredd: Sgwrs wadd (Siaradwr)
  • Yr Economi a’r Iaith Gymraeg: Arfor a thu hwnt

    Sesiwn dan arweiniad Prifysgol Aberystwyth yn yr Eisteddfod yn trafod canfyddiadau gwerthuso rhaglen Arfor sy’n defnyddio mentergarwch a datblygu’r economi i gefnogi cadarnleoedd y Gymraeg a chamau nesaf agenda economaidd i gefnogi’r iaith Gymraeg yng Nghymru.

    Aelodau’r Panel

    Elen Bonner, Prifysgol Bangor;

    Adam Price, AS Dwyrain Caerfyrddin a Dinefwr;

    Llŷr Roberts, Mentera;

    Ioan Teifi, Wavehill.

    Cadeirydd: Dr Elin Royles, Prifysgol Aberystwyth

    9 Awst 2024

    Gweithgaredd: Sgwrs wadd (Siaradwr)
  • Cynhadledd 'Methodolegau ymchwil ac ymchwil i ieithoedd rhanbarthol neu leiafrifol /Research methodologies and regional or minority language research

    Cyflwyniad: Deall penderfyniadau mudo siaradwyr Cymraeg: Pam teipoleg?

    10 Gorff 2024

    Gweithgaredd: Cymryd rhan mewn cynhadledd Academaidd (Siaradwr)
  • Dulliau Ymchwil posibl i’w defnyddio o fewn y Project Unigol

    Siaradwr gwadd i roi cyflwyniad yng Nghynhadledd Athrawon ac Ymgynghorwyr Bagloriaeth Cymru a drefnwyd gan Brifysgol Bangor. Roedd y cyflwyniad yn cyfeirio at 'Pecyn Adnoddau Amlgyfrwng Cymdeithaseg' a grëwyd gan Dr Rhian Hodges a Dr Cyngor Prys gyda chefnogaeth y Coleg Cymraeg Cenedlaethol.

    5 Gorff 2024

    Gweithgaredd: Cyflwyniad llafar (Siaradwr)
  • Prosiect Heriau Recrwitio Gweithu Dwyieithog - Gweithdai Cyd-gynhyrchu

    Cyfres o weithdai cyd-gynhyrchu gyda chyflogwyr y sector gyhoeddus, breifat a'r drydydd sector o siroedd Ceredigion, Sir Gâr, Gwynedd a Môn yn trafod heriau ac arfer da wrth recriwtio gweithlu â sgiliau yn y Gymraeg. Fel rhan o brosiect a gyllidwyd gan Gronfa Her Arfor.

    Gorff 2024 – Medi 2024

    Gweithgaredd: Mathau o waith ymgysylltu â'r cyhoedd a gwaith maes - Darlith/trafodaeth/seminar gyhoeddus (Cyfrannwr)

2023

2022

  • Cynhadledd Ymchwil Coleg Cymraeg Cenedlaethol

    Cyflwyniad: 'Dylanwad polisiau, gweithgareddau a thueddiadau economaidd ar y Gymraeg'.

    30 Meh 2022

    Gweithgaredd: Cymryd rhan mewn cynhadledd Academaidd (Siaradwr)
  • Cynhadledd Iaith a Busnes

    Cyflwyniad: 'Dylanwad yr economi ar y Gymraeg'.

    24 Meh 2022

    Gweithgaredd: Cymryd rhan mewn cynhadledd Academaidd (Siaradwr)