Gwyddor yr Amgylchedd

Ynglŷn â Gwyddor yr Amgylchedd

Ymchwil arloesol ac addysgu arobryn

Rydym yn grŵp cyfeillgar a deinamig sy'n gweithio ar draws amrywiaeth o ddisgyblaethau yng ngwyddorau'r amgylchedd, o lygredd pridd a dŵr i allyriadau nwyon tŷ gwydr; o wastraff i economeg amgylcheddol, modelu hydrolegol, ôl troed carbon, a phathogenau. Mae'r gwaith hwn yn mynd â ni ar draws y byd - mae gennym brojectau ar bob cyfandir, o'n gorsaf ymchwil ein hunain, i'r Arctig, Brasil, ac Indonesia. Mae ein hymchwil hefyd yn golygu ein bod yn dylanwadu ar bolisi ar sawl lefel gwahanol. Mae myfyrwyr sy'n astudio ein graddau yn elwa o'r rhyngweithio uniongyrchol â staff sy'n flaenllaw yn eu maes. Edrychwch ar y gwe-dudalennau hyn i ddysgu mwy am yr hyn a wnawn, ac i weld sut y gallwn eich helpu i ragori yn y maes pwnc hynod ddiddorol hwn.

Hanes hir o addysgu ac ymchwil

Rydym wedi cael ein cydnabod am ein haddysgu a'n hymchwil mewn gwyddorau'r amgylchedd a rheolaeth. Mae myfyrwyr sy'n astudio yma yn elwa o'r rhyngweithio uniongyrchol â staff sy'n flaenllaw yn eu maes. Rydym yn weithgar ar draws amrywiaeth eang o ddisgyblaethau, gan arwain ymchwil i rai o'r materion amgylcheddol mwyaf dybryd ledled y byd.

Tirweddau amrywiol ar eich trothwy

Gwneir hyn i gyd yn haws gan y ffaith bod Bangor mewn lleoliad mor wych ar gyfer astudio ac ymchwilio i faterion amgylcheddol; rydym yn agos iawn at amrywiaeth enfawr o dirweddau ac amgylcheddau. Mae gennym hefyd labordy unigryw a chyfleusterau maes, a hanes hir o weithio gyda llywodraethau, diwydiant a chyflogwyr.

Grŵp o fyfyrwyr yn gweithio mewn labordy

Pam Astudio Gwyddor yr Amgylchedd?

Y 30 uchaf yn y Deyrnas Unedig am Addysg Gwyddorau'r Amgylchedd (Times/Sunday Times Good University Guide 2018)
Gwobr Aur am Ansawdd Addysgu yn y Fframwaith Rhagoriaeth Addysgu diweddaraf
Gorsaf ymchwil 252 hectar
Gardd fotaneg 18 hectar.

Cyfleoedd Gyrfa o fewn Gwyddor yr Amgylchedd

Mae Gwyddorau'r Amgylchedd yn cynnig hyblygrwydd llwyr yn eich dewis o lwybr gyrfa. Gallwch ddisgwyl dod o hyd i waith mewn sefydliadau diwydiannol, asiantaethau cynghori, llywodraeth leol ac ym maes ymchwil a datblygu, yn Ewrop a thu hwnt. Mae hefyd yn rhoi sylfaen dda ar gyfer addysgu a gwaith yn y cyfryngau.

Golygfa o'r awyr o dir gydag amrywiaeth o gnydau trofannol

Prif Adeilad y Celfyddydau, Prifysgol Bangor

students waiting to go in to a lecture in the Pontio building

Laboratory assistant takes a water analysis in a puddle

Ein Hymchwil o fewn Gwyddor yr Amgylchedd

⁠Ymchwil gyda'r orau yn y byd

Mae Prifysgol Bangor wedi bod ar y blaen ym maes ymchwil yng ngwyddorau'r amgylchedd ers degawdau. Mae amrywiaeth diddordebau ac arbenigedd staff yn golygu bod ein hymchwil yn helpu i ddarparu atebion i broblemau damcaniaethol a chymhwysol sylfaenol yng ngwyddorau'r amgylchedd, yn ogystal â chyfarwyddo ein haddysgu. Ymhlith eraill, mae astudiaethau parhaus yn canolbwyntio ar newid yn yr hinsawdd, rheoli a defnyddio gwastraff, cylchu maetholion, allyriadau nwyon tŷ gwydr o systemau amaethyddol, asesiadau cylch bywyd ac ôl traed carbon, microbioleg amgylcheddol (e.e. ymwrthedd i wrthfiotigau a phathogenau), diogelu'r cyflenwad bwyd (e.e. dwysáu cynaliadwy), a sawl agwedd ar wyddor pridd. Mae pwyslais rhyngwladol iawn i'n hymchwil. Mae nifer o'r tîm yn arbenigwyr gwadd ar bwyllgorau'r llywodraeth, ac rydym yn arbennig o weithgar wrth ymgysylltu â'r cyhoedd i roi cyhoeddusrwydd i'n gwaith. Mae ein staff yn weithgar yn y meysydd ymchwil canlynol.

Cyfleusterau rhagorol

Mae gennym gyfleusterau <https://www.bangor.ac.uk/natural-sciences/research/environment-natural-resources-and-geography/facilities/index.php.en> ardderchog ar gyfer ymchwil, gan gynnwys ein gorsaf ymchwil 252 hectar (Gorsaf Ymchwil Henfaes <https://www.bangor.ac.uk/natural-sciences/research/environment-natural-resources-and-geography/facilities/henfaes.php.en>), lle mae llawer o brojectau wedi'u lleoli, tai gwydr, labordai, a rhizotron <https://www.bangor.ac.uk/natural-sciences/research/environment-natural-resources-and-geography/facilities/treborth.php.ên>, a Chanolfan yr Amgylchedd Cymru <https://www.bangor.ac.uk/natural-sciences/research/environment-natural-resources-and-geography/facilities/environment_centre.php.en>.

Cydweithio rhyngwladol

Rydym yn cydweithio â phobl o bob cwr o'r byd, gan gynnwys arbenigwyr academaidd a diwydiant. Mae nifer o'r tîm yn arbenigwyr gwadd ar bwyllgorau'r llywodraeth, ac rydym yn arbennig o weithgar wrth ymgysylltu â'r cyhoedd i roi cyhoeddusrwydd i'n gwaith. Gyda'i gilydd, mae hyn yn helpu i sicrhau bod ein hymchwil yn ddefnyddiol ac yn berthnasol yn y byd go iawn. Mae pwyslais rhyngwladol iawn i'n hymchwil, gyda phrojectau wedi'u lleoli ym mhob cyfandir yn y byd, o'r Arctig i'r Antarctig.

Rhoi sylw i faterion cyfredol

Ymhlith eraill, mae astudiaethau parhaus yn ymdrin ag amrywiaeth o faterion, yn cynnwys newid yn yr hinsawdd, rheoli a defnyddio gwastraff, cylchu maetholion a gwneud y gorau o'u defnydd, allyriadau nwyon tŷ gwydr o systemau amaethyddol, asesiadau cylch bywyd ac olion traed carbon, microbioleg amgylcheddol (e.e. ymwrthedd i wrthfiotigau a phathogenau), diogelu'r cyflenwad bwyd (e.e. dwysáu cynaliadwy), a sawl agwedd ar wyddor pridd.

Meysydd pwnc eraill sydd yn berthnasol

Efallai y bydd gennych ddiddordeb yn y meysydd pwnc yma hefyd.

Meysydd pwnc eraill sydd yn berthnasol

Efallai y bydd gennych ddiddordeb yn y meysydd pwnc yma hefyd.