Tîm Cymru o dan 21 yn Hyfforddi ym Maes Glas

Ar ôl y llwyddiant o groesawu tîm Dan 21 y Ffindir yma cyn eu gêm yn erbyn Cymru ym mis Awst, bydd tîm Dan 21 Cymru yn defnyddio Prifysgol Bangor fel safle ymarfer cyn dwy gêm mis yma.Bydd y sgwad yn chwarae yn erbyn Lithuania a San Marino yn stadiwm BookPeople Bangor ac yn defnyddio caeau Treborth Prif Ysgol Bangor i baratoi cyn y gemau.

Mae'r ddwy gêm yn gemau rhagbrofol yng nghystadleuaeth UEFA a byddent yn cael eu chwarae ar Hydref 11eg a 15fed.Mae'r gemau yn dechrau am 2:00yh.Dywedodd Richard Bennet Cyfarwyddwr Chwaraeon  Prif Ysgol Bangor 'Mae'n fraint croesawu tîm rhyngwladol arall yma i ddefnyddio ein cyfleusterau, rydym yn gobeithio bydd caeau Treborth yn galluogi iddynt baratoi yn llawn ar gyfer y gemau pwysig. Mae cael y tîm Dan 21 yma yn dangos fod ein partneriaeth gyda Chlwb Pêl Droed Bangor yn helpu i ddod a timau safon uchel i Ogledd Cymru.

Dyddiad cyhoeddi: 11 Hydref 2013