Dathlu Merched!

Drwy gydol mis Mawrth eleni, bydd yr Ysgol Hanes, Athroniaeth a Gwyddorau Cymdeithas yn dathlu Mis Hanes Merched drwy ryddhau cyfres o sgyrsiau diddorol am ferched nodweddiadol ar sianel YouTube yr Ysgol. Ymysg y merched y rhoddir sylw iddynt mewn sesiynau byrion (8-20 munud), mae Rosa Parks, Sojourner Truth, Emmeline Pankhurst, Ann Griffiths a Simone de Beauvoir. 

Meddai Dr Gareth Evans-Jones o’r Ysgol, ‘Bwriad y sgyrsiau yma ydi hyrwyddo cyfraniad sylweddol amryw ferched i sawl maes ac annog pobl i ddarllen mwy am y merched yma ac eraill. Mae hon yn fenter gyffrous ac yn un, gobeithio, a fydd yn apelio’n fawr.’ 

Rhyddheir un sgwrs bob ddydd Llun a ddydd Mercher. I wylio’r sgyrsiau, edrychwch ar sianel YouTube yr Ysgol

Dyddiad cyhoeddi: 12 Mawrth 2021