Cynnal Arolygiadau

Cynhyrchwyd y rhestrau gwirio canlynol i helpu colegau/adrannau wrth gynnal archwiliad ffurfiol, wedi ei gofnodi o'r gwaith, gyda phob dogfen yn crynhoi'r prif bwyntiau sy'n berthnasol i'r maes pwnc. Mae'r dogfennau ar ffurf Word fel y gall colegau/adrannau eu haddasu'n hawdd i'w gwneud yn benodol i'w gweithgareddau gwaith a'u hamgylchedd gwaith go iawn.

Er bod arolygiadau a gofnodir yn bwysig, ni chânt eu cynnal bob dydd, felly ni ellir pwysleisio digon pa mor bwysig yw bod colegau/adrannau yn annog staff a myfyrwyr i fonitro eu gweithgareddau gwaith a'u hamgylchedd gwaith eu hunain gan adrodd am bryderon ar unwaith fel y gellir cymryd camau. Bydd datblygu amgylchedd o'r fath yn golygu bod llawer mwy o bobl yn cadw llygad i helpu i gynnal safonau iechyd a diogelwch da i bawb.

Wrth gynnal arolygiadau, mae'n syniad da i un neu ddau o bobl gerdded o amgylch gyda'i gilydd. Mae hefyd yn bwysig siarad â staff a myfyrwyr yn y mannau yr ymwelir â hwy oherwydd gallai hyn helpu i nodi materion nad ydynt yn amlwg.

Mae dyrannu tasgau a dilyn unrhyw gamau a nodwyd yn ystod yr arolygiad hefyd yn hanfodol i sicrhau yr ymdrinnir ag unrhyw faterion.

Cyfeiriwch hefyd at "Dyfeisiau a Systemau Beirniadol Diogelwch" os oes gennych eitemau o offer peirianneg, systemau pwysau, mannau peryglus, etc. Mae'n bwysig asesu a oes unrhyw un o'r meysydd neu'r offer sydd gennych â dyfeisiau diogelwch integredig, ac os felly sicrhau eu bod yn gweithio’n gywir a bod cofnod yn cael ei gadw o brofion ac archwiliadau o'r fath.