Cadwraeth a Rheoli Coetiroedd BSc (Anrh) Israddedig - Mynediad: Medi 2025/26*

Mae coetiroedd yn hollbwysig oherwydd y buddion eang a niferus a ddaw yn eu sgil ac mae cryn ddiddordeb mewn creu coetiroedd newydd yn y Deyrnas Unedig ac mewn gwledydd eraill ledled y byd. Mae'r radd hon yn canolbwyntio ar ddatblygu'r wybodaeth a'r sgiliau i reoli coetiroedd er mwyn darparu gwell cadwraeth o fioamrywiaeth, lles cyhoeddus a chynhyrchu deunyddiau adnewyddadwy mewn modd cynaliadwy. 

Bydd y cwrs hwn yn ymdrin â rheoli coetiroedd yn y Deyrnas Unedig ac yn rhyngwladol, yn arbennig eu rôl wrth liniaru ac addasu i effeithiau newid yn yr hinsawdd. Byddwn yn defnyddio dull 'ymarferol' i archwilio gwerth ecolegol coetiroedd a'u rôl ehangach mewn ecoleg amaeth (h.y. amaethgoedwigaeth). Byddwch hefyd yn edrych ar y buddion a rydd coed y tu allan i goetiroedd. 

Bydd y radd hyn yn rhoi dealltwriaeth fanwl i chi o strwythur ac ymddygiad ecosystemau coetiroedd, agweddau ffisegol, biolegol ac ecolegol coetiroedd a'u rhyngweithiadau a'u hamrywiad mewn amser a gofod. 

Byddwch yn ymchwilio i'r egwyddorion gwyddonol ac economaidd-gymdeithasol sy'n sylfaenol i reoli coetiroedd yn ogystal â'r prosesau ffisegol a biolegol sy'n siapio'r byd naturiol.  

Byddwch hefyd yn dod yn arbenigwr mewn rheoli coetiroedd yn gynaliadwy a gwerthuso coetiroedd yn economaidd ac yn amgylcheddol, gan gynnwys cynllunio, coedwriaeth, amddiffyn adferiad a stocrestr (yn cynnwys coed a chydrannau eraill nad ydynt yn goed) a byddwch yn astudio rôl ehangach gwahanol ffurfiau ar systemau coetiroedd ar gyfer gwytnwch ac fel rhan o systemau cymdeithasol-ecolegol ehangach.

Pam dewis Prifysgol Bangor ar gyfer y cwrs?

• Rydym wedi bod yn addysgu am goetiroedd am fwy na chant a deg o flynyddoedd. Ni oedd y Brifysgol gyntaf yn y Deyrnas Unedig i gynnig gradd yn y pwnc hwn.
• Mae llawer o'n haddysg yn digwydd mewn coetiroedd yn yr awyr agored: rydym yn berchen ar 82 ha o goetir ac yn ymweld ag ystod eang o goetiroedd yn Eryri.
• Cyrsiau maes wythnos o hyd ym mhob un o'r tair blynedd.
• Mae gennym gysylltiadau rhagorol â sefydliadau coetir yn y Deyrnas Unedig a thramor, sy'n chwarae rhan bwysig yn ein rhaglenni gradd, ac yn cyflogi ein graddedigion. 

Opsiynau Cwrs Ychwanegol

Ym mlwyddyn 1 cewch eich cyflwyno i strwythur a swyddogaeth ecolegol ecosystemau coetiroedd a sail eu rheolaeth yn y gorffennol, y presennol a'r dyfodol. 

Mae'r ail flwyddyn yn adeiladu ar hyn ac yn datblygu eich dealltwriaeth o  egwyddorion gwyddonol ac economaidd-gymdeithasol rheoli coetiroedd, sut mae coetiroedd yn cael eu mesur a'u hasesu, iechyd coetir a swyddogaeth coed a choetiroedd yng nghefn gwlad a defnydd tir cynaliadwy. 

Yn y flwyddyn olaf byddwch yn datblygu cynllun rheoli coetir a byddwch yn cynnal arolwg annibynnol ar bwnc yn ymwneud â choetir sydd o ddiddordeb penodol i chi, dan oruchwyliaeth aelod o staff academaidd. Byddwch yn astudio amaethgoedwigaeth ac ecoleg coetir, a bydd gennych fynediad at yr ystod eang o fodiwlau dewisol coedwigaeth a chadwraeth, gan gynnwys modiwl newydd ar goetiroedd trefol. 

Bydd y radd hon yn cynnig cymysgedd o sgiliau trosglwyddadwy, gwybodaeth a dealltwriaeth bwnc-benodol gyfredol i'ch paratoi ar gyfer ystod eang o yrfaoedd ym maes rheoli coetir cynaliadwy a meysydd cysylltiedig. Mae hwn yn faes o dwf mawr a phob blwyddyn byddwn yn helpu ein graddedigion i ddechrau gyrfaoedd cyffrous mewn amrywiaeth eang o swyddi ledled y Deyrnas Unedig a thramor. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cadwraeth a Rheoli Coetiroedd BSc (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae cyflogwyr bob amser yn chwilio am raddedigion coedwigaeth sy'n flaengar ac yn mwynhau gweithio gyda phobl. Mae cyfran uchel o'n graddedigion yn dod o hyd i swydd sy'n gysylltiedig â choedwigaeth o fewn chwe mis ar ôl graddio, ac yn cael eu cyflogi gan sefydliadau cyhoeddus, preifat ac anllywodraethol yn y Deyrnas Unedig a thramor. Mae ein hanes unigryw, ein henw da a'n rhagoriaeth addysgu yn golygu bod graddedigion Coedwigaeth Bangor yn hynod o gyflogadwy. 

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Gwyddorau'r Amgylchedd (gyda Blwyddyn Sylfaen).