Yr agenda sero net a’i heffeithiau lleol, gan gynnwys ymlyniad at le, cymunedau a bywoliaethau

Lleoliad:

Zoom

Amser:

Dydd Gwener 4 Mawrth 2022, 09:30–17:00

Cyswllt:

Yr Athro Thora Tenbrink: t.tenbrink@bangor.ac.uk

Mae Canolfan Ymchwil Llefydd Newid Hinsawdd (PloCC) Prifysgol Bangor yn eich gwahodd i weithdy undydd rhyngddisgyblaethol ar-lein i drafod effeithiau lleol yr agenda sero net ar 4 Mawrth 2022.

COFRESTRWCH YMA

Bydd y bore yn gosod y cefndir trwy gyflwyniadau byr gan arbenigwyr gwadd am bolisïau, defnydd tir, busnes a chymuned, a thrafodaeth banel i ddilyn. Arweinir trafodaethau'r prynhawn gan hwylusydd, gyda’r nod o lunio canlyniadau diriaethol. Mae croeso i bawb – yn fyfyrwyr ôl-radd, yn ymchwilwyr ar ddechrau eu gyrfa ac yn uwch academyddion o bob disgyblaeth ym Mhrifysgol Bangor a thu hwnt, yn ogystal â rhanddeiliaid a phobl nad ydynt yn academyddion.

Nod y digwyddiad yw ffurfio rhwydweithiau newydd i nodi amcanion ymchwil penodol a ffurfio cydweithrediadau newydd - boed ar ffurf cynigion project a chyllid, neu bapurau academaidd neu grwpiau ffocws. Dewch yn barod i feddwl, i wrando, i herio, ac i gydweithio!

Cyd-destun: Mae’r agenda sero net yn cynnwys goblygiadau sylweddol i ddefnydd tir (ac felly newidiadau i’r cefn gwlad sy’n ein hamgylchynu), ynni (ac felly newidiadau pellach yn y dirwedd/yr arfordir), ac ynni adeiladu a deunyddiau (ac felly newidiadau i’n trefi a'n dinasoedd). Mae’r agwedd 'lle' ynghlwm wrth bob un, sy'n golygu yr effeithir ar y berthynas rhwng cymunedau lleol a'r lleoedd y maent yn byw ynddynt ac yn eu caru, ac felly'n ennyn teimladau cryf o du’r cyhoedd yn ogystal â gosod heriau sylweddol i'r sectorau dan sylw ac i lunwyr polisïau.

Mae'r pwnc hwn o ddiddordeb i lawer o ddisgyblaethau academaidd, yn cynnwys disgyblaethau gwyddonol sy’n datblygu’r technolegau sy’n gysylltiedig â sero net, y gwyddorau naturiol lle gellir gweld newidiadau ecolegol, hydrolegol, biolegol ac arfordirol. Yn ychwanegol at hyn, mae gwyddorau cymdeithas, y celfyddydau, y dyniaethau, seicoleg ac addysg yn trafod sut mae pobl yn ymateb a sut y gellid eu hannog i newid eu hymddygiad. Mae’r sectorau busnes a chyllid yn ymwneud ag ymarferoldeb a maint y technolegau newydd hyn sy'n cael eu defnyddio neu sy’n cael buddsoddiad, yn ogystal â dylanwad defnyddwyr ar wahanol fentrau trwy eu dewisiadau.

Yn fyr, mae’r her drawsddisgyblaethol yn enfawr, ac mae’n rhaid ceisio ei datrys trwy ddull amlochrog. Bydd y gweithdy’n dechrau gyda detholiad o siaradwyr o wahanol feysydd (polisïau llywodraeth, cymuned, busnes, gwyddoniaeth) a fydd yn cyflwyno eu safbwyntiau perthnasol, gan ysgogi trafodaeth yn y sesiynau gweithdy i ddilyn er mwyn gweithio ar lunio syniadau project ymchwil gwybodus a pherthnasol. Cefnogir y gweithdy hwn gan gynllun ariannu rhyngddisgyblaethol NERC.

Amserlen

Bore (9:30-12:00)
Ymunwch â'r cyfarfod Zoom 
https://us02web.zoom.us/j/85038098246?pwd=T3AwdHJqRnlRb1NGRFVvQ2xDOURXdz09&from=addon 
ID y Cyfarfod: 850 3809 8246 
Cyfrinair: 563685 

Prynhawn (12.00-17:00)
Ymunwch â'r cyfarfod Zoom
https://us02web.zoom.us/j/89140255885?pwd=U3FvWXVucENXRExlOG1GZThSSXhZUT09 
ID y Cyfarfod: 891 4025 5885 
Cyfrinair: 443677