Llenyddiaeth Saesneg a Cherddoriaeth BA (Anrh) Israddedig - Mynediad: Medi 2025/26*

Mae astudio Cerddoriaeth a Llenyddiaeth Saesneg yn ffordd wych o ddatblygu eich sgiliau a'ch dirnadaeth yn y ddau faes. Bydd hanner eich modiwlau mewn Llenyddiaeth Saesneg, a hanner mewn Cerddoriaeth. Byddwch yn datblygu gwybodaeth drylwyr o destunau llenyddol, theori, hanes a beirniadaeth, ac yn dilyn astudiaethau creadigol o blith detholiad o fodiwlau perfformio cerddorol, cyfansoddi a cherddoleg. Bydd y cysylltiadau agos sydd gennym â theatrau lleol, grwpiau barddoniaeth a chymdeithasau myfyrwyr bywiog yn rhoi digon o gyfleoedd i chi gymryd rhan yn y celfyddydau a diwylliant.

Mae Llenyddiaeth Saesneg yn rhoi cyfle i ddatblygu gwybodaeth drylwyr o destunau llenyddol, theori, hanes a beirniadaeth. Bydd cyfle i astudio Llenyddiaeth Saesneg yn ei holl agweddau mewn grwpiau bach, o dan adain arbenigwyr ymchwil yn y maes, mewn awyrgylch o fenter ysgolheigaidd greadigol er mwyn datblygu sgiliau dadansoddi beirniadol y mae cyflogwyr yn eu gwerthfawrogi'n fawr. Byddwch hefyd yn gallu cysylltu eich astudiaethau Saesneg a Cherddoriaeth yn y gwaith rhyngddisgyblaethol a rhyngweithio geiriau a cherddoriaeth mewn ymarfer creadigol ac o safbwynt hanesyddol, yn ogystal ag archwilio agweddau llenyddol gosod testunau i gerddoriaeth.

Byddwch chi fel cerddor yn rhan o gymuned gerddorol a chelfyddydol ffyniannus yn perfformio cerddoriaeth ac yn mynychu pherfformiadau yn Neuadd Powis, Theatr John Phillips a Neuadd odidog Prichard-Jones. Bydd i chi gyfleusterau heb eu hail yn ein canolfan celfyddydau ac arloesi, Pontio, lle mae Theatr Stiwdio ar gyfer perfformio a chefnogaeth dechnegol gan weithwyr proffesiynol y diwydiant. Ym Mhontio hefyd mae Theatr Bryn Terfel, sef theatr ac ynddi 450 o seddi, sy'n llwyfannu cynyrchiadau theatr a cherddoriaeth o'r radd flaenaf yn rheolaidd.  Cewch fanteisio hefyd ar y cysylltiadau rhagorol sydd gan Fangor â sefydliadau blaenllaw gan gynnwys Cerddorfa Genedlaethol Cymru'r BBC (y mae gennym weithdy cyfansoddi blynyddol gyda nhw), Cerddorfa Ffilharmonig Frenhinol Lerpwl, Sinfonietta Llundain a Recordiau Sain. 

Pam dewis Bangor?

• Strwythur y radd yn hyblyg i deilwra'r cwrs i'ch diddordebau a'ch cryfderau.
• Cysylltiadau clos â Chanolfan Gelfyddydau Pontio, theatrau lleol, grwpiau barddoniaeth a chymdeithasau myfyrwyr bywiog - gan gynnwys Cymdeithas Ddrama Saesneg Bangor (BEDS).
• Cymuned ddeinamig o ran creu cerddoriaeth: corau, cerddorfeydd, bandiau, ensembles y myfyrwyr a Chymdeithas Gerdd Prifysgol Bangor.

Opsiynau Cwrs Ychwanegol

Mae rhaglen gradd Llenyddiaeth Saesneg a Cherddoriaeth Bangor yn hyblyg - byddwch chi'n siapio'ch cwrs gradd yn ôl eich diddordebau a'ch cryfderau.  Dyfeisiwyd ein cyrsiau ac fe'u cyflwynir gan staff sydd wedi ymrwymo i'ch helpu chi ddatblygu gwybodaeth bwnc-benodol, gyda'r rhyddid i chi ddarganfod ac archwilio'ch diddordebau eich hun. Yn y ddau faes pwnc cewch eich dysgu gan ymchwilwyr ac ymarferwyr o fri rhyngwladol.

Cewch gyfle i astudio amrywiaeth helaeth o Lenyddiaeth Saesneg - gan gynnwys amryw o genres a chyfnodau - ac mi gewch eich cyflwyno i ystod eang o ddiwylliannau a thraddodiadau deallusol. Byddwch yn dechrau astudio Cerddoriaeth yn ei holl agweddau, trwy theori ac ymarfer cerddorol gan gynnwys polyffoni moddol a chyfansoddi electroacwstig. Byddwch yn defnyddio'r fframwaith eang hwn fel man cychwyn i ddatblygu eich arbenigedd eich hun o blith nifer o feysydd megis cerddoleg, perfformio neu gyfansoddi. Gall hynny gynnwys cerddoriaeth yr 20fed ganrif, perfformio clasurol, cerddoriaeth a thestun, golygu, cerddoriaeth ym maes iechyd a lles, a phob arddull cyfansoddi. 

Mae’r myfyrwyr yn elwa o gael bod mewn grwpiau seminar bach, tiwtorialau wyneb yn wyneb, gweithdai a darlithoedd. Byddwch yn treulio amser ar ddarllen cefndirol a gwrando ar gerddoriaeth, ymwneud â gwaith creadigol a beirniadol, paratoi at seminarau, cwblhau traethodau a gwaith cwrs. Byddwch hefyd yn treulio amser yn ymarfer ac yn perfformio mewn ensembles, corau a cherddorfeydd, ac yn gweithio gyda chyd-fyfyrwyr i ddatblygu a mynegi syniadau. Mewn Cerddoriaeth, mae gennych yr opsiwn o ddewis Perfformio Unigol, a addysgir trwy gyfuniad arloesol o hyfforddiant unigol, gweithdai a dosbarthiadau meistr. Mae sawl modiwl yn cynnwys ymweliadau â theatrau, cyngherddau, stiwdios recordio a gweithdai cyfansoddi, neu'r cyfle i gwrdd a chyfweld ag awduron sydd ar ymweliad.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Llenyddiaeth Saesneg a Cherddoriaeth BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae rhagolygon gwaith ein graddedigion yn rhagorol, ac mae dewis amrywiol iawn o ran gyrfaoedd. Mae ein graddedigion yn gweithio mewn amryw o rolau, gan gynnwys perfformio cerddoriaeth, gwaith yn y cyfryngau a chwmnïau recordio, newyddiaduraeth, ysgrifennu creadigol a chyhoeddi a chyfansoddi. Mae llawer o raddedigion yn dewis mynd yn athrawon ar bob lefel addysgol. Mae eraill yn dewis swyddi gweinyddol gyda cherddorfeydd, cwmnïau theatr, tai opera neu ganolfannau’r celfyddydau, neu'n dilyn hyfforddiant pellach mewn gwaith cymdeithasol, gwaith yr heddlu, gwaith mewnfudo, llywodraeth leol, bancio a chyfrifeg.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn ‘gyda Blwyddyn Sylfaen’ ar gael ar gyfer y cwrs hwn. Gwnewch gais am Iaith Saesneg a Llenyddiaeth Saesneg (gyda Blwyddyn Sylfaen) neu Cerddoriaeth (gyda Blwyddyn Sylfaen).