Ymweliad dau Athro o sefydliadau partner
Bu dau athro o sefydliadau partner Erasmus yn ymweld â'r Ysgol Gwyddorau Cymdeithas yn ddiweddar.
Bu'r Athro Vera Trappmann, Athro Seicoleg ym Mhrifysgol Otto-von-Guericke, Magdeburg, yr Almaen, yn ymweld â’r ysgol ym mis Mawrth. Cyflwynodd yr Athro Trappmann seminar ar weithwyr o wlad Pwyl a bu'n dysgu israddedigion y flwyddyn gyntaf a'r ail.
Chwith i dde: Mr. Hefin Gwilym, Dr. Stefan Machura, yr Athro Vera Trappmann a'r Athro Howard Davis
Mae’r Athro Horst Unbehaun yn Athro Gwaith Cymdeithasol ym Mhrifysgol Ohm yn Nürnberg, yr Almaen. Daeth i'r ysgol ym mis Mai a chyflwynodd seminar ar fewnfudo i'r Almaen.
Chwith i dde: Mr. Hefin Gwilym, yr Athro Horst Unbehaun a'i wraig, a Dr. Stefan Machura
Mae Prifysgol Otto-von-Guericke, Magdeburg a Phrifysgol Georg Simon Ohm yn bartneriaid Erasmus i'r Ysgol Gwyddorau Cymdeithas ac yn cynnig cyfleoedd i fyfyrwyr Bangor astudio dramor.
Dyddiad cyhoeddi: 9 Mai 2013