Llywodraeth Cymru yn cyhoeddi cyllid ar gyfer Academïau Sgrin Cymru

Mae cefnogaeth ariannol wedi cael ei ddarparu ar gyfer prosiect newydd, a arweinir gan Brifysgol Bangor, Ysgol Ffilm a Theledu Prifysgol De Cymru, a Screen Alliance Wales, i greu tair Academi Sgrin

Mae cefnogaeth ariannol wedi cael ei ddarparu ar gyfer prosiect newydd, a arweinir gan Brifysgol Bangor, Ysgol Ffilm a Theledu Prifysgol De Cymru, a Screen Alliance Wales, i greu tair Academi Sgrin o fewn Greatpoint Studios, Wolf Studios Wales ac Aria Studios i ddarparu’r sgiliau, yr addysg a'r hyfforddiant sydd eu hangen i gefnogi'r genhedlaeth nesaf o bobl dalentog yng Nghymru i ffynnu yn y diwydiant sgrin.

Gwnaed y cyhoeddiad heddiw gan Ddirprwy Weinidog y Celfyddydau a Chwaraeon, Dawn Bowden fel rhan o dros £1.5 miliwn o gyllid sydd wedi ei ddyfarnu gan Lywodraeth Cymru i 17 prosiect a fydd yn darparu sgiliau a phrosiectau hyfforddi o ansawdd uchel yn y diwydiannau creadigol yng Nghymru.

Mae Academïau Sgrin Cymru wedi’u sefydlu i wella’n uniongyrchol y cyfleoedd sydd ar gael i bobl ifanc yng Nghymru ddilyn gyrfa yn y diwydiant ffilm a theledu. Mae Prifysgol Bangor yn falch o fod yn cydweithio’n agos gydag Stiwdios Ffilm Aria ar Ynys Môn, Prifysgol De Cymru a Chynghrair Sgrin Cymru er mwyn adeiladu ffrwd gynaliadwy a chynhwysol ar gyfer diwydiant sgrin ffyniannus Cymru. Mae datblygu’r dalent gorau gyda’r sgiliau proffesiynol priodol a darparu cyfleoedd yn y Gymraeg yn ogystal â’r Saesneg yn greiddiol i’n cenhadaeth fel prifysgol, ac mae creu cynnwys bellach yn ddiwydiant byd-eang sy’n cynnig cyfleoedd enfawr i’n myfyrwyr yma yng Nghymru a thu hwnt.

Professor Ruth McElroy

Stori lawn ar wefan Llywodraeth Cymru fan hyn

Fideo: Myfyrwyr ym ymwled a stiwdio Aria