Ynglŷn â’r Cwrs Yma
Gallai cwrs mewn ysgrifennu creadigol fod yn gam cyntaf tuag at yrfa ysgrifennu, neu'n gyfle i awduron mwy profiadol ddatblygu eu gwaith o safbwynt newydd. Mae ysgrifennu creadigol ym Mhrifysgol Bangor yn cynnig ystod o gyfleoedd ar gyfer astudiaeth ôl-raddedig mewn awyrgylch feirniadol a chreadigol ddeinamig.
Mae gan Brifysgol Bangor brofiad sylweddol yn y ddisgyblaeth hon a chymuned ôl-raddedig lewyrchus. Hyfforddir ein MA mewn Ysgrifennu Creadigol gan staff sy'n awduron cyhoeddedig ac yn academyddion sydd â phrofiad helaeth o heriau ymchwil prifysgol.
Cynnwys y Cwrs
Beth fyddwch chi’n ei astudio ar y cwrs yma?
Mae dwy ran i'r MA mewn Ysgrifennu Creadigol. Rhaid cwblhau Rhan Un yn llwyddiannus cyn symud ymlaen i Ran Dau (y traethawd hir).
Rhan Un: Yn rhan gyntaf yr MA, addysgir pedwar modiwl mewn grwpiau bychain neu dan oruchwyliaeth unigol. Mae'r modiwlau'n cynnwys tri modiwl gorfodol a phedwerydd modiwl wedi'i ddewis o restr o'r dewis sydd ar gael.
Rhan Dau: Ail ran yr MA yw'r Traethawd Hir, sy'n gyfle i ddatblygu darn hirach o ysgrifennu creadigol (20,000 o eiriau) mewn ymgynghoriad â goruchwyliwr. Bydd yn cynnwys cyfres o gyfarfodydd goruchwylio un i un dros yr haf, unwaith y bydd Rhan I wedi’i chwblhau’n llwyddiannus.
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Ysgrifennu Creadigol (Cyfrwng Saesneg).
Mae cynnwys y cwrs wedi’i nodi i’ch arwain yn unig ac fe all newid.
Gofynion Mynediad
Gradd israddedig 2.ii neu gymhwyster cyfwerth mewn pwnc perthnasol a ddylai fel rheol gynnwys elfen o Ysgrifennu Creadigol (e.e. Ysgrifennu Creadigol neu Astudiaethau Llenyddol) a diddordeb amlwg mewn Ysgrifennu Creadigol.
Bydd ymgeiswyr sydd â chymwysterau neu brofiad cyfwerth a cheisiadau gan weithwyr proffesiynol nad oes ganddynt radd yn cael eu hystyried fesul un. Cysylltwch â ni am fwy o wybodaeth. Efallai y gofynnir i ymgeiswyr gyflwyno ychydig enghreifftiau o'u gwaith (barddoniaeth a/neu ryddiaith) i gefnogi eu cais. Cysylltwch â ni am fwy o wybodaeth.
Yn achos myfyrwyr nad Saesneg yw eu hiaith gyntaf, bydd arnynt angen sgôr IELTS o 6.5 o leiaf (heb i unrhyw elfen fod yn is na 6.0).
Gyrfaoedd
Gall MA mewn Ysgrifennu Creadigol arwain at yrfa fel nofelydd, bardd neu ddramodydd. Mae cynllunio a datblygu project ysgrifennu o sylwedd yn baratoad da ar gyfer ysgrifennu a ariennir neu a gomisiynir yn y dyfodol, yn ogystal ag ar gyfer gyrfa academaidd mewn ymchwil yn seiliedig ar ymarfer. Mae'r cwrs hwn hefyd yn cynnig amrywiaeth o sgiliau y gellir eu defnyddio mewn cyd-destunau eraill, er enghraifft golygu, cyhoeddi, newyddiaduraeth a gweinyddu'r celfyddydau. Mae'r gallu i ddefnyddio iaith yn rhugl ac yn argyhoeddiadol yn hanfodol ar gyfer llwyddiant ym mron unrhyw faes, ac mae'r hyblygrwydd o weithio ar draws genres yn y cwrs hwn yn cynnig sylfaen ragorol i ddefnyddio iaith yn greadigol
