Perfformio Dan Bwysau JXH-4101 (Micro-Gymhwyster) - Mynediad yn

Mae hwn yn gwrs byr hyblyg ar lefel ôl-raddedig sy'n cael ei gyflwyno ar-lein.

Mae perfformio ar ein gorau mewn sefyllfaoedd allweddol yn nodweddiadol o bencampwyr mewn meysydd amrywiol megis busnes, y celfyddydau perfformio, cerddoriaeth, neu chwaraeon.

Byddwn yn ymchwilio i'r ffordd mae pwysau yn effeithio ar berfformiad ac yn cynnig strategaethau i osgoi methiant o dan straen. Dysgwch sut i ragori mewn sefyllfaoedd hollbwysig. 

Ar gyfer pwy mae'r Cwrs Byr hwn yn addas?

Mae'r cwrs yn addas ar gyfer unrhyw un sydd â diddordeb deall sut a pham mae perfformiad yn gwegian o dan straen. Bydd y cwrs o ddiddordeb arbennig i'r rhai sy'n gweithio mewn meysydd o bwysau mawr neu'n gweithio gyda phobl sy'n gweithio o dan bwysau.  

Mae ein dysgwyr wedi cynnwys pobl o bob rhan o’r DU, ac o bob rhan o’r byd. Mae'r cwrs byr yma'n rhan o'r rhaglen MSc Seicoleg Perfformio (dysgu o bell) ac mae cyn-fyfyrwyr yn cynnwys:

• Hyfforddwyr chwaraeon proffesiynol: Rygbi, Criced, Pêl-droed Gaeleg, a Hyfforddwyr Rhedeg Dygnwch
• Aelodau ‘UK Coaching’
• Athletwyr Elitaidd mewn: pêl-droed, pêl-droed Gaeleg, criced, rygbi a golff
• Cyfarwyddwyr Perfformiad ar gyfer Timau Undeb Rygbi Proffesiynol
• Perfformwyr Opera
• Cerddorion Proffesiynol
• Arweinwyr Busnes
• Uwch reolwyr o sefydliadau fel MasterCard a Facebook
• Criw Cefn Hofrennydd yr RAF
• Rheolwyr traffig awyr
• Swyddogion Heddlu
• Meddygon Teulu ac Anesthetyddion
• Rheolwyr GIG

Pam astudio’r cwrs?

Bydd y cwrs yn eich helpu chi ddeall sut y gall pwysau seicolegol effeithio ar berfformiad dynol, a pha strategaethau seicolegol y gellir eu defnyddio i sicrhau’r perfformiad gorau dan straen. Bydd yn cynnwys astudio 4 o theorïau amlwg ynglŷn â phwysau a pherfformiad. Ceisiwn ddarlunio’r deunyddiau trwy gyflwyno enghreifftiau o fywyd go iawn ac astudiaethau achos ynglŷn ag athletwyr sy'n profi pwysau a phroblemau o ran eu perfformiad. Byddwch yn dysgu sut mae gwneud diagnosis o broblemau sy’n ymwneud â phwysau a pherfformiad, a sut mae cyflwyno ymyriadau seicolegol i liniaru’r effeithiau andwyol sydd i’r pwysau.

Pa mor hir mae'n ei gymryd i gwblhau'r cwrs? 

Caiff y cwrs byr hwn ei gyflwyno dros gyfnod o 12 wythnos. Fodd bynnag, cewch fynediad at holl ddeunyddiau’r darlithoedd ar ddechrau'r cwrs a fydd yn eich galluogi i fynd mor gyflym neu mor araf ag y dymunwch yn ôl eich amgylchiadau personol.

Asesiad

Caiff y cwrs byr ei asesu trwy ddau gyflwyniad sy'n canolbwyntio ar ddiagnosis (cyflwyniad 1) a chynnig ymyriad (cyflwyniad 2) i ddatrys problem sy’n ymwneud â phwysau a pherfformiad. Caiff y ddau asesiad eu cyflwyno ar lafar trwy gyflwyniadau PowerPoint  (10 ac 8 munud yn y drefn honno) tua diwedd y cwrs. 

Y Gofynion Technegol

Cwrs ar-lein yw hwn a gyflwynir trwy Blackboard Ultra. Bydd angencysylltiad sefydlog â’r rhyngrwyd, adnoddau Technoleg Gwybodaeth a chyfrifiadur a meddalwedd cyfoes, meicroffon a chlustffonau neu seinyddion ar y myfyrwyr.

Tiwtor

Dr Stuart Beattie 

https://www.bangor.ac.uk/staff/spss/stuart-beattie-008998/cy

Mae Stuart yn Ddarllenydd mewn Seicoleg Perfformiad, cyfarwyddwr yr MSc mewn Seicoleg Perfformiad (dysgu o bell), Seicolegydd Chwaraeon Cofrestredig HCPC, ac aelod o’r Sefydliad Seicoleg Perfformiad Elit (IPEP). 
 
Ymhlith ei ddiddordebau ymchwil mae Cryfder Meddyliol, Gwytnwch, a Seicoleg Perfformiad yn Gyffredinol. 
 
Bu Stuart yn gweithio fel seicolegydd chwaraeon i Gymnasteg Prydain am bum mlynedd a bu’n ymwneud â phrojectau gwytnwch i Outlook Expeditions a’r Gwasanaeth Cyfiawnder Ieuenctid.  
 
