Cwnsela Ôl-raddedig trwy Ddysgu - Mynediad: Medi 2024/25*

Nod y cwrs hwn yw eich paratoi chi at chwarae rhan weithredol fel aelod o'r proffesiwn cwnsela/seicotherapi.

Mae'r cwrs hwn yn edrych ar amrywiaeth o ddulliau seicolegol a dulliau therapiwtig i ddarparu hyfforddiant cyfannol mewn cwnsela. Byddwch yn dysgu am y dull dyneiddiol a therapi sy'n canolbwyntio ar yr unigolyn, y dull seicodynamig a therapi seicdreiddiol, y dull ymddygiadol a therapi ymddygiad, a'r dull gwybyddol a therapi gwybyddol. Byddwch hefyd yn cael eich cyflwyno i sawl dull integreiddiol, megis CBT, REBT a TA. Yn ogystal, byddwch yn cymryd rhan mewn gweithgareddau ymarferol i ddatblygu eich sgiliau cyfathrebu a'ch helpu i gyflwyno'r technegau therapiwtig yn eich ymarfer. Bydd y cwricwlwm helaeth hwn yn eich paratoi i weithio gyda chleientiaid mewn amrywiol leoliadau, ac yn rhoi pecyn cymorth i chi o dechnegau sy'n seiliedig ar dystiolaeth a dulliau sy'n canolbwyntio ar berthynas. Bydd y cwrs hwn hefyd yn cynnwys sylfaen gadarn mewn seicoleg ac ymchwil, fel y byddwch yn graddio gyda'r holl sgiliau sydd eu hangen arnoch i ymgeisio am astudiaeth ar lefel doethuriaeth neu weithio mewn ymarfer sy'n seiliedig ar ddulliau empirig.

Nod y cwrs hwn yw eich paratoi chi at chwarae rhan weithredol fel aelod o'r proffesiwn cwnsela/seicotherapi. Mae'r cwrs hwn yn edrych ar amrywiaeth o ddulliau seicolegol a dulliau therapiwtig i ddarparu hyfforddiant cyfannol mewn cwnsela. Byddwch yn dysgu am y dull dyneiddiol a therapi sy'n canolbwyntio ar yr unigolyn, y dull seicodynamig a therapi seicdreiddiol, y dull ymddygiadol a therapi ymddygiad, a'r dull gwybyddol a therapi gwybyddol. Byddwch hefyd yn cael eich cyflwyno i sawl dull integreiddiol, megis CBT, REBT a TA.
Gellir cymryd y Meistr Cwnsela hwn fel cwrs dwy flynedd amser llawn neu gwrs pedair blynedd rhan-amser ac mae mwy o wybodaeth ar sut mae hynny'n gweithio'n ymarferol yn y tab Cynnwys Cwrs.

Byddwch yn cymryd rhan mewn sesiynau sgiliau cwnsela a arsylwyd yn rheolaidd gydag eich cyfoedion er mwyn datblygu eich sgiliau cyfathrebu a'ch bydd hyn yn eich paratoi ar gyfer ymgymryd â lleoliad 100 awr o gwnsela dan oruchwyliaeth. Mae gan ein darlithwyr a'n cydlynydd lleoliad gefndir cwnsela helaeth yn gweithio gyda chleientiaid yn y GIG, ac mi fyddant yn eich cefnogi chi i ddatblygu eich sgiliau cwnsela a'u cymhwyso'n ymarferol ar leoliad. Mae ein myfyrwyr blaenorol wedi cwblhau'r lleoliadau hyn gyda sefydliadau fel Gwasanaeth Iechyd Meddwl Sylfaenol y GIG, gwasanaeth profedigaeth CRUSE, Age UK, y Gwasanaeth Cymorth Trais a Cham-drin Rhywiol.

Mae gan ein cwrs craidd academaidd cryf ac rydym yn falch o'r ffordd yr ydym yn integreiddio hyfforddiant Seicoleg ac Ymchwil trwy gydol y cwrs i sicrhau bod ein graddedigion yn ymarferwyr cyflawn. Mae ein modiwlau yn tynnu ar arbenigedd ystod o ymarferwyr yn ogystal â chwnselon, gan gynnwys seicolegwyr clinigol ac ymchwilwyr, i ddarparu hyfforddiant cynhwysfawr mewn iechyd meddwl. Mae galw cynyddol am ymarfer sy'n seiliedig ar dystiolaeth yn y sector hwn. Yn sgil hyn, rydym yn paratoi ein myfyrwyr ar gyfer yrfa a allai ofyn iddynt dynnu ar sgiliau ymchwil a gwybodaeth seicolegol, ochr yn ochr â sgiliau cwnsela cymhwysol.

