Gofal Critigol 2 Uwch (NHS-4443) - Mynediad yn

Caiff y cwrs byr, lefel 7 rhan-amser hwn ei gyflwyno ar ein campws ym Mangor, gyda rhywfaint o gynnwys ar gael ar-lein (dull dysgu cyfunol).

I bwy mae’r cwrs hwn yn addas?

Mae’r cwrs byr hwn yn addas ar gyfer nyrsys cofrestredig y Cyngor Nyrsio a Bydwreigiaeth, bydwragedd neu Nyrsys Iechyd Cyhoeddus Cymunedol Arbenigol sydd ag o leiaf 12 mis o brofiad o weithio mewn lleoliadau gofal critigol.

Pam astudio’r cwrs?

Nod y cwrs byr lefel 6 hwn fydd cefnogi’r dysgwr i:
 

• Ddefnyddio dull sy'n seiliedig ar system i ennill dealltwriaeth fanwl o'r pathoffisioleg y tu ôl i salwch o fewn gofal critigol
• Cymhwyso egwyddorion dull person-ganolog i ofalu am bobl sy'n ddifrifol wael.
• Mynd ati’n feirniadol i werthuso meddyginiaeth sy'n seiliedig ar dystiolaeth, a'i chymhwysiad i'r amgylchedd gofal critigol
• Adeiladu ar y sgiliau a enillwyd o'r modiwl blaenorol a'u gwella.

Pa mor hir mae'r cwrs yn cymryd i'w gwblhau?

Bydd y cwrs rhan amser hwn yn cael ei gynnal dros 18 wythnos, fel arfer yn ystod ail semester y flwyddyn academaidd.
Bydd y cwrs nesaf yn dechrau ym mis Mai 2025, ac yn rhedeg ar ddydd Iau:

• Mae’r 12 wythnos gyntaf yn cynnwys 8 sesiwn hyfforddedig, a gyflwynir drwy gyfuniad o ddulliau ar-lein ac wyneb yn wyneb. Bydd darpariaeth wyneb yn wyneb ar ein campws ym Mangor. 
• 1 diwrnod efelychu 
• 3 sesiwn astudio dan gyfarwyddyd anghydamserol. Ni fydd disgwyl i chi fynychu'r campws ar y dyddiau hyn. Fodd bynnag, bydd gwaith gosod i chi ei gwblhau a allai gynnwys gwylio cynnwys wedi'i recordio ymlaen llaw, ymchwilio i gynnwys ar wefannau amrywiol, darllen penodau neu erthyglau.
• Mae 6 wythnos olaf y cwrs yn ddiwrnodau astudio dan gyfarwyddyd i ganiatáu amser i'r dysgwr gwblhau a chyflwyno ei waith ysgrifenedig a'i gymwyseddau.

Gwybodaeth Bellach

Mae strategaeth asesu'r modiwl fel a ganlyn:

• Bydd gofyn i'r myfyrwyr gwblhau asesiad Arholiad Clinigol Strwythuredig Gwrthrychol 3 gorsaf ar asesu cleifion sy’n ddifrifol wael, cynllunio rheolaeth ar gyfer cleifion sy’n ddifrifol wael, a chyfathrebu yn eu cylch.
• Bydd gofyn i'r myfyrwyr lunio astudiaeth achos 3000 o eiriau sy’n ymwneud â chlaf gofal critigol
• Bydd gofyn i’r myfyrwyr gwblhau set o gymwyseddau clinigol o Fframwaith Camau Cymhwysedd Cenedlaethol y Rhwydwaith Gofal Critigol ar gyfer Nyrsys Gofal Critigol i Oedolion (Cymwyseddau Cam 2 a 3).

Tiwtor

Eirlys Walker

Mae gan Eirlys dros 30 mlynedd o brofiad yn gweithio mewn amgylchedd Gofal Critigol, fel nyrs ac fel Ymarferydd Gofal Critigol Uwch, ac yn ddiweddar ymunodd â thîm academaidd yr Ysgol Gwyddorau Iechyd fel darlithydd ar y Rhaglen Gofal Critigol 

Beth fyddwch chi’n ei astudio ar y cwrs yma?

Bydd y modiwl hwn yn canolbwyntio'n bennaf ar y ffisioleg newidiol sy'n arwain at salwch critigol, ac ar y strategaethau triniaeth y gellir eu defnyddio i gefnogi a thrin cleifion ar hyd eu taith gofal critigol, gan ddefnyddio dull cyfannol claf-ganolog. 
 
Mae’r modiwl yn adeiladu ar y wybodaeth am anatomeg a ffisioleg a gafwyd yn y modiwl Hanfodion, ac yn defnyddio’r wybodaeth hon i amlygu’r annormaleddau a geir mewn salwch. Bydd y modiwl yn adeiladu ar y cyflwyniad i ffarmacoleg a gafwyd drwy edrych yn benodol ar ffarmacoleg y 5 prif system a astudiwyd. 
Mae’r modiwl hefyd yn cynnwys y pynciau canlynol, ymhlith pethau eraill: 

• Rheoli’r llwybr anadlu â chymorth uwch
• Cipolwg ar rôl gweithwyr proffesiynol perthynol i iechyd mewn gofal critigol
• Trosglwyddo cleifion sy’n ddifrifol wael

 
Fel gyda'r modiwl Hanfodion, bydd y modiwl uwch yn cynnwys diwrnod efelychu, 
lle bydd myfyrwyr yn mynd i’r afael â senarios clinigol yn yr ystafell efelychu gyda manequin, gan asesu salwch a gwneud penderfyniadau triniaeth a rheolaeth yn seiliedig ar yr asesiad.

• Dylid cyfeirio ymholiadau ynghylch ariannu Bwrdd Iechyd Prifysgol Betsi Cadwaladr (BIPBC) a bcu.nurseeducation@wales.nhs.uk.
• Mae'n bosibl y bydd cyfleoedd ariannu ar gael i rai sy'n gweithio'n lleol (h.y. yn ardaloedd gogledd Cymru a Phowys), cysylltwch â'r cydlynydd modiwl perthnasol am fanylion.
• Dylid cyfeirio pob ymholiad arall sy'n ymwneud â cheisiadau ac ariannu at gydlynydd y modiwl.

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

.

Rhaid i ymgeiswyr fodloni'r meini prawf canlynol i gael eu hystyried yn gymwys ar gyfer y cwrs hwn:  

• Nyrsys, bydwragedd neu nyrsys Iechyd Cyhoeddus Cymunedol Arbenigol (SCPH) sy’n gofrestredig â’r Cyngor Nyrsio a Bydwreigiaeth (NMC)

Gweithio mewn rôl Gofal Critigol gydag o leiaf 12 mis o brofiad/wedi cwblhau Cymwyseddau Gofal Critigol Cam 1. Bydd angen mentor gweithle ar fyfyrwyr.