Ymhlith y projectau cyfredol yn goruchwylio graddau PhD mae - archwilio projectau Gwytnwch, Cryfder Meddyliol, a Pherthnasoedd Triadig gyda chlwb Pêl-droed Manchester City, yn ogystal â goruchwylio ymgeiswyr PhD yn y Gwasanaeth Iechyd Gwladol.  
 
Fel rhan o'r MSc Seicoleg Perfformiad (dysgu o bell), mae Stuart hefyd yn darparu cefnogaeth oruchwyliol i fyfyrwyr ym meysydd Opera, RAF, Busnes, a Hyfforddi Chwaraeon.

 

Beth fyddwch chi’n ei astudio ar y cwrs yma?

Bydd y cwrsyn eich helpu chi ddeall sut y gall pwysau seicolegol effeithio ar berfformiad dynol, a pha strategaethau seicolegol y gellir eu defnyddio i sicrhau’r perfformiad gorau dan straen. 

Byddwch yn dysgu am y theorïau a'r ymyriadau cymhwysol diweddaraf mewn llenyddiaeth straen a pherfformiad, a'r prif feysydd straen a pherfformiad a fydd yn cael sylw fydd:

• Rheolaeth Sylw e.e., pam mae bygythiadau’n dwyn ein sylw?

• Effeithiau Eironig e.e., pam ydym yn gwneud yr union bethau rydym yn dweud wrthym ein hunain am beidio?

• Ailfuddsoddi e.e., pam rydyn ni weithiau'n “gorfeddwl” ein symudiadau dan bwysau?

• Canfyddiadau Heriau a Bygythiadau e.e., yr hyn y mae ein hymatebion seicoffisiolegol i straen yn ei olygu, a sut gallwn ni eu rheoli yn y ffordd orau bosibl?

Bydd yr ail ran o'r cwrs yn canolbwyntio ar gynllunio ymyriadau, dylunio ac adfyfyrio, trwy gyflwyno enghreifftiau o fywyd go iawn ac astudiaethau achos ynglŷn ag unigolion sy'n profi pwysau a phroblemau o ran eu perfformiad.

Byddwch yn dysgu sut mae gwneud diagnosis o broblemau sy’n ymwneud â phwysau a pherfformiad, a sut mae cyflwyno ymyriadau seicolegol i liniaru’r effeithiau andwyol sydd i’r pwysau.
 

Beth fydd y dysgwr yn astudio ar y cwrs hwn? 

Mae maes llafur y cwrs byr yn cynnwys 18 o ddarlithoedd byw a gaiff eu recordio ymlaen llaw a 2 ddarlith fyw ar-lein:

• Darlith 1-6: Theori Ailfuddsoddi ac Ymyriadau Ailfuddsoddi
• Darlith 7-12: Theori Arfarnu Her a Bygythiad ac Ymyriadau
• Darlith 13-17: Theori Rheolaeth Sylwgar
• Darlith 18-19: Theori Effeithiau Eironig
• Darlith 20: Ymyriadau Straen a Pherfformiad

Cynhelir dwy sesiwn Holi ac Ateb gefnogol hanner ffordd drwy’r modiwl ac eto ar ddiwedd wythnos 11/12.  

Asesiad

Caiff y modiwl ei asesu trwy ddau gyflwyniad.  Bydd y cyflwyniad cyntaf yn canolbwyntio ar ddiagnosis a'r ail yn canolbwyntio ar gynnig ymyriad i ddatrys problem sy’n ymwneud â phwysau a pherfformiad. Caiff y ddau asesiad eu cyflwyno ar lafar trwy gyflwyniadau PowerPoint (10 munud i'r cyflwyniad cyntaf, ac 8 munud i'r ail gyflwyniad) tua diwedd y cwrs.

 

Ar ôl cwblhau’r cwrs hwn yn llwyddiannus bydd myfyrwyr yn gallu:

• disgrifio'r damcaniaethau allweddol a ddefnyddir i egluro'r berthynas rhwng straen a pherfformiad.
• cynnal dadansoddiad beirniadol o ymchwil i straen a pherfformiad
• cymhwyso theori ac ymchwil cyfoes straen a pherfformiad i esbonio'r gostyngiadau mewn perfformiad sy'n digwydd mewn astudiaethau achos o berfformwyr yn y byd go iawn
• llunio ymyriadau sy’n seiliedig ar theori i helpu lliniaru effeithiau andwyol straen ar berfformiad

• Y ffi ar gyfer blwyddyn academaidd 2024/25 fydd £556 (yn cynnwys TAW).
• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Fel arfer bydd angen i ddarpar fyfyrwyr gael gradd israddedig mewn pwnc perthnasol (2:ii neu uwch).  
Rydym hefyd yn annog ceisiadau gan y rheini sydd â chymwysterau proffesiynol di-radd neu amrywiol,  a gan unrhyw un sydd a o leiaf 3 blynedd o brofiad gwaith perthnasol mewn amgylchedd perfformiad uchel (e.e. fel athletwr, hyfforddwr, cerddor proffesiynol, gweithredwr busnes neu ariannol, neu o fewn ystod eang o rolau proffesiynol eraill).
Am fwy o wybodaeth, cysylltwch gyda arweinydd y cwrs os gwelwch yn dda.
 

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.