Gwyddor Biofeddygol BSc (Anrh) Israddedig - Mynediad: Medi 2025/26*

Gwyddor Biofeddygol sy’n sail i ymchwil wyddonol i iechyd ac afiechyd dynol. Bydd y cwrs hwn yw rhoi dealltwriaeth i chi o fioleg afiechyd, gan gynnwys cysyniadau a chymwysiadau modern gwyddor biofeddygol wrth ganfod, trin ac ymchwilio i anhwylderau clinigol. Mae galw cynyddol am raddedigion sydd â phrofiad o'r uwch dechnegau diagnostig a moleciwlaidd sy'n chwyldroi prosesau canfod a thrin afiechydon yn y GIG, y lluoedd arfog, diwydiant, y byd academaidd ac ymchwil.

Cafodd y cwrs hwn ei gynllunio’n benodol mewn cydweithrediad â labordai clinigol lleol y Gwasanaeth Iechyd Gwladol (GIG). Caiff ei achredu gan Sefydliad y Gwyddorau Biofeddygol. Bydd staff gwyddonol a chlinigol o ysbytai’r gogledd yn ymwneud â phob agwedd ar yr addysgu ac mae nifer o’r staff yn gyn ymarferwyr.
Mae’r Gwyddorau Biofeddygol yn cwmpasu amrywiol bynciau sy’n sail i ymchwil wyddonol i iechyd ac afiechyd dynol.  Pwrpas y cwrs yw rhoi dealltwriaeth i chi o fioleg afiechydon, gan gynnwys cysyniadau a chymwysiadau modern y gwyddorau biofeddygol o ran ymchwilio, diagnosis, a thriniaethau ar gyfer  anhwylderau clinigol.  Cewch eich annog a’ch cefnogi i ddysgu am y gwyddorau biolegol craidd er mwyn datblygu sgiliau mewn disgyblaethau biofeddygol mwy arbenigol, sef biocemeg glinigol, patholeg y gell, haematoleg a microbioleg feddygol.  

Pam dewis Prifysgol Bangor ar gyfer y cwrs?

• Cyfleusterau rhagorol, yn cynnwys labordai addysgu blaengar, wedi eu cynllunio'n bwrpasol.
• Mae opsiwn (yn seiliedig ar gyflawniad academaidd) i wneud lleoliad blwyddyn mewn labordy patholeg yn y GIG i gwblhau lleoliad hyfforddi a graddio gyda BSc (Anrh) yn y Gwyddorau Biofeddygol Cymhwysol.

Opsiynau Cwrs Ychwanegol

Byddwch yn dilyn modiwlau sy’n werth 120 credyd bob blwyddyn a gaiff eu dysgu trwy nifer o ddulliau priodol gan gynnwys darlithoedd, seminarau a sesiynau ymarferol mewn labordai. Mae’r modiwlau’n mynd yn fwy arbenigol wrth i chi fynd trwy’r radd ac mae nifer y modiwlau gorfodol yn amrywio o’r naill flwyddyn i’r llall.  Caiff y cwrs ei asesu trwy gymysgedd o arholiadau, adroddiadau labordy ymarferol, gwaith cwrs a chyflwyniadau, gan gynnwys y prosiect ymchwil yn y flwyddyn olaf. Maemodiwlau cyfrwng Cymraeg ar gael hefyd, a gall y myfyrwyr ddewis tiwtor Cymraeg a chyflwyno gwaith yn Gymraeg neu Saesneg.

Beth fyddwch chi’n ei astudio ar y cwrs yma?

Blwyddyn 1

Mae'r flwyddyn gyntaf yn gyflwyniad i agweddau pwysig ar y Gwyddorau Biofeddygol a Meddygol ac mae'n cynnwys darlithoedd, sesiynau labordy ymarferol a sesiynau tiwtorial mewn pynciau sylfaen allweddol. Mae modiwlau’r flwyddyn gyntaf yn rhoi pwyslais ar ddatblygu'r sgiliau ffeithiol ac ymarferol allweddol y bydd eu hangen arnoch i symud ymlaen gyda gweddill eich astudiaethau. Ymhlith y pynciau y byddwch yn eu hastudio mae ffisioleg ddynol, geneteg foleciwlaidd, bioleg y gell, microbioleg, cemeg yn ogystal â sgiliau academaidd sylfaenol. Yn eich sesiynau labordy byddwn yn eich dysgu sut i weithio'n ddiogel mewn labordy yn ogystal â'r fframweithiau rheoleiddio ehangach y mae labordai’n gweithredu ynddynt. 

Mae blwyddyn 1 yn gyffredin i'r ddwy radd isod sy'n rhoi cyfle i chi newid a dewis un o'r graddau eraill (yn amodol ar feini prawf cymhwysedd), a'r hyblygrwydd i chi newid llwybr gradd cyn dechrau blwyddyn dau os bydd eich diddordebau'n newid. 

