Bioleg MBiol Israddedig - Mynediad: Medi 2025/26*

Rhoddir pwyslais cryf ar agweddau esblygiadol, ecolegol ac amgylcheddol ac mae digon o gyfle i ddilyn agweddau cymhwysol ar fioleg ac i ddysgu am brosesau a mecanweithiau biolegol sylfaenol. Gwnawn ddefnydd helaeth o'r amrywiaeth eithriadol o gynefinoedd daearol a dyfrol yn lleol yn ystod cyrsiau maes a dosbarthiadau ymarferol. Mae ein cyrsiau'n unigryw oherwydd ein bod yn addysgu bioleg anifeiliaid cyfan, yn ogystal ag ecoleg a biowyddorau moleciwlaidd, cellog a genetig.

Rhaglen israddedig estynedig yw’r radd MBiol 4 blynedd sy’n eich galluogi i raddio gyda gradd Meistr ar ddiwedd y Blwyddyn 4. Mae'r flwyddyn MBiol yn cynnig project ymchwil estynedig, gan weithio'n agos gyda staff arbenigol a derbyn hyfforddiant sgiliau ymchwil uwch.

Mae’r cwrs Meistr mewn Bioleg yn rhaglen israddedig estynedig sy’n caniatáu i fyfyrwyr raddio naill ai gyda BSc (Anrh) ar ddiwedd y drydedd flwyddyn neu gyda gradd Meistr ar ddiwedd y bedwaredd flwyddyn.  Os llwydda’r myfyriwr i gyrraedd safon digon uchel ar ddiwedd Blwyddyn 2, yna caniateir iddo/iddi drosglwyddo i’r flwyddyn Meistr ar ôl cwblhau Blwyddyn 3.  Mae'r bedwaredd flwyddyn yn cynnig cyfle unigryw i wneud project ymchwil estynedig naill ai yn y labordy neu yn y maes, a datblygu neu ehangu ymhellach ar y sgiliau a'r diddordebau a ddatblygwyd eisoes. 

Mae bioleg yn cwmpasu'r holl fywyd ar y ddaear ac yn ystyried undod ac amrywiaeth organebau. Wrth wneud gradd mewn bioleg, byddwch yn dysgu am ficrobau, planhigion ac anifeiliaid, ac yn cael sylfaen drylwyr mewn bioleg celloedd a moleciwlaidd, ecoleg ac esblygiad. Byddwch hefyd yn gallu dewis modiwlau o amrywiaeth eang o ddisgyblaethau a meysydd pwnc - mae'r dewisiadau’n amrywio o ecoleg y môr i eneteg feddygol. 

Mae'r radd hon yn pwysleisio'n gryf agweddau esblygiadol, ecolegol ac amgylcheddol ar wyddorau bywyd, a gall myfyrwyr ddewis canolbwyntio mwy ar brosesau a mecanweithiau biolegol sylfaenol, datblygiadau damcaniaethol neu fioleg gymhwysol. Fel arall, gallwch astudio’r pwnc yn ei ehangder a dewis modiwlau sy’n cyd-fynd â’ch diddordebau eich hun. Mae ein cyrsiau gradd yn manteisio ar amrywiaeth leol eithriadol o gynefinoedd daearol a dyfrol, ac mae gennym erddi botanegol ac amgueddfa hanes natur ein hunain i'w defnyddio mewn dosbarthiadau ymarferol a theithiau maes. Rydym hefyd yn rhan o Ganolfan yr Amgylchedd Cymru, sydd yn fenter bartneriaeth rhwng Prifysgol Bangor a Chanolfan Ecoleg a Hydroleg (CEH) Cyngor Ymchwil yr Amgylchedd Naturiol. Mae'r bartneriaeth hon a meysydd arbenigedd eang ac amrywiol ein staff bioleg yn caniatáu i ni gynnig set amrywiol o fodiwlau a phrojectau biolegol i'n holl fyfyrwyr. 

Mae'r radd fioleg yn darparu sylfaen ragorol mewn bioleg planhigion ac anifeiliaid o'r lefel foleciwlaidd i'r gymuned a'r biosffer. Rydym yn cynnig set amrywiol o brofiadau labordy a maes, gan gefnogi datblygiad sgiliau trosglwyddadwy ym maes dadansoddi data, ysgrifennu a chyflwyniadau, rhaglenni TG, gwaith grŵp a mwy. Ar ôl i chi gyrraedd blwyddyn dau a thri, cewch fwy o ddewis o fodiwlau a gallwch arbenigo mewn un neu fwy o'r meysydd niferus lle mae academyddion Bangor yn gwneud gwaith blaengar - yn cynnwys agweddau ar fioleg straen, egnïaeth, addasu i newid, geneteg y boblogaeth, biodaearyddiaeth, ecoleg foleciwlaidd, newid yn yr hinsawdd a storfeydd carbon, bioleg celloedd a genomig, micro-fioleg amgylcheddol, niwrobioleg a datblygiad. Fel myfyriwr bioleg, gallwch hefyd ddewis modiwlau dewisol o bynciau cysylltiedig fel coedwigaeth, cadwraeth a'r gwyddorau dynol, a gallwch deilwra eich gradd i gyflwyno'r cyfuniad o brofiadau, sgiliau a gwybodaeth rydych eisiau eu datblygu fwyaf. 

