Mae Prifysgol Bangor yn cynnig gostyngiad o 20% mewn ffioedd i holl gyn-fyfyrwyr Cartref a Rhyngwladol Prifysgol Bangor sy'n hunan-ariannu sydd wedi graddio gyda gradd anrhydedd.
Rydym yn rhoi sicrwydd o lety i ymgeiswyr ôl-raddedig sydd:
Sylwch, mae ein llety i ôl-raddedigion yn bennaf yn ystafelloedd i un, yn rhai en-suite, fflatiau stiwdio a thai tref. Os gwnewch gais am le mewn neuadd cyn y dyddiad cau, sef 7 Awst, byddwch yn gallu dewis pa ystafell fyddai orau gennych, yn amodol ar argaeledd ar adeg archebu.
Byddwn yn anfon e-bost atoch pan fydd ein system archebu yn agor ar ddiwedd mis Ionawr, gan roi cyfle i chi ddewis eich ystafell o ddewis trwy ein system archebu ar-lein.
Gyda thros 200 o raglenni ôl-radd trwy ddysgu ac ymchwil, os ydych yn aros ymlaen i astudio ar lefel ôl-radd, cewch ddewis ehangu eich diddordebau academaidd neu barhau i arbenigo yn eich maes pwnc.
Y ffordd orau i gael mwy o wybodaeth am ein cyrsiau ôl-radd a'r gostyngiad mewn ffioedd i fyfyrwyr presennol yw ymuno â ni ar un o'n Digwyddiadau Ôl-raddedig. Mewn Digwyddiad Ôl-raddedig cewch drafod eich opsiynau gyda staff a chael gwybod mwy am y gefnogaeth fydd ar gael i chi fel myfyriwr ôl-radd.
Mae Prifysgol Bangor yn cynnig y graddau ôl-raddedig hyfforddedig canlynol; MSc, MA, MBA, MMus, LLM, TAR.
Mae Prifysgol Bangor yn cynnig y graddau ymchwil ôl-raddedig canlynol; LLM, PhD, MPhil, MRes, Doethuriaeth Broffesiynol, MScRes, MARes, DHealthCare, EdD, MMusRes.
Mae gennym nifer o Ysgoloriaethau, Efrydiaethau a Bwrsariaethau, yn cael eu hariannu gan y Brifysgol a gan yr Ysgolion academaidd unigol. Mae'r Ganolfan Addysg Rhyngwladol hefyd yn cynnig amrywiaeth o wobrau i fyfyrwyr rhyngwladol.
Rydym yn cynnig ystod eang o ddulliau astudio ôl-raddedig i weddu i'ch ffordd o fyw a'ch ymrwymiadau, mae nifer fach o gyrsiau ar gael ar-lein:
Llawn Amser: Archwiliwch ein cyrsiau ôl-raddedig llawn-amser ar y campws.
Rhan-amser: Gallwch ddilyn llawer o’n graddau’n rhan-amser, gan fynychu llai o sesiynau bob wythnos ac ymestyn eich cyfnod astudio.
Dysgu Cyfunol: Mae ein cyrsiau cymysg yn cynnig cyfuniad o ddysgu o bell neu e-ddysgu gydag astudiaeth wyneb yn wyneb.
Dysgu o Bell: Mae ein cyrsiau dysgu o bell wedi'u cynllunio ar gyfer dysgu ar-lein yn unig.
Ymchwiliwch sut i ariannu eich astudiaethau a sut i wneud cais am gyllid ôl-radd.
Sgwrsiwch gyda myfyrwyr ôl-radd presennol sy'n hapus i ateb eich cwestiynau.
Dewch i wybod mwy am beth sy'n digwydd ar ôl gwneud cais i astudio fel myfyriwr ôl-radd.
Cynigir cyrsiau dysgu o bell neu gyrsiau cymysg, mewn rhai o’n hysgolion.