Archeoleg a Threftadaeth

Ym Mangor, ceir cymuned ymchwil ôl-radd fywiog sy'n tyfu a byddwch yn rhan o awyrgylch dysgu clos a chefnogol. Byddwch yn:

• Cael cyfle i wneud project ymchwil helaeth o'ch dewis dan arweiniad agos ac arbenigol.
• Ehangu a dyfnhau eich ymdriniaeth feirniadol â hanes a hanesyddiaeth.
• Rhan o gymuned ymchwil gref sydd â mynediad at wybodaeth arbenigol.
• Datblygu sgiliau a gwybodaeth allweddol a dod yn ymchwilydd annibynnol.
• Gallu mynd i seminarau ymchwil rheolaidd ar hanes ac archaeoleg gydag ysgolheigion blaenllaw mewn amrywiaeth o feysydd ym Mangor a thu hwnt.

Gallwch ddilyn gyrfa academaidd mewn Hanes / Hanes Cymru. Caiff y sgiliau dadansoddi ac ymchwil ar lefel uchel a ddatblygir yn ystod y radd hon eu gwerthfawrogi gan gyflogwyr mewn meysydd fel cyfathrebu, y cyfryngau, amgueddfeydd a diwydiannau treftadaeth, dysgu, cyhoeddi, yn ogystal â swyddi mewn ymchwil a datblygu.

Mae staff academaidd Archaeoleg a Threftadaeth yn arbenigwyr mewn amrywiaeth eang o feysydd.  Ein strategaeth ymchwil ym maes Archaeoleg yw defnyddio tirweddau archeolegol eithriadol gyfoethog Cymru fel canolbwynt naturiol i'n hymchwil, gan ddadansoddi cymdeithasau'r gorffennol, eu haneddiadau a'u diwylliant materol o ddiwedd y cyfnod Mesolithig hyd at y cyfnod modern cynnar.  Mae ein strategaeth ymchwil ym maes Treftadaeth yn canolbwyntio ar ragweld a chynllunio gallu, cyfranogiad y cyhoedd a gwyddoniaeth dinasyddion, a chyfraith, polisi ac arfer rheoli treftadaeth (archeolegol yn bennaf) mewn cyd-destun Cymraeg a rhyngwladol.

Mae cryfderau ymchwil Archaeoleg a Threftadaeth yn cynnwys:

• Cynhanes Cynnar: Tirweddau a Morluniau; Marwolaeth a Chladdedigaeth.
• Cynhanes a Hanes Rhufeinig Diweddarach: Tirweddau, Anheddu a Chladdu; Archaeoleg Gymdeithasol; Archaeoleg Geltaidd.
• Yr Oesoedd Canol Cynnar: Celf a Cherflunwaith, Anheddiad; Archaeoleg Gymdeithasol; Archaeoleg Geltaidd.
• Rheoli Treftadaeth: Cenedlaethol a Rhyngwladol; Archaeoleg Gyhoeddus.