Cadwraeth gyda Choedwigaeth BSc (Anrh) Israddedig - Mynediad: Medi 2025/26*

O blith holl ecosystemau'r tir, coedwigoedd yw’r mwyaf bioamrywiol, ac ynddynt y ceir y mwyafrif helaeth o rywogaethau'r byd. Mae'r radd hon yn cynnig dealltwriaeth o'r fioamrywiaeth honno, o'r ffyrdd y mae pobl yn dylanwadu arni, ac o'r rôl y gall coedwigoedd ei chwarae yn lleihau effeithiau gweithgarwch dynol, gan gynnwys newid yn yr hinsawdd. Mae'r radd yn canolbwyntio ar egwyddorion cadwraeth fiolegol, ecoleg coedwigoedd a swyddogaeth ecosystemau coedwigoedd, a'r gwaith o reoli coedwigoedd i gyflawni amcanion cadwraeth. Mae cyfleoedd i astudio dramor yn yr ail flwyddyn.

Coedwigoedd yw'r mwyaf bioamrywiol o holl ecosystemau’r tir ac maent yn cynnwys y mwyafrif helaeth o rywogaethau'r byd. Mae'r radd hon yn rhoi dealltwriaeth o'r fioamrywiaeth hon, y ffyrdd y mae pobl yn dylanwadu arni, a'r swyddogaeth y gall coedwigoedd ei chwarae wrth leihau effeithiau gweithgareddau dynol, gan gynnwys newid yn yr hinsawdd. Byddwch yn canolbwyntio ar egwyddorion cadwraeth fiolegol, ecoleg coedwigoedd a swyddogaeth ecosystem coedwigoedd, a rheoli coedwigoedd i gyflawni amcanion cadwraeth. Mae cyfleoedd i astudio dramor yn yr ail flwyddyn. Gyda’r brifysgol wedi'i lleoli yn ardal hardd Gogledd Cymru, byddwch yn mwynhau dysgu trwy gyfuniad o ddarlithoedd, seminarau, gweithdai a sesiynau ymarferol, yn ogystal ag ymweld â safleoedd ag amrywiaeth eang o goetiroedd, coedwigoedd a chynefinoedd eraill. 

Mae’r radd hon wedi'i hachredu gan Sefydliad y Coedwigwyr Siartredig ac mae’n cyflawni gofynion mynediad i Aelodaeth Broffesiynol yn rhannol.   Byddwn hefyd yn talu am aelodaeth eich blwyddyn gyntaf gyda Sefydliad y Coedwigwyr Siartredig.  Rydym yn cynnal cyrsiau maes wythnos o hyd ym mhob blwyddyn o'r radd hon, gan eich galluogi i dreulio amser y tu allan yn mireinio'ch sgiliau arsylwi safle a chasglu data o ddechrau'r radd. 

Mae ein rhwydweithiau lleol, cenedlaethol a rhyngwladol helaeth a'n rhaglenni ymchwil yn caniatáu i ni ddarparu addysgu o ansawdd uchel sy'n rhoi sylw i faterion cyfoes. Rydym yn gweithio'n agos gyda sefydliadau yn y Deyrnas Unedig, ac yn cyflwyno ein myfyrwyr iddynt. Ymhlith y rheiny mae Cyfoeth Naturiol Cymru, y Comisiwn Coedwigaeth,, Coed Cadw, Forest Research,  Sefydliad y Coedwigwyr Siartredig,, Woodland Heritage, yr Ymddiriedolaeth Genedlaethol a sawl sefydliad arall.    

Mae ein myfyrwyr a'n staff academaidd yn cydweithio'n gyson â sefydliadau rhyngwladol megis y Tropical Agricultural Research and Higher Education Center, Costa Rica (CATIE), y Center for International Forestry Research, Indonesia (CIFOR), y World Agroforestry Centre (ICRAF) a’r International Forestry Students’ Association (IFSA). 

 Rydym yn berchen ar 82 hectar o goetiroedd, llawer ohonynt yn rhai lled-naturiol, a ddefnyddir ar gyfer addysgu, projectau myfyrwyr ac ymchwil. Mae fferm y brifysgol hefyd yn gartref i amrywiaeth o arbrofion ymchwil coedwigaeth a defnydd tir sy'n darparu adnoddau addysgu a dysgu rhagorol.

Pam dewis Prifysgol Bangor ar gyfer y cwrs?

