Ynglŷn â’r Cwrs Yma
Mae'r rhaglen hon wedi'i hachredu gan y Sefydliad Rheolaeth Siartredig (CMI). Bydd myfyrwyr sy'n astudio'r rhaglen hon yn graddio gyda chymhwyster deuol sef gradd Meistr Prifysgol Bangor a chymhwyster Lefel 7 CMI mewn Rheolaeth Strategol ac Arweinyddiaeth.
Mae swyddi rheolwyr amgylcheddol corfforaethol yn mynd yn fwyfwy cymhleth a strategol. Mae cyfrifoldeb cymdeithasol ac amgylcheddol corfforaethol bellach yn elfen flaenllaw o ran y galw gan ddefnyddwyr ac yn un o ragofynion prosesau tendro. Mae hyn yn golygu bod angen i reolwyr amgylcheddol fod yn fwy soffistigedig gan allu dehongli gofynion deddfwriaethol a gofynion archwilio, a'u cyflawni mewn modd sy'n ffafriol i ddatblygiad economaidd parhaus a chydnabod tueddiadau'r farchnad ar yr un pryd.
Nod y rhaglen hon yw datblygu sgiliau o ran cyflawni gweithgarwch economaidd sy’n gysylltiedig â’r amgylchedd, technoleg werdd a chynaliadwyedd. Mae'r rhaglen yn cynnwys astudiaethau achos hynod gyfredol o bob rhan o'r sectorau hyn gan adlewyrchu strategaethau newidiol a dulliau amgen.
Mae'n addas i raddedigion mewn ystod eang o ddisgyblaethau, gan gynnwys yr Amgylchedd, Peirianneg, Cyllid, Gwyddorau Cymdeithas a phynciau eraill.
Hyd y Cwrs
MBA: Blwyddyn yn llawn amser (2/3 mlynedd yn rhan amser). Derbynnir myfyrwyr i'r cwrs hwn ym mis Ionawr a mis Medi.
Cynnwys y Cwrs
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Rheoli’r Amgylchedd.
Mae cynnwys y cwrs wedi’i nodi i’ch arwain yn unig ac fe all newid.
Gofynion Mynediad
I gael mynediad i'r rhaglen hon mae angen gradd israddedig dda mewn pwnc perthnasol, (e.e. Gwyddorau'r Amgylchedd neu Astudiaethau Busnes) gan brifysgol, neu gymhwyster tebyg gan sefydliad arall. Fel arall, gellir eich derbyn os ydych yn meddu ar gymhwyster proffesiynol addas a phrofiad ymarferol perthnasol. Yn gyffredinol, caiff ymgeiswyr eu barnu yn ôl eu teilyngdod unigol, ac ystyrir profiad gwaith a ffactorau eraill hefyd. Yn achos graddau MBA, er bod profiad gwaith yn fanteisiol, nid yw’n hanfodol.