• Gwyddorau Biofeddygol (B102)
• Gwyddorau Meddygol (B100) 

Blynyddoedd 2 a 3

Mae eich modiwlau yn yr ail a’r drydedd flwyddyn yn rhoi pwyslais ar ficrobioleg feddygol, biocemeg glinigol, patholeg y celloedd, imiwnoleg, haematoleg a gwyddorau trallwysiad, datblygu cyffuriau ac astudiaethau moleciwlaidd a genetig. Yn ystod y ddwy flynedd byddwch yn treulio amser yn gweithio ar astudiaethau achos pwnc-benodol i hogi'r technegau a'r wybodaeth amrywiol a'u cymhwyso i sefyllfaoedd yn y byd go iawn. Thema gyffredinol fydd datblygu sgiliau trosglwyddadwy megis dadansoddi beirniadol, dehongli data a'r gallu i gyflwyno gwyddor biofeddygol i amrywiaeth o gynulleidfaoedd. Yn y drydedd flwyddyn, bydd hynny’n arwain at ymchwil annibynnol mewn labordy ac ymchwil i lenyddiaeth wyddonol sy’n gysylltiedig â'r maes meddygol y byddwch yn ei gyflwyno yn eich traethawd hir. 

Agwedd allweddol arall ar fodiwlau’r ail a’r drydedd flwyddyn yw'r pwyslais ar eneteg a bioleg foleciwlaidd. Mae’n wybodaeth hanfodol ar gyfer gwyddorau bywyd modern ac o’r herwydd rydym yn integreiddio ei dysgu yn yr holl fodiwlau perthnasol yn ogystal â sawl modiwl pwrpasol a fydd yn archwilio popeth gan gynnwys cylch y celloedd ac amodau etifeddol cymhleth. Byddwn yn eich dysgu sut mae defnyddio bioleg foleciwlaidd i wneud diagnosis o gleifion ac i helpu trin afiechydon amrywiol.

Blwyddyn o Brofiad Gwaith mewn Labordy Patholeg yn y GIG

Efallai y bydd cyfle i'r rheini sydd â diddordeb dilyn gyrfaoedd yn labordai Patholeg y GIG wneud cais am brofiad gwaith gwirfoddol yn ystod y cwrs a dilyn rhaglen hyfforddi a gynlluniwyd i ateb y gofynion a gwneud cais am gofrestriad fel Gwyddonydd Biofeddygol gyda'r Cyngor Proffesiynau Iechyd a Gofal. Os oes gennych ddiddordeb gwneud hynny mae yna broses ddewis gystadleuol a byddech yn gwneud cais i drosglwyddo i’r Gwyddorau Biofeddygol Cymhwysol ddiwedd Blwyddyn 2 (Lefel 5). Mae mynediad i’r Gwyddorau Biofeddygol Cymhwysol yn seiliedig ar deilyngdod academaidd, cyfweliad gyda phanel cystadleuol a chyflwyno datganiad personol priodol. Yna bydd y myfyrwyr sy'n cwblhau'r lleoliad gwirfoddol blwyddyn hwnnw’n graddio gyda gradd BSc Gwyddorau Biofeddygol Cymhwysol, er cydnabod y sgiliau proffesiynol ychwanegol a enillwyd.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Gwyddor Biofeddygol BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Bydd y rhaglen hon yn rhoi'r sgiliau damcaniaethol, ymarferol a throsglwyddadwy i chi a fydd yn werthfawr i amryw o gyflogwyr. Ymhlith y llwybrau a ddilynodd ein cyn-fyfyrwyr mae: y diwydiant fferyllol, ymchwil meddygol, y gwyddorau bwyd, iechyd y cyhoedd, y lluoedd arfog, y gwyddorau fforensig ac mae'r radd hefyd yn cael ei derbyn gan lawer o brifysgolion ar gyfer cyrsiau ôl-radd mewn Meddygaeth, Deintyddiaeth a’r Gwyddorau Milfeddygol.

Llwybr gyrfa arall y mae nifer sylweddol o’n cyn-fyfyrwyr yn ei ddilyn yw gweithio yn labordai patholeg y GIG, gan helpu ein gwasanaeth iechyd gyda diagnosis cleifion. Mae ein hachrediad IBMS yn eich helpu i baratoi ar gyfer gwaith cyflym a diddorol labordy patholeg modern gyda disgyblaethau'n amrywio o drefnu trallwysiadau gwaed i ganfod heintiau firaol mewn cleifion.*

* Sylwch. mae cwblhau gradd wedi'i hachredu gan IBMS a lleoliad achrededig yn y GIG yn hanfodol ar gyfer cofrestru gyda'r Cyngor Proffesiynau Iechyd a Gofal (HCPC) ac yn aml yn rhagofyniad ar gyfer llawer o rolau o fewn y GIG.

Bydd y graddedigion hefyd mewn sefyllfa ddelfrydol i gyflawni rhaglenni MSc a PhD yn nisgyblaethau’r gwyddorau bywyd ac ar gyfer swyddi ymchwil yn y GIG a Rhaglen Hyfforddi Gwyddonwyr y GIG.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Gwyddor Biofeddygol (gyda Blwyddyn Sylfaen).