Llenyddiaeth Saesneg ac Ysgrifennu Creadigol BA (Anrh) Israddedig - Mynediad: Medi 2025/26*

Mae'r cwrs hwn yn datblygu cysylltiadau rhwng astudiaeth feirniadol o Lenyddiaeth Saesneg a'r ymarfer creadigol o ysgrifennu mewn sawl ffurf. Byddwch yn dysgu ymdrin â thestunau fel darllenydd ac awdur, yn darganfod synergedd rhwng y gwahanol safbwyntiau hyn. Byddwch yn astudio ystod eang o lenyddiaeth Saesneg wrth ddatblygu eich sgiliau ymarferol, eich hyder a'ch gweledigaeth annibynnol fel ysgrifennwr creadigol. Mae'r cwrs hwn yn cynnig cyfle i ddatblygu sgiliau mewn dadansoddi beirniadol a datrys problemau gan ddefnyddio’ch dychymyg, sy'n berthnasol i ystod o lwybrau gyrfa.

Wedi'i haddysgu gan arbenigwyr ym maes astudio Llenyddiaeth Saesneg, ochr yn ochr â nofelwyr a beirdd profiadol, bydd gradd mewn Llenyddiaeth Saesneg ac Ysgrifennu Creadigol o Brifysgol Bangor yn eich galluogi i gynyddu eich dealltwriaeth o lenyddiaeth, yn ogystal â’ch helpu i fireinio'ch llais creadigol eich hun fel ysgrifennwr. Yn wir, mae'r radd hon yn cyfuno'r gorau o ddau fyd, gan eich cyflwyno i astudio genres hanesyddol a chyfoes, wrth i chi eich hun ymarfer ysgrifennu ar draws ystod o genres masnachol a llenyddol. 

Pam dewis Prifysgol Bangor ar gyfer y cwrs?

• Addysgu a darlithoedd mewn grwpiau bach a goruchwyliaeth un i un.
• Mae Ysgrifennu Creadigol yn rhan o fyd celfyddydau a diwylliant bywiog sy'n cynnwys Pontio, canolfan gelfyddydau £40 miliwn y brifysgol, theatrau lleol, grwpiau barddoniaeth a chymdeithasau myfyrwyr.
• Mae cyn-fyfyrwyr wedi mynd ymlaen i olygu, cyhoeddi ac ysgrifennu'n greadigol mewn amrywiaeth o feysydd llenyddol ac yn y cyfryngau.

Opsiynau Cwrs Ychwanegol

Bydd gan bob un o'r modiwlau rydych wedi eu dewis oddeutu 2-3 awr o ddysgu wyneb yn wyneb bob wythnos.  Mae addysgu fel rheol ar ffurf seminarau bach, darlithoedd a gweithdai, lle cewch gyfle i gwrdd â'ch cyd-fyfyrwyr ac ymwneud â nhw. 

Y tu allan i'r ystafell ddosbarth a'r ystafell ddarlithio, gall myfyrwyr gymryd rhan mewn gweithgareddau allgyrsiol, megis teithiau i lyfrgelloedd, archifau, amgueddfeydd, ac i'r theatr. Rydym hefyd yn croesawu academyddion ac awduron proffesiynol sy'n ymweld yn rheolaidd, sy'n rhoi darlleniadau a pherfformiadau o'u gwaith.     

Gall dulliau asesu fod ar ffurf gwaith cwrs ysgrifenedig, portffolios, arholiadau i’w sefyll gartref, yn ogystal â chyflwyniadau llafar.       

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Llenyddiaeth Saesneg ac Ysgrifennu Creadigol BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Caiff y radd hon ei haddysgu gan academyddion profiadol a nofelwyr a beirdd cyhoeddedig. Mae'n rhoi dealltwriaeth feirniadol werthfawr i fyfyrwyr nid yn unig yng nghyswllt astudio llenyddiaeth, ond y diwydiant cyhoeddi ei hun. Rhan o'r hyn y gall ein darlithwyr ei gynnig yw'r ddealltwriaeth werthfawr sydd ei hangen i gychwyn ar eich gyrfa eich hun fel ysgrifennwr. 
Mae ein graddedigion Llenyddiaeth Saesneg ac Ysgrifennu Creadigol yn mynd ymlaen i ymgymryd ag ystod o yrfaoedd, yn aml yn y diwydiannau creadigol a diwylliannol, sectorau’r celfyddydau, addysg a chyfathrebu digidol. Mae ein myfyrwyr hefyd yn cychwyn ar astudio a hyfforddi ôl-raddedig mewn Llenyddiaeth Saesneg, Ysgrifennu Creadigol a disgyblaethau cysylltiedig, er mwyn hyfforddi fel ymchwilwyr a darlithwyr mewn addysg uwch.       
 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Iaith Saesneg a Llenyddiaeth Saesneg (gyda Blwyddyn Sylfaen).