Cyflymu Arbenigedd JXH-4105 - Mynediad yn

Mae hwn yn gwrs byr hyblyg ar lefel ôl-raddedig sy'n cael ei gyflwyno ar-lein.

Ar gyfer pwy mae'r Cwrs Byr hwn yn addas?

Mae'r modiwl dysgu o bell ar-lein hwn ynghylch Cyflymu Arbenigedd yn addas ar gyfer unrhyw un sydd â diddordeb deall sut i ddatblygu arbenigedd a rhagori.

Pam astudio’r cwrs?

Mae'r cwrs micro-gymhwysedd hwn yn defnyddio dull dysgu seiliedig ar broblemau i egluro'r atebion cymhleth fel rheol i'r cwestiwn, "Sut mae datblygu arbenigedd?" 

Prif nod y cwrs hwn yw darparu dealltwriaeth ddamcaniaethol ac empirig gadarn o'r llenyddiaeth sy’n bodoli ar arbenigedd. Trwy ganolbwyntio ar gymhwyso effeithiol, ein nod yw datblygu’r arferion gorau mewn cyfarwyddo, hyfforddiant ac adborth er mwyn rhagori mewn gwahanol feysydd.

Pa mor hir mae'r cwrs yn cymryd i'w gwblhau?

Bydd y cwrs byr hwn yn cymryd 12 wythnos i'w gwblhau. Bydd holl ddeunyddiau’r darlithoedd ar gael ichi ar ddechrau'r cwrs a fydd yn eich galluogi i weithio wrth eich pwysau yn ôl eich amgylchiadau personol.

Asesiad

Mae'r asesu hyblyg yn galluogi'r dysgwr i ganolbwyntio ar ei ddiddordebau ei hun trwy ysgrifennu traethawd hyfforddi gyda’r nod o wella sgiliau canfyddiadol/echddygol mewn camp neu faes penodol (e.e. busnes, addysg, cerddoriaeth ac ati). (Nifer y geiriau: 2,500). 

Y Gofynion Technegol

Cwrs ar-lein yw hwn a gyflwynir trwy Blackboard Ultra. Bydd angencysylltiad sefydlog â’r rhyngrwyd, adnoddau Technoleg Gwybodaeth a chyfrifiadur a meddalwedd cyfoes, meicroffon a chlustffonau neu seinyddion ar y myfyrwyr.

Tiwtor

Dr Gavin Lawrence

Mae Gavin yn uwch ddarlithydd ac ymchwilydd mewn seicoleg perfformiad. Mae’n aelod o’r Sefydliad Seicoleg Perfformiad Elît, yn Gadeirydd Pwyllgor Talent a Pherfformiad Canŵ Cymru, ac yn Is-gadeirydd Bwrdd Economi Sgiliau Lleol Gogledd Cymru y Sefydliad Siartredig ar gyfer Rheoli Chwaraeon a Gweithgarwch Corfforol (CIMSPA). 

Mae gan Dr Lawrence dau brif faes diddordeb: Dysgu a Rheoli Echddygol, gyda phwyslais penodol ar weithio tuag at nod, ac arferion hyfforddi effeithiol, rhagoriaeth, a datblygu dawn. Ei brif bwyslais yn y maes olaf yw deall yn well sut mae datblygu dawn ac arbenigedd, gan gloriannu’r ffyrdd mwyaf effeithiol o ragori drwy arferion ymddygiadol a seicolegol. 

Mae ei ymchwil yn archwilio sut mae strwythur a phrosesau ymarfer yn dylanwadu ar ein dealltwriaeth o hyfforddi effeithiol a datblygu talent. Er enghraifft, beth sy'n gwahaniaethu'r rhai sy'n cyrraedd arbenigedd a statws uwch-elît oddi wrth y rhai nad ydynt? Mae ei waith yn archwilio strwythurau ymarfer er mwyn dysgu ynghynt a pha ymarfer sydd angen i chi ei wneud, pryd, a faint sydd ei angen arnoch chi i gynyddu’ch siawns o gyrraedd statws arbenigol a llwyddo.

Mae Dr Lawrence wedi sicrhau cyllid allanol ar gyfer ei ymchwil gwyddor chwaraeon ac ymarfer corff gan broject Pathway2Podium Rhyngddisgyblaethol UK Sport, Bwrdd Criced Cymru a Lloegr, a Chodi Pwysau Cymru, ymhlith eraill. Mae'r projectau hyn yn defnyddio dull rhyngddisgyblaethol o ddeall datblygiad talent ac arbenigedd. 

Mae ganddo deulu ifanc, gyda dau efallai o ddoniau’r dyfodol, y mae'n eu caru’n fawr. Does ganddo fawr o amynedd efo ffyliaid ond mae’n agored i bob syniad a dysgeidiaeth newydd, yn enwedig y rhai sy'n ymwneud â gwella perfformiad pobl. Mae Dr Lawrence hefyd yn athletwr 'methedig' ac yn ddrymiwr angerddol.

Beth fyddwch chi’n ei astudio ar y cwrs yma?

Cyflwynir y cwrs byr hwn gan wyddonydd Datblygu Talent sy’n cydweithio â sefydliadau chwaraeon blaenllaw fel UK Sport a Bwrdd Criced Cymru a Lloegr. Bydd y modiwl yn cyflwyno myfyrwyr i gorff o lenyddiaeth a anwybyddir yn aml ym maes perfformio. Yn benodol, mae'n archwilio sut y gellir cymhwyso damcaniaethau dysgu echddygol a rheoli i leoliadau sy’n ymgyrraedd at ragoriaeth i ddatblygu strategaethau dysgu effeithiol ac effeithlonrwydd symud. Yn ogystal, bydd y cwrs yn ymdrin â llenyddiaeth caffael sgiliau, gan gynnig cipolwg ar sut i wneud y gorau o fannau ymarfer a pherfformio fel bodd modd dysgu a rhagori ynghynt.

Rhestr o unedau 

Unedau Dysgu

• Defnyddio Prosesu Gwybodaeth i wella strategaethau symud. 
• Sut mae pobl yn dysgu?
• Strwythuro ymarfer yn effeithiol, gan gynnwys ystyried cyd-destun, pwysau, gwneud penderfyniadau a her. 
• Darparu cyfarwyddyd ac adborth effeithiol 

Ar ôl pob uned, mae seminar byw rhithwir lle gallwch drafod meddyliau, holi cwestiynau, a rhannu profiadau i wella’ch dealltwriaeth.  
 

• Y ffi ar gyfer blwyddyn academaidd 2024/25 fydd £556 (yn cynnwys TAW).
• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.