Ynglŷn â’r Cwrs Yma
Mae pynciau ymchwil yn cynnwys systemau sy'n seiliedig ar wybodaeth, rhesymeg, systemau aml-asiant, systemau dosbarthedig, algorithmau esblygiadol, dysgu peirianyddol, cloddio data, ieithyddiaeth gyfrifiadurol, prosesu iaith naturiol, theori gwybodaeth ac adalw gwybodaeth, cloddio testun, categoreiddio testun, cwestiynu/ateb, cyfieithu peirianyddol, cyfryngau credadwy (e.e. chatbots), a chyfryngau bywyd artiffisial.
Cysylltiadau  Diwydiant
Mae rhai o'n myfyrwyr wedi cwblhau PhD wrth weithio yn y diwydiant ac astudio'n rhan-amser. Mae Prifysgol Bangor hefyd yn cynnig gwahanol ffynonellau cyllid ar gyfer myfyrwyr lleol (y rhaglen KESS) sy'n cysylltu myfyrwyr â diwydiant trwy gydol eu PhD. Mae myfyrwyr yn ennill profiad gwerthfawr yn y diwydiant ac mae'r cwmni lleol yn gallu manteisio ar yr ymchwil ddiweddaraf.
Hyd y Cwrs
PhD: 3 blynedd yn llawn-amser; MPhil: 2 flynedd yn llawn-amser
Gofynion Mynediad
- Deallusrwydd artiffisial a chyfryngau deallus: mae angen gradd anrhydedd dda neu gyfwerth.
- Rhwydweithiau a phrotocolau cyfathrebu: mae angen gradd anrhydedd da neu gyfwerth mewn peirianneg electronig neu wyddoniaeth gyfrifiadurol.
- Delweddu ac efelychu meddygol: mae angen gradd anrhydedd dda neu gyfwerth â chyfrifiadureg.
- Adnabod patrymau/dosbarthwyr: mae angen gradd anrhydedd dda neu gyfwerth â chyfrifiadureg.
Gyrfaoedd
Mae cysylltiadau cryf gyda diwydiant a grwpiau ymchwil eraill yn y maes hwn. Mae Cyfrifiadureg ym Mangor wedi bod ymhlith prifysgolion gorau'r DU yn gyson o ran cyflogadwyedd yn ôl tablau cynghrair. Mae llawer o gyfleoedd hefyd yn y diwydiant TG mewn sawl sector oherwydd presenoldeb nifer uchel o gwmnïau TG a busnesau bach a chanolig yn lleol.