• Rydym mewn lleoliad delfrydol ar gyfer astudio, yn agos at goetiroedd hynafol lled-naturiol a safleoedd eraill o bwysigrwydd cadwraethol. 
• Rydym yn berchen ar 82 hectar o goetir, llawer ohono’n lled-naturiol, a ddefnyddir wrth addysgu. 
• Blynyddoedd 1 a 2 - cyrsiau maes wythnos o hyd. 
• Mae gennym gysylltiadau lleol, cenedlaethol a rhyngwladol gydag amrywiaeth o asiantaethau llywodraethol a chyrff anllywodraethol sy'n gweithio ar brojectau a materion cadwraeth. 
• Aelodaeth am ddim o Sefydliad y Coedwigwyr Siartredig i fyfyrwyr y flwyddyn gyntaf.

Opsiynau Cwrs Ychwanegol

Ar y cwrs hwn, byddwch yn astudio trwy amrywiaeth o ddarlithoedd, tiwtorialau, seminarau a gwaith maes. Mae ein cyrsiau'n fodiwlaidd ac mae'r modiwlau dewisol yn yr ail flwyddyn a’r flwyddyn olaf yn eich galluogi i ehangu eich astudiaethau i feysydd newydd neu i ddatblygu arbenigeddau sydd o ddiddordeb i chi. 

Beth fyddwch chi’n ei astudio ar y cwrs yma?

Blwyddyn 1 a 2 

Bydd y flwyddyn gyntaf yn eich cyflwyno i'r egwyddorion ecolegol, economaidd ac amgylcheddol y mae cadwraeth a choedwigaeth yn seiliedig arnynt. Yn yr ail flwyddyn, byddwch yn datblygu eich dealltwriaeth o'r egwyddorion hyn ac yn eu cymhwyso i ymarfer cadwraeth a choedwigaeth. Mae'r pynciau sy'n cael eu hastudio yn ystod y ddwy flynedd gyntaf yn cynnwys adnabod coed, asesu safleoedd, ymarfer cadwraeth, egwyddorion cadwraeth, rheolaeth amgylcheddol, mesur coed, coedwriaeth a stocrestri, rheoli coedwigoedd a choetiroedd, dadansoddi data a systemau gwybodaeth ddaearyddol. Erbyn diwedd yr ail flwyddyn byddwch wedi cael y wybodaeth a'r ddealltwriaeth sydd eu hangen i dreulio blwyddyn ar leoliad rhyngosod, os ydych yn dymuno gwneud un. 

Blwyddyn 3 

Yn y drydedd flwyddyn, byddwch yn astudio modiwlau unigryw mewn Cadwraeth Bywyd Gwyllt ac Ecoleg Coedwig, yn ogystal â gwneud project ymchwil annibynnol (Project Anrhydedd) ar bwnc sydd o ddiddordeb i chi, dan oruchwyliaeth aelod staff academaidd.   

Gallwch ddewis ysgrifennu cynllun rheoli cadwraeth sy’n integreiddio'r wybodaeth rydych wedi'i hennill yn ystod y ddwy flynedd gyntaf ar gyfer tirwedd sy'n cynnwys ardaloedd sylweddol o goetir, coedwig a chynefinoedd eraill. Ceir modiwlau dewisol mewn materion amgylcheddol, polisi amgylcheddol, ynni adnewyddadwy, systemau gwybodaeth ddaearyddol uwch a synhwyro o bell, agweddau dynol ar gadwraeth. Gallwch hefyd ddewis mynd ar gwrs maes am wythnos yn Tenerife, neu gwrs maes Cadwraeth Drofannol. 

 

Wrth astudio’r rhaglen hon ym Mangor, byddwch yn dod yn rhan o gymuned wych o fyfyrwyr a staff o bob cwr o’r byd, fel y dangosir gan yr adroddiad hwn gan fyfyriwr cyfnewid rhyngwladol o Ganada. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cadwraeth gyda Choedwigaeth BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae cyflogwyr bob amser yn chwilio am raddedigion sy'n flaengar ac yn mwynhau gweithio gyda phobl. Mae cyfran uchel o'n graddedigion yn cael swydd sy'n gysylltiedig â chadwraeth a/neu goedwigaeth o fewn chwe mis ar ôl graddio, ac yn cael eu cyflogi gan sefydliadau cyhoeddus, preifat ac anllywodraethol yn y Deyrnas Unedig a thramor. Mae ein hanes unigryw, ein henw da a'n rhagoriaeth addysgu ym meysydd pwnc Cadwraeth a Choedwigaeth yn golygu bod graddedigion Bangor yn gyflogadwy iawn. 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Gwyddor yr Amgylchedd (gyda Blwyddyn Sylfaen).