Bydd y cwricwlwm helaeth a gwmpesir ar ein rhaglen yn eich paratoi i weithio gyda chleientiaid ar wahanol leoliadau, ac yn darparu pecyn cymorth i chi o dechnegau sy'n seiliedig ar dystiolaeth a dulliau sy'n canolbwyntio ar berthnasoedd. Cynlluniwyd y rhaglen hyfforddi hon i roi cyfle i chi raddio gyda'r holl sgiliau sydd eu hangen i ymgeisio am astudiaeth ar lefel doethuriaeth neu weithio mewn practis.

Os cwblhewch yr MSc mewn Cwnsela gyda'r lleoliad cwnsela, yna byddwch yn cwrdd â holl ofynion BACP i wneud cais am statws cwnselydd cofrestredig. Mae ein cwrs yn cwrdd â'r holl ofynion i chi ddod yn aelod myfyriwr o'r BACP tra ar y cwrs ac yn aelod unigol o'r BACP ar ôl graddio o'n cwrs. I ddod wedyn yn aelod cofrestredig, bydd angen i chi basio un prawf moeseg ar-lein o'r enw Tystysgrif Hyfedredd i ddod yn aelod cofrestredig o'r BACP a bydd hyn yn eich rhoi mewn sefyllfa gref i ymgeisio am swyddi mewn cwnsela a seicotherapi neu ddechrau gweithio tuag at sefydlu eich practis preifat eich hun.
 
Arweinir y cwrs hwn gan yr Athro Fay Short, sy'n Seicolegydd Siartredig gyda Chymdeithas Seicolegol Prydain (BPS) ac yn aelod cofrestredig o Gymdeithas Cwnsela a Seicotherapi Prydain. Mae hi'n Brif Gymrawd yr Academi Addysg Uwch ac mae ei rhagoriaeth addysgu wedi'i chydnabod mewn gwobr Cymrodoriaeth Addysgu Genedlaethol. Yn ei gwaith therapiwtig, mae hi'n hypnotherapydd achrededig, ymarferydd NLP, Hyfforddwr Gweithredol a Mentor, ac uwch ymarferydd REBT, ochr yn ochr â'i hyfforddiant craidd mewn cwnsela. Fe wnaeth ei rôl ddeuol fel cwnselydd a seicolegydd hefyd ei galluogi i gynhyrchu ei gwerslyfr, Dulliau Craidd mewn Cwnsela a Seicotherapi, sy'n ceisio egluro gwaith cleientiaid o safbwynt therapiwtig a seicolegol. Mae'r Athro Short yn tynnu ar ei phrofiad helaeth yn y byd academaidd a'i gwaith ymarferol yn y maes i roi mewnwelediad manwl i theori ar ymarfer ac ymarfer technegau cwnsela modern i fyfyrwyr ar ein MSc mewn Cwnsela.

Sylwadau a Phroffiliau Myfyrwyr

Dros y ddwy flynedd diwethaf, mae ein cwrs wedi gweld cyfradd basio o 100%, gyda dros 90% yn graddio gyda Theilyngdod neu Ragoriaeth. Mae myfyrwyr sydd ar leoliad yn ystod y ddwy flynedd hynny wedi darparu cwnsela un i un ar gyfer dros 300 o gleientiaid. Dyma rai o'u sylwadau am y cwrs a'u profiad ar leoliad:

"Rwy'n teimlo bod y cwrs hwn wedi caniatáu imi ddatblygu fy sgiliau cyfathrebu a gwrando sydd yn werthfawr yn fy mywyd personol a phroffesiynol. Mae fy ffrindiau a theulu wedi mynegi sut rydw i'n cyflwyno fy hun yn fwy hyderus nawr nag yr oeddwn cyn i mi ddechrau'r cwrs cwnsela."

