Ynglŷn â’r Cwrs Yma
Cod modiwl: (ILA-4009)
Mae hwn yn gwrs byr rhan-amser, lefel 7 ol-raddiedig a gyflwynir ar-lein.
I bwy mae’r cwrs hwn yn addas?
Bydd y cwrs yma o ddiddordeb penodol i unigolion a sefydliadau sy’n ymroddedig i wella gofal iechyd a chanlyniadau cymunedol, gan gynnwys staff yn y sector iechyd a gofal cymdeithasol a’r sector dai
e.e.
- Gweithwyr Gofal Iechyd Proffesiynol: meddygon, nyrsys, ymarferwyr meddygol, a staff cymorth.
- Gweithwyr Cymdeithasol: Y sawl sy'n gweithio ym maes gofal cymdeithasol a gwasanaethau cymunedol.
- Gweithwyr Tai Proffesiynol: Unigolion sy'n ymwneud â chymdeithasau tai a pholisïau.
- Darpar Arweinwyr: Unigolion sy'n anelu at rolau arweinyddol o fewn eu sectorau priodol.
Pam astudio’r cwrs?
Deilliannau Dysgu:
- Trafod yr esboniadau a'r ymyriadau seicolegol a biolegol sy’n ymwneud â lleddfu trallod meddwl a gwella ymwybyddiaeth meddyliol, a gwerthuso beirniadol ar y sylfaen tystiolaeth empirig a’r risgiau posibl sydd iddynt.
- Cynllunio ymyriadau llesiant priodol i wella gwytnwch yr hunan ac eraill.
- Dealltwriaeth gymhwysol o’r egwyddorion, yr arferion, y polisïau a’r ddeddfwriaeth sy’n ymwneud â hybu iechyd a lles cenedlaethau'r dyfodol.
- Cyfuno damcaniaethau seicolegol, cymdeithasol, a ffarmacolegol i ddadansoddi continwwm iechyd meddwl a lles.
Pa mor hir mae'n ei gymryd i gwblhau'r cwrs?
Mae’r cwrs byr hwn yn rhedeg dros 12 wythnos, fel arfer yn ystod semester 1 o’r flwyddyn academaidd.
Mae dyddiadau’r cwrs ar gyfer blwyddyn academaidd 24/25 fel a ganlyn:
Gweithdy arlein:
- 31 Hydref 2024
- 28 Tachwedd 2024
Bydd amserlen y darlithoedd ar-lein ar gael o fis Awst 2024
Tiwtor
Dr Carys Stringer
Ar ôl gwneud BSc. mewn Economeg ym Mhrifysgol Warwick, aeth Dr Carys Stringer ati i wneud PhD mewn Economeg Iechyd ym Mhrifysgol Bangor yn archwilio i sut y cymhwysir y dull gallu mewn ymchwil sy'n cynnwys gofalwyr pobl sy'n byw gyda dementia. Arhosodd Carys ym Mhrifysgol Bangor fel Cymrawd Ymchwil, gan weithio ar werthusiadau economaidd sawl astudiaeth yn ymwneud â’i phrif ddiddordebau ymchwil sef dementia, heneiddio, gofalwyr ac iechyd y cyhoedd. Roedd yr astudiaethau hyn yn cynnwys cymysgedd o ymyriadau seicogymdeithasol ac ymyriadau darpariaeth gwasanaethau, gan rychwantu’r sectorau iechyd, gofal cymdeithasol ac addysg.
Mae Carys wedi cyfrannu at ddenu gwerth £1.3 miliwn o grantiau, gan gynnwys gwneud hynny fel Prif Ymchwilydd Cymrodoriaeth Gofal Cymdeithasol a ariannwyd gan Ymchwil Iechyd a Gofal Cymru i archwilio economeg a gwerth cymdeithasol gwasanaethau cefnogi’r trydydd sector i ofalwyr pobl sy’n byw gyda dementia a chyflyrau gwybyddol eraill yng Nghymru (2017-21), ac astudiaeth yn gwerthuso effaith rhaglen y Ganolfan Iechyd i hybu gweithgarwch corfforol ymhlith pobl â chyflyrau cronig (2016-19). Ymunodd Dr Carys Stringer ag ALPHAcademi fel Darlithydd mewn Iechyd Ataliol yn 2021.
Cynnwys y Cwrs
Beth fyddwch chi’n ei astudio ar y cwrs yma?
Bydd y cwrs byr hwn yn:
- Cyflwyno'r prif gysyniadau mewn Iechyd Meddwl a Lles;
- Rhoi cyfleoedd i archwilio'r pwnc trwy ystyried astudiaethau achos o'r byd go iawn;
- Rhoi mewnwelediadau gan amrywiaeth o weithwyr proffesiynol;
- Ystyried salwch meddwl (e.e. yr hwyliau, gorbryder, trawma, camdriniaeth, ac yn y blaen) a lles meddyliol (e.e. lles, gwytnwch, seicoleg bositif, ac yn y blaen).
Pam astudio’r cwrs?
Deilliannau Dysgu:
- Trafod yr esboniadau a'r ymyriadau seicolegol a biolegol sy’n ymwneud â lleddfu trallod meddwl a gwella ymwybyddiaeth meddyliol, a gwerthuso beirniadol ar y sylfaen tystiolaeth empirig a’r risgiau posibl sydd iddynt.
- Cynllunio ymyriadau llesiant priodol i wella gwytnwch yr hunan ac eraill.
- Dealltwriaeth gymhwysol o’r egwyddorion, yr arferion, y polisïau a’r ddeddfwriaeth sy’n ymwneud â hybu iechyd a lles cenedlaethau'r dyfodol.
