Ethol Athro yn Gymrawd o Gymdeithas Ddysgedig Cymru

Y mae Huw Pryce, Athro Hanes Cymru ym Mhrifysgol Bangor, wedi’i ethol yn Gymrawd o Gymdeithas Ddysgedig Cymru yn Etholiad Agoriadol y Gymdeithas o gymrodyr newydd yn 2011.

Sefydlwyd Cymdeithas Ddysgedig Cymru ym Mai 2010. Ei amcanion yw:

• dathlu, cydnabod, cynnal, gwarchod a meithrin rhagoriaeth ym mhob disgyblaeth ysgolheigaidd, ac yn y proffesiynau, diwydiant a masnach, y celfyddydau a gwasanaeth cyhoeddus;
• hyrwyddo cynnydd dysg ac ysgolheictod a lledaeniad a chymhwysiad canlyniadau archwiliad ac ymchwil academaidd; a
• gweithredu fel ffynhonnell cyngor ysgolheigaidd annibynnol ac arbenigol ac i sylwebu ar faterion sy’n effeithio ar les Cymru a’i phobl ac i hyrwyddo trafodaeth a rhyngweithiad cyhoeddus ar faterion o bwysigrwydd cenedlaethol a rhyngwladol

Am wybodaeth bellach am y Gymdeithas ymwelwch â http://learnedsocietywales.ac.uk/

Dyddiad cyhoeddi: 13 Awst 2012