"Fe wnaeth y cwrs hwn fy helpu i ddatblygu fy sgiliau fel gwaith tîm, hunan-reolaeth a sgiliau cyfathrebu ysgrifenedig ac ar lafar. Rwy'n credu bod y sgiliau hyn, ynghyd â'm gallu i reoleiddio fy emosiynau trwy fyfyrio'n feirniadol ar fy mhrofiadau a chymryd persbectif wedi cynyddu fy rhagolygon swydd yn y dyfodol. "

"Y tu hwnt i hyfforddiant academaidd y cwrs, mae proses y cwrs wedi dysgu mwy i mi am sut y gallaf helpu fy hun er mwyn helpu eraill."

"Yr elfen o'r cwrs rwy'n ei werthfawrogi fwyaf yw'r hyder rydw i wedi'i ennill trwy wynebu fy ofnau a'r hyder newydd sydd genai i wynebu rhai yn y dyfodol."

Cyflwyniad byr i'r cwrs MA Cwnsela 

Mwy o wybodaeth am yr MA Cwnsela 

Mae'r fideo hon, gan gyfarwyddwr y cwrs yn darparu trosolwg cynhwysfawr o'n MSc mewn Cwnsela a'r gyrfaoedd y gall ei arwain atynt hefyd. Bydd yn ateb llawer o'ch cwestiynau ac yn rhoi cipolwg trylwyr i chi am cwrs felly cymerwch amser i'w wylio.

Beth fyddwch chi’n ei astudio ar y cwrs yma?

Astudio yn Llawn Amser

• Yn y flwyddyn gyntaf, bydd myfyrwyr yn mynychu dosbarthiadau ar ddydd Llun a dydd Mawrth. Bydd myfyrwyr hefyd yn mynychu pedwar dydd Mercher yn ystod y flwyddyn ar gyfer asesiadau (darperir dyddiadau ar ddechrau'r tymor). Bydd y rhai sy'n bwriadu cwblhau lleoliad cwnsela hefyd yn mynychu sesiynau cymorth lleoliad ar fore Mercher, bydd y rhain ar gael i’w mynychu o bell trwy alwad fidio.
• Yn yr ail flwyddyn, bydd myfyrwyr yn mynychu un bore’r wythnos o ddosbarthiadau ar gyfer ymchwil ac ymarfer. Bydd myfyrwyr hefyd yn cymryd dau fodiwl dewisol a bydd yr amserlen ar gyfer y rhain yn dibynnu ar y modiwlau a ddewisir.

Astudio’n Rhan Amser

• Yn y flwyddyn gyntaf, bydd myfyrwyr yn mynychu dosbarthiadau ar ddydd Llun. Bydd myfyrwyr hefyd yn mynychu dau ddydd Mercher yn ystod y flwyddyn ar gyfer asesiadau (darperir dyddiadau ar ddechrau'r tymor).
• Yn yr ail flwyddyn, bydd myfyrwyr yn mynychu dosbarthiadau ar ddydd Mawrth. Bydd myfyrwyr hefyd yn mynychu dau ddydd Mercher yn ystod y flwyddyn ar gyfer asesiadau (darperir dyddiadau ar ddechrau'r tymor). Bydd y rhai sy'n bwriadu cwblhau lleoliad cwnsela hefyd angen mynychu sesiynau cymorth lleoliad ar fore Mercher. Bydd y rhain ar gael o bell trwy alwad fideo.
• Yn y drydedd flwyddyn, bydd myfyrwyr yn cymryd dau fodiwl dewisol a bydd yr amserlen ar gyfer y rhain yn dibynnu ar y modiwlau a ddewiswyd.
• Yn y bedwaredd flwyddyn, bydd myfyrwyr yn mynychu un bore yr wythnos o ddosbarthiadau ar gyfer ymchwil ac ymarfer.
• Yn ychwanegol i’r dosbarthiadau a drefnwyd uchod, mae sesiynau cymorth mynediad agored ychwanegol rheolaidd ar gael i bob myfyriwr ar ôl dosbarthiadau ddydd Llun a dydd Mawrth ac yn y bore ar ddydd Mercher. Tu allan i'r amseroedd dosbarth a drefnwyd, mae myfyrwyr yn rhydd i ymgysylltu â darlleniadau, cwblhau asesiadau, cwrdd â'r gofynion lleoli, a chyflawni unrhyw rwymedigaethau eraill (megis gwaith rhan-amser, ymrwymiadau teuluol, ac ati).

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cwnsela.

Mae cynnwys y cwrs wedi’i nodi i’ch arwain yn unig ac fe all newid.