- Cyfuno damcaniaethau seicolegol, cymdeithasol, a ffarmacolegol i ddadansoddi continwwm iechyd meddwl a lles.
Cost y Cwrs
Ewch i dudalen Ffioedd a Chyllid Ôl-raddedig er mwyn cael gwybodaeth bellach.
Gofynion Mynediad
Dylai darpar ymgeiswyr feddu ar radd israddedig mewn pwnc perthnasol (o 2(ii) neu uwch), yn ogystal â datganiad personol cryf a thystlythyr(au) (academaidd a/neu gysylltiedig â gwaith).
Os nad ydych yn bodloni’r gofynion academaidd a nodir uchod ond bod gennych o leiaf 3 blynedd o brofiad gwaith perthnasol a bod gennych dystiolaeth o astudiaeth ddiweddar neu ddatblygiad proffesiynol (i ddangos gallu i astudio ar lefel 7) efallai y byddwn yn ystyried eich cais. Cysylltwch gyda ni i drafod ymhellach.
Lefel o sgiliau iaith Saesneg
Ar gyfer myfyrwyr rhyngwladol, sgôr IELTS o 6.0 (heb yr un elfen o dan 5.5), neu gyfwerth.
Gwneud Cais
Sut i wneud cais
Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.
Paratowch y wybodaeth ganlynol (mewn dogfen Word):
- Manylion cyflogaeth cyfredol;
- Blynyddoedd o brofiad, a hanes cyflogaeth (lle bo hynny'n berthnasol)
- Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.
Bydd hyn yn cyflymu'r broses o lenwi'r ffurflen gais.
I wneud cais am y cwrs hwn, mae angen i chi greu cyfrif yn ein PORTH YMGEISWYR
Bydd angen i chi gael mynediad at y cyfeiriad e-bost yr ydych yn ei nodi wrth greu eich cyfrif i'w gadarnhau
Ar ôl creu cyfrif, byddwch yn gweld tudalen gartref gyda sawl tab:
- Personol
- Rhaglen
- Gwybodaeth
- Cyswllt
- Addysg
- Cyflogaeth
- Iaith
- Cyllid
Mae angen i chi gwblhau pob adran cyn cyflwyno'ch cais.
Pan fydd adran wedi'i chwblhau, bydd symbol 'tic' yn ymddangos ar y tab.
- Cliciwch ar 'Ceisiadau nad ydynt yn graddio / Modiwlau Annibynnol', yna dewiswch 'Heb raddio olraddedig'.
- Yn yr adran nesaf, dewiswch Modiwlau a Addysgir nad ydynt yn Graddio mewn Iechyd (NGGT/HEALTH) Cliciwch Cadw a Parhau.
- Ar y dudalen nesaf, y rhagosodiad ar gyfer y cwestiwn cyntaf yw Llawn Amser. Mae'n rhaid i chi newid hyn i 'Ran Amser':
- Nawr mae angen i chi fewnbynnu cod y modiwl: Iechyd Meddwl a Lles: y cod yw (ILA-4009). Rhaid cwblhau'r adran hon er mwyn i'ch cais gael ei brosesu.
- Mae angen i chi hefyd nodi'r dyddiad dechrau. Dewiswch eich dewis, yna cliciwch 'Cadw a Parhau'.
- PWYSIG: Nid oes angen i chi ysgrifennu datganiad personol i wneud cais am y cwrs hwn. Yn hytrach, llwythwch y ddogfen i fyny, gan gynnwys gwybodaeth am gyflogaeth, profiad ac addysg rydych wedi'i chreu cyn dechrau'r cais sy'n cynnwys enw eich cyflogwr presennol, nifer y blynyddoedd o brofiad sydd gennych, a'ch cymhwyster uchaf hyd yn hyn. Cliciwch Cadw a symud ymlaen.
Dim ond manylion eich cymhwyster uchaf sydd ei angen arnoch hyd yma, e.e. os oes gennych gymhwyster ôl-raddedig, dim ond hyn y dylech ei gynnwys.
Gofynnir i chi am dystiolaeth o'r cymhwyster. Anfonwch gopi o'ch cymhwyster naill ai os yw'n hawdd ei gyrraedd, neu lanlwythwch y ddogfen Word eto (a baratowyd gennych yn gynharach).
Ewch i waelod y dudalen a chliciwch ar 'Nid oes gennyf unrhyw hanes cyflogaeth'. Rydych eisoes wedi paratoi'r wybodaeth yma yn eich dogfen Word.
Os ydych yn cael eich ariannu gan AaGIC / Bwrdd Iechyd, atebwch y cwestiynau a ganlyn:
- Sut byddwch chi'n ariannu'ch astudiaethau? Noddedig
- Union enw'r awdurdod cyllido: Bwrdd Iechyd
- Gwlad: Y Deyrnas Unedig
- Rhowch fanylion swm y dyfarniad? Wedi'i ariannu'n llawn.
- Bydd y nawdd yn cynnwys: Ffioedd Dysgu
- A ydych chi wedi derbyn y cyllid hwn? Dewiswch ‘ie’ * Sylwch y bydd gofyn i chi uwchlwytho tystiolaeth o’r cyllid. Os hoffech gadarnhau ‘ie’ i’r cwestiwn hwn, ond nad oes gennych unrhyw gadarnhad ysgrifenedig i’w uwchlwytho, gallwch uwchlwytho’ch ddogfen Word yma eto.
Os ydych yn hunan-ariannu, neu'n cael eich ariannu gan bractis meddyg teulu annibynnol, rhowch yr holl fanylion fel y bo'n briodol