Swoleg MZool Israddedig - Mynediad: Medi 2025/26*

Rhaglen israddedig estynedig yw’r radd hon ac mae’n caniatáu i chi raddio naill ai gyda BSc (Anrh) ddiwedd y drydedd flwyddyn neu radd Meistr (MZool) ddiwedd y bedwaredd flwyddyn.  Yn ystod y bedwaredd flwyddyn mae cyfle gwych i wneud prosiect ymchwil estynedig naill ai yn y labordy neu yn y maes. 

Mae’r radd Swoleg yn canolbwyntio ar anifeiliaid yn eu holl agweddau. Ar y cwrs yma cewch sylfaen drylwyr yn swoleg yr unfed ganrif ar hugain, a byddwch yn astudio ffurfiau a swyddogaethau amrywiol anifeiliaid, ac esblygiad ac ecoleg y prif grwpiau o anifeiliaid. Trwy gyfres o fodiwlau unigol sy'n cynnig elfen o ddewis, byddwch yn derbyn hyfforddiant sŵolegol cadarn ac eang mewn sŵoleg infertebratau a fertebratau, gan gynnwys agweddau cymhwysol fel ymddygiad, entomoleg, parasitoleg, bioleg ddatblygiadol, bioleg esblygiadol, a'r rhyngweithio rhwng anifeiliaid a'u hamgylchedd. Rydym yn cynnig cyfleoedd i wneud gwaith maes gartref a thramor, ac i wirfoddoli mewn labordai ymchwil a chyfleusterau anifeiliaid. Trwy gydol eich amser ym Mangor byddwch yn ennill sgiliau pwnc-benodol a throsglwyddadwy pwysig mewn dylunio arbrofol, gwaith ymarferol, dadansoddi data, gwaith grŵp, cyflwyno llafar, ysgrifennu a TG. 

Nid yn unig byddwch yn mwynhau’r adnoddau a ddisgwylid mewn canolfan fodern bioleg anifeiliaid, byddwch yn elwa hefyd o’r amrywiaeth eithriadol o gynefinoedd y tir, y môr a dŵr croyw sydd wrth law, lle gwneir gwaith maes, sydd yn rhan annatod o'r cwrs gradd.  Mae gennym Amgueddfa Byd Natur ac rydym hefyd yn rhan o Ganolfan yr Amgylchedd Cymru sydd yn fenter ar y cyd gan Brifysgol Bangor a Chanolfan Ecoleg a Hydroleg (CEH) Cyngor Ymchwil yr Amgylchedd Naturiol. Mae gennym acwaria môr a dŵr croyw ar y safle, a chyfleusterau ar gyfer cadw ymlusgiaid gwenwynig ac an-wenwynig, mamaliaid bach ac adar, yn ogystal â labordai addysgu ac ymchwil modern mawr a darlithfeydd, ystafelloedd cyfrifiaduron a mannau astudio. 

Fel rhan o'r radd Swoleg cewch ddewis treulio 3-6 mis ym mlwyddyn 2 mewn prifysgol a hynny naill ai yn Ewrop neu'r Unol Daleithiau ar raglen cyfnewid myfyrwyr. 

Pam dewis Prifysgol Bangor ar gyfer y cwrs?     

• Mae'r cyflwynydd teledu Steve Backshall bellach yn rhan o'n tîm addysgu.
• Mae gennym amgueddfa byd natur lle ceir casgliad cynhwysfawr o ddeunydd pryfed a fertebratau, acwaria môr a dŵr croyw, herpetariwm, cyfleusterau i famaliaid bychan, a chyfres o ystafelloedd y rheolir eu tymheredd. 
• Mae ein lleoliad yn ddelfrydol i astudio swoleg gan fod gennym ystod eang o gynefinoedd daear a dŵr yn lleol ar gyfer cynnal teithiau maes, gan gynnwys gardd fotaneg y Brifysgol yn Nhreborth.

Opsiynau Cwrs Ychwanegol

Ar y cwrs, bydd gofyn i chi astudio 120 o gredydau’r flwyddyn, a fydd yn cynnwys darlithoedd, sesiynau ymarferol ac ymarferion rhyngweithiol, yn ogystal â theithiau maes a thiwtorialau.  Gall y flwyddyn olaf gynnwys prosiect ymchwil integredig, o dan oruchwyliaeth aelod o’r staff, ar bwnc sy'n addas i’ch diddordebau.  Mae’r modiwlau’n mynd yn fwy arbenigol wrth i chi fynd trwy’r radd ac mae nifer y modiwlau gorfodol yn amrywio o’r naill flwyddyn i’r llall.  Asesir trwy gymysgedd o arholi ffurfiol ac asesu parhaus, ac mae modiwlau cyfrwng Cymraeg ar gael hefyd.  

Mae modiwlau cyfrwng Cymraeg ar gael hefyd. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Swoleg MZool.

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae ein sŵolegwyr yn gweithio ledled y byd ym maes rheolaeth bywyd gwyllt, ymgynghori amgylcheddol, cyfryngau lleol a chenedlaethol, ac addysgu, ac mae rhai wedi dilyn amrywiol raglenni ôl-radd (MSc a PhD) ym Mangor a mannau eraill. Aeth rhai rhagddynt i weithio yn sŵau ac acwaria cyhoeddus y Deyrnas Unedig ac yn rhyngwladol, ac aeth nifer o’r raddedigion diweddar i weithio fel technegwyr gofal anifeiliaid mewn prifysgolion a diwydiant. 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Swoleg (gyda Blwyddyn Sylfaen).