Bydd ymgeiswyr yn meddu ar un o'r cymwysterau academaidd canlynol:

• Gradd israddedig dosbarth 2.ii neu uwch mewn Seicoleg neu Gwnsela (neu bwnc cysylltieidig)
• NEU radd israddedig dosbarth 2.ii neu uwch mewn pwnc digyswllt A thystysgrif mewn cwnsela
• NEU profiad proffesiynol perthnasol A thystiolaeth o allu academaidd at lefel ôl-radd

Os mai Saesneg yw ail iaith yr ymgeisydd, yna bydd gofyn iddynt hefyd feddu ar IELTS o 7 a thystiolaeth glir o sgiliau cyfathrebu trwy gyfrwng y Saesneg yn y cyfweliad.

Bydd gofyn hefyd i ymgeiswyr gwblhau gwiriad y Gwasanaeth Datgelu a Gwahardd (DBS), a bydd cael eu derbyn ar y cwrs yn dibynnu ar eu ffitrwydd i ymarfer gydag oedolion bregus.

Rhaid i ymgeiswyr basio cyfweliad strwythuredig (gan gynnwys gweithgaredd grŵp bach), a bydd eu derbyn ar y cwrs yn dibynnu ar eu ffitrwydd a'u haddasrwydd i ymarfer cwnsela gydag oedolion sy’n agored i niwed. Mae'r cyfweliad hwn yn rhan hanfodol o'r asesiad i bennu addasrwydd ar gyfer lleoliad, ac mae'r lleoliad yn ofyniad craidd Cymdeithas Cwnsela a Seicotherapi Prydain. Bydd y cyfweliad yn cael ei gynnal ar-lein felly mae'n rhaid i'r ymgeisydd gael mynediad at ddyfais gyda mynediad i'r rhyngrwyd, y gallu i lawrlwytho Microsoft TEAMS, sain, meicroffon, a chamera.

Mae un o bob pedwar oedolyn yn cael o leiaf un anhawster iechyd meddwl mewn unrhyw flwyddyn benodol, a materion iechyd meddwl yw achos unigol mwyaf anabledd yn y DU (Mental Health Taskforce Strategy, Chwefror 2016). Mae'r GIG wedi ymrwymo i drawsnewid gofal iechyd meddwl ledled y DU ac wedi addo buddsoddi mwy na biliwn o bunnoedd y flwyddyn erbyn 2020/21. O ganlyniad i'r ymrwymiad hwn a'r angen cynyddol am gefnogaeth iechyd meddwl, mae cyfleoedd am swyddi cwnsela yn debygol o gynyddu yn y dyfodol agos. Bydd graddedigion o'r cwrs hwn mewn sefyllfa arbennig o dda i lwyddo yn y farchnad hon.

Ar gyfer ceisiadau a dderbynnir erbyn 1 Mehefin:

• Wythnos gyntaf ym mis Mehefin: Bydd yr holl geisiadau a dderbynnir hyd yma yn cael eu hadolygu gyda'i gilydd.

• Ail wythnos ym mis Mehefin: Bydd ymgeiswyr dethol yn derbyn gwahoddiad i gyfweliad ar-lein a bydd ymgeiswyr na ddewiswyd ar gyfer cyfweliad yn cael eu hysbysu (gwiriwch e-byst / post).

• Wythnos gyntaf ym mis Gorffennaf: Cynhelir cyfweliadau ar-lein felly mae'n rhaid i'r ymgeisydd gael mynediad at ddyfais sydd â mynediad i'r rhyngrwyd, y gallu i lawrlwytho Microsoft TEAMS, sain, meicroffon, a chamera. Er na allwn warantu’r gallu i aildrefnu am amser a neilltuwyd, rydym wedi ymrwymo i wneud pob ymgais resymol i fod yn hyblyg i’r rheini sydd â phroblemau go iawn I fod ar gael ar eu dyddiad gwreiddiol.

• Ail a thrydedd wythnos ym mis Gorffennaf: Hysbysir ymgeiswyr llwyddiannus ac aflwyddiannus.

Bydd ceisiadau a dderbynnir ar ôl 1 Mehefin yn cael eu hystyried yn yr ail rownd recriwtio os oes lleoedd ar gael o hyd a bydd cyfweliadau ar-lein yn cael eu cynnal ddiwedd mis Awst / dechrau mis Medi.