Pam dewis Prifysgol Bangor ar gyfer y cwrs hwn? 

• Mae ein cyfleusterau rhagorol yn cynnwys: gardd fotaneg; amgueddfa byd natur sy'n cynnwys casgliad cynhwysfawr o ddeunydd infertebratau a fertebratau ac acwaria môr a dŵr croyw helaeth; a Labordy Robert Edwards ar gyfer dysgu bioleg celloedd a bioleg foleciwlaidd. 
• Mae ein lleoliad yn lle delfrydol i astudio bioleg – mae'r gwahanol fathau o bridd, hinsawdd a thopograffeg yn darparu nifer o gynefinoedd amrywiol, pob un o fewn cyrraedd hwylus ar gyfer astudiaethau maes.
• Mae'r cyflwynydd teledu Steve Backshall bellach yn rhan o'n tîm addysgu.

Opsiynau Cwrs Ychwanegol

Bydd gofyn i chi ddilyn 120 o gredydau’r flwyddyn fydd yn cynnwys darlithoedd, sesiynau ymarferol ac ymarferion rhyngweithiol, yn ogystal â chyrsiau maes a thiwtorialau ym mlynyddoedd 1 a 2.  Mae'r flwyddyn olaf yn cynnwys project traethawd hir, dan oruchwyliaeth aelod staff, ar bwnc o’ch dewis. Mae’r modiwlau’n fwy arbenigol wrth i chi fynd trwy’r radd a nifer y modiwlau gorfodol yn amrywio o’r naill flwyddyn i’r llall.  Asesir trwy gyfuniad o arholiadau ffurfiol ac asesu parhaus. Mae modiwlau cyfrwng Cymraeg ar gael hefyd. 

Rhoddir nifer y credydau mewn cromfachau ar ôl enw pob modiwl.  Bydd rhai modiwlau yn cynnwys darlithoedd, sesiynau ymarferol ac ymarferion rhyngweithiol. Mae'r radd fioleg hon yn cynnig dewis arbennig o eang o fodiwlau dewisol, yn enwedig ym mlwyddyn 3. 

Ar y radd MBiol, mae'r bedwaredd flwyddyn yn cynnig cyfle i wneud project manwl, arbenigol mewn maes sydd o ddiddordeb arbennig i fyfyrwyr unigol. Caiff hwn ei oruchwylio gan aelod staff sydd ag arbenigedd yn y pwnc, a gall fod yn seiliedig ar waith maes, ymchwil labordy neu astudiaethau desg, e.e. modelu neu ffylogeneteg. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Bioleg MBiol.

Mae cynnwys y cwrs wedi’i nodi i’ch arwain yn unig ac fe all newid.

Mae ein cyfleusterau rhagorol yn cynnwys y canlynol: 

• Gardd fotaneg, sy'n cynnig cyfleoedd i wneud projectau ecolegol, gwaith maes a gwirfoddoli; 

• Amgueddfa Hanes Naturiol ein hunain sy'n cynnwys casgliad cynhwysfawr o ddeunydd infertebratau a fertebratau, sbesimenau daearegol a phlanhigion; 

• acwaria morol a dŵr croyw helaeth; 

• Labordy Robert Edwards i ddysgu bioleg celloedd a bioleg foleciwlaidd; 

• labordai gwyddonol sy’n ymdrin ag amrywiol agweddau ar fioleg o ffisioleg i esblygiad a datblygiad, gan gynnig projectau amrywiol i fyfyrwyr y drydedd flwyddyn; 

• mynediad i fyfyrwyr project i gyfleusterau yng Nghanolfan yr Amgylchedd Cymru a'r Ganolfan Biotechnoleg Amgylcheddol; 

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae biolegwyr yn dilyn amrywiaeth o yrfaoedd o fod yn ymgynghorwyr amgylcheddol i weithio ym maes ymchwil a datblygu, y gwasanaeth iechyd ac addysg bellach. 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Bioleg (gyda Blwyddyn Sylfaen).