Ynglŷn â’r Cwrs Yma
Mae’r cwrs Meistr mewn Astudiaethau Cyfieithu ym Mhrifysgol Bangor yn cynnig cyflwyniad i ddisgyblaeth academaidd Astudiaethau Cyfieithu, gan ehangu eich dealltwriaeth o theori ac ymarfer cyfieithu.
Mae'r cwrs Meister hwn hefyd yn eich helpu i ennill cymhwysedd mewn sgiliau cyfieithu proffesiynol, gan gynnwys terminoleg, offer cyfieithu â chymorth cyfrifiadur, moeseg a chodau ymarfer.
Trwy gyfuniad o fodiwlau craidd a dewisol, byddwch yn ennill arbenigedd damcaniaethol, ymarferol a thechnolegol, tra'n arbenigo mewn cyfieithu rhwng Saesneg a'ch dewis iaith, gan gynnwys Cymraeg, Arabeg, Tsieinëeg, Ffrangeg, Groeg, Almaeneg, Sbaeneg a Galiseg.
Profiad Myfyrwyr
“Mae gwneud yr MA mewn Astudiaethau Cyfieithu ym Mangor wedi bod yn brofiad hynod werth chweil: mae'r cwrs yn eang ond yn drylwyr, gyda chydbwysedd da o theori ac ymarfer; mae'r adran yn fach a chyfeillgar; mae tiwtoriaid ar gael i helpu ac yn gefnogol. Diolch i'w hanogaeth nhw, rydw i wedi cymryd rhan mewn cystadlaethau, wedi cyfarfod ag ysgolheigion cyfieithu blaenllaw ac wedi llwyddo i gael efrydiaeth PhD ym Mangor. Fedra i ddim aros i fynd â fy astudiaethau’n bellach fis Medi.”
Cynnwys y Cwrs
Beth fyddwch chi’n ei astudio ar y cwrs yma?
Yn Semester 1 a 2, byddwch yn cymryd dau fodiwl gorfodol ac un modiwl dewisol. Ar gyfer y modiwlau dewisol, gallwch ddewis o ystod eang o bynciau o lenyddiaeth yr Oesoedd Canol i lenyddiaeth gyfoes, y diwydiannau creadigol a digidol, ac ystod eang o feysydd iaith ac ieithyddiaeth, gan gynnwys ieithyddiaeth Gymraeg.
Mae’r traethawd hir yn Semester 3 yn cydgrynhoi'ch dysgu trwy ymchwil neu ymarfer cyfieithu.
Gall yr Ysgol Ieithoedd Modern gynnig goruchwyliaeth mewn amrywiaeth o feysydd ac ieithoedd gan gynnwys: Cymraeg, Sbaeneg, Tsieinëeg, Saesneg, Ffrangeg, Galiseg ac Almaeneg.
Semester 1
Mae’r modiwlau craidd yn Semester 1 yn cyflwyno’r sail ddamcaniaethol a methodolegol ar gyfer ymchwil a rhai o’r dadleuon beirniadol allweddol mewn Astudiaethau Cyfieithu.
- Dulliau Ymchwil (20 credyd)
- Astudiaethau Cyfieithu: Datblygiad Disgyblaeth (20 credyd)
- Modiwl dewisol (20 credyd)
Semester 2
Mae modiwlau Semester 2 yn rhoi cyfle i chi ymchwilio i wahanol agweddau ar y proffesiwn cyfieithu a gweithio ar bortffolio cyfieithu ymarferol helaeth yn yr ieithoedd yr ydych yn arbenigo ynddynt.
- Cyfieithu ar Waith (20 credyd)
- Portffolio Cyfieithu (20 credyd)
- Modiwl dewisol (20 credyd)
Semester 3
Traethawd Hir (60 credyd)
Gall y traethawd hir fod naill ai:
- Yn draethawd hir ar sail ymchwil i unrhyw agwedd ar Astudiaethau Cyfieithu (15,000 o eiriau)
- Yn gyfieithiad arfaethedig (10,000 o eiriau) wedi ei ddilyn gan sylwebaeth feirniadol (5,000 o eiriau). Ni all y testun a ddewisir fod wedi'i gyfieithu i'r iaith berthnasol eisoes.
Asesu
Mae'r dulliau asesu'n cynnwys cyfuniad o:
- Ymarferion cyfieithu myfyriol
- Draethodau beirniadol
- Dulliau ymchwil
- Traethawd hir
Sylwch, mae cynnwys y cwrs a gwybodaeth y modiwl wedi'i nodi i’ch arwain yn unig ac fe all newid
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Astudiaethau Cyfieithu.
Mae cynnwys y cwrs wedi’i nodi i’ch arwain yn unig ac fe all newid.
Gofynion Mynediad
Gradd israddedig 2.ii neu gyfwerth mewn pwnc perthnasol (e.e. Ieithoedd Modern, Cyfieithu). Disgwylir i'r ymgeiswyr feddu ar gymhwysedd lefel gradd mewn o leiaf dwy iaith fodern (e.e. Cymraeg, Sbaeneg, Tsieinëeg, Saesneg, Ffrangeg, Galiseg ac Almaeneg).
Caiff yr ymgeiswyr hynny sydd â chymwysterau neu brofiad cyfatebol hefyd eu barnu yn ôl teilyngdod unigol; caiff profiad gwaith a ffactorau eraill eu hystyried hefyd.
Yn achos y myfyrwyr hynny nad yw Saesneg yn iaith gyntaf iddynt, bydd arnynt angen sgôr IELTS o 6.5 o leiaf (heb yr un elfen yn is na 6.0).
Gyrfaoedd
Cewch eich paratoi at amrywiol yrfaoedd fel cyfieithwyr mewn sefydliadau cyhoeddus, fel y Comisiwn Ewropeaidd, yn ogystal â chwmnïau masnachol ac asiantaethau cyfieithu preifat.
Gallech hefyd ystyried gyrfaoedd mewn meysydd eraill sy'n gofyn am sgiliau uwch o ran iaith a chyfathrebu fel;
- marchnata
- cysylltiadau cyhoeddus
- ysgrifennu technegol
- ddysgu ieithoedd.
Petaech chi am ddatblygu eich astudiaethau wedi hynny, mae cyfle i barhau ym Mangor naill ai gydag ymarfer neu ddoethuriaeth ymchwil mewn Astudiaethau Cyfieithu.
