Llinynnau, Caneuon, ac Ysbryd: Cyngerdd Nadolig Hudolus 2024!

Roedd yn bleser gan Sefydliad Confucius Prifysgol Bangor gymryd rhan yng Nghyngerdd Nadolig hudolus TAP Music a gynhaliwyd ar 7 Rhagfyr 2024. Roedd yn noson â’i llond o hwyl yr ŵyl a chyfoeth diwylliannol.

Oedd, roedd y cyngerdd Nadolig eleni yn un i’w gofio! Dau o’r uchafbwyntiau oedd perfformiadau hudolus y tiwtoriaid Wenting Cai a Yushan Gao. Wenting y gynulleidfa gyda sain bendigedig y guzheng, tra daeth Yushan â'r neuadd yn fyw gyda thonau cynhyrfus yr erhu. Roedd eu perfformiadau’n cynnig gwedd wahanol ar hwyl yr ŵyl trwy asio traddodiadau cyfoethog cerddoriaeth Tsieina ag ysbryd y Nadolig.

Roedd y digwyddiad yn llawn amrywiaeth, gan arddangos popeth o berfformiadau ar y sielo, y ffidil, a’r gitâr i ddawnsio deinamig a pherfformiadau cyffrous gan gôr eglwys. Ychwanegodd cyfraniadau diwylliannol Sefydliad Confucius gyffyrddiad arbennig, gan greu dathliad Nadoligaidd twymgalon i bob cenhedlaeth. Roedd y noson yn fwy na dim ond cerddoriaeth - roedd yn ddathliad o ysbryd cymunedol ac undod.