Cyfrifiadureg Mcomp Israddedig - Mynediad: Medi 2025/26*

Yn ogystal â dysgu hanfodion cyfrifiadureg a sgiliau rhaglennu uwch, byddwch yn elwa o ddysgu sy'n ymwneud â diddordebau ymchwil y staff academaidd. Ymhlith yr arbenigeddau mae graffeg gyfrifiadurol, deallusrwydd artiffisial ac asiantau a chyfathrebu data. Os yw'r meysydd hyn yn apelio atoch, dyma faes Cyfrifiadureg at eich dant chi. Mae ein nