Dulliau Cyfoes at Addysg i’r Proffesiynau Meddygol ac Iechyd (MICROGYMHWYSTER) - Mynediad yn

Mae hwn yn gwrs byr hyblyg ar lefel ôl-raddedig sy'n cael ei gyflwyno ar-lein.

Mae’r modiwl hwn yn rhoi cyflwyniad cynhwysfawr i addysg i’r proffesiynau meddygol ac iechyd – beth ydyw, sut mae’n gweithio a’r prif egwyddorion sy’n sail iddo.  
 
Modiwl dysgu o bell yw hwn gyda chyfuniad o sesiynau byw gyda’ch cyfoedion a gwaith darllen a gweithgareddau annibynnol. Byddwn yn eich cyflwyno i dueddiadau rhyngwladol cyfoes ac yn archwilio materion allweddol i addysgwyr clinigol ac academaidd, a thrwyddynt byddwch yn meithrin dealltwriaeth ymarferol a damcaniaethol. Cewch eich asesu trwy gwblhau traethawd academaidd a thasg adfyfyrio naratif. Yn ogystal, byddwch yn cymryd rhan mewn gweithgaredd ymarfer addysgu ffurfiannol a fydd yn cael ei arsylwi gan gydweithiwr. 

Ar gyfer pwy mae'r Cwrs Byr hwn yn addas?

Fel arfer bydd ymgeiswyr yn ymarferwyr gofal iechyd cymwysedig, academyddion, staff gwasanaethau proffesiynol neu reolwyr addysg y GIG sydd â rhywfaint o brofiad o oruchwylio, addysgu neu gefnogi dysgwyr yn eu gwaith beunyddiol, a mynediad at hynny.

Pam astudio’r cwrs?

Ar ôl cwblhau’r cwrs byr hwn yn llwyddiannus, bydd y dysgwr yn gallu:
 

• Gwerthuso eu rhaglen eu hunain yn feirniadol yng nghyd-destun damcaniaethau addysg a dysgu gweithwyr meddygol ac iechyd
• Cymhwyso dulliau dysgu ac addysgu yn feirniadol, gan gynnwys defnydd priodol o dechnoleg, i wella dysgu mewn cyd-destunau clinigol a phrifysgolion
• Adolygu a dadansoddi'n feirniadol eich arddull addysgu eich hun a hwyluso dysgu gan ddefnyddio myfyrio ac adborth.
• Synthesis a chymhwyso theori a thystiolaeth er mwyn nodi eu hathroniaeth addysgol, eu hanghenion dysgu a datblygiad proffesiynol eu hunain
   

Pa mor hir mae'r cwrs yn cymryd i'w gwblhau?

Bydd y cwrs byr hwn yn dechrau ym mis Medi, a bydd yr addysgu wedi'i gwblhau erbyn mis Rhagfyr. Bydd angen cyflwyno aseiniadau erbyn diwedd Ionawr (manylion y dyddiadau i'w cadarnhau).

Tiwtor

Professor Catherine O’Keeffe

Mae Catherine wedi dal nifer o rolau uwch mewn addysg ôl-raddedig meddygol ac iechyd y proffesiynau. Mae ei gwaith wedi cynnwys arwain mentrau datblygu cyfadran a chymorth proffesiynol yn ogystal ag ymchwil ac addysgu mewn addysg uwch yn y maes hwn. Hyfforddodd Catherine fel nyrs yn wreiddiol a gweithiodd am flynyddoedd lawer yn rhyngwladol ym maes addysg proffesiynau iechyd cyn ymgartrefu yn y DU. Mae diddordebau addysgu ac ymchwil Catherine wedi canolbwyntio ar addysg ryngbroffesiynol a phroffesiynoldeb. Mae gwobrau diweddar yn cynnwys Prif Gymrawd yr Academi Addysg Uwch a Gwobr Addysg Cyfadran UCL am Gymorth Academaidd. Mae Catherine yn Athro mewn Addysg Feddygol yn Ysgol Feddygol Gogledd Cymru, Prifysgol Bangor, lle mae’n arwain yr MA mewn Addysg i’r Proffesiynau Meddygol ac Iechyd, yn ogystal â mentrau datblygu staff.  Mae Catherine hefyd yn Athro Emeritws mewn Addysg Feddygol ym Mhrifysgol UCL, lle mae’n parhau i oruchwylio myfyrwyr doethurol.

Beth fyddwch chi’n ei astudio ar y cwrs yma?

Mae’r cwrs byr hwn wedi’i gynllunio i gyflwyno myfyrwyr i safbwyntiau lleol, cenedlaethol a rhyngwladol cyfoes ym maes addysg y proffesiynau meddygol ac iechyd, gan gynnwys egwyddorion allweddol, damcaniaethau dysgu, dulliau a dulliau dysgu ac addysgu, a throsolwg o asesu a datblygu’r cwricwlwm. Mae'r modiwl hefyd yn cyflwyno myfyrwyr i ddulliau o astudio ar lefel meistr yn y ddisgyblaeth hon.

Mae 10 uned (un yr wythnos) a all ymdrin â’r pynciau canlynol:

• Tueddiadau ac arferion cyfoes o safbwyntiau lleol, cenedlaethol a rhyngwladol
• Damcaniaethau a pharadeimau dysgu
• Cynllunio a dylunio dysgu ac addysgu
• Cyflwyniad i ddatblygu cwricwlwm
• Dulliau dysgu ac addysgu 
• Egwyddorion asesu
• Defnydd o dechnolegau dysgu
• Gosod nodau 
• Gwerthuso addysgu
• Gwerthusiad beirniadol o'r sesiynau
• Cyflwyniad i Arweinyddiaeth mewn Addysg i’r Proffesiynau Meddygol ac Iechyd
• Cyflwyniad i Ddeallusrwydd Artiffisial mewn Addysg i’r Proffesiynau Meddygol ac Iechyd
• Ysgrifennu sylwebaethau adfyfyriol a mapio i feini prawf AdvanceHE
• Cyflwyniad i astudio ac ysgrifennu ar lefel 'M'

Ar ôl cwblhau’r cwrs byr hwn yn llwyddiannus, bydd y dysgwr yn gallu: 

•  Gwerthuso eu rhaglen eu hunain yn feirniadol yng nghyd-destun damcaniaethau addysg a dysgu gweithwyr meddygol ac iechyd 
• Cymhwyso dulliau dysgu ac addysgu yn feirniadol, gan gynnwys defnydd priodol o dechnoleg, i wella dysgu mewn cyd-destunau clinigol a phrifysgolion 
• Adolygu a dadansoddi'n feirniadol eich arddull addysgu eich hun a hwyluso dysgu gan ddefnyddio myfyrio ac adborth. 
• Cydblethu a chymhwyso theori a thystiolaeth er mwyn nodi eu hathroniaeth addysgol, eu hanghenion dysgu a datblygiad proffesiynol eu hunain 

Y gost ar gyfer blwyddyn academaidd 2025/26 yw £1,168

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Fel arfer bydd ymgeiswyr yn ymarferwyr gofal iechyd cymwysedig, academyddion, staff gwasanaethau proffesiynol neu reolwyr addysg y GIG sydd â rhywfaint o brofiad o oruchwylio, addysgu neu gefnogi dysgwyr yn eu gwaith beunyddiol, a mynediad at hynny. 

Bydd gradd, cymhwyster ar lefel gradd, neu gymhwyster proffesiynol a ategir gan brofiad perthnasol fel rheol yn rhan o broffil yr ymgeisydd. Derbynnir ymgeiswyr sydd â gradd 2.2 neu uwch 

Efallai y gofynnwn i’r ymgeiswyr ymuno mewn cyfweliad ar-lein gydag aelod o dîm y rhaglen
Caiff cymwysterau gradd/lefel gradd ymgeiswyr o'r Deyrnas Unedig eu hasesu gan ddefnyddio Fframwaith Cymwysterau Addysg Uwch yr ASA a gofynion Prifysgol Bangor. Bydd angen i gymwysterau proffesiynol gael eu cydnabod gan y corff rheoleiddio proffesiynol priodol e.e. CMC; UKCC; HCPC; Sefydliad Rheolaeth Weinyddol (IAM). Caiff profiad addysgu ei asesu yn ôl y datganiad cefnogi a gyflwynir a chyfweliad ar-lein os oes angen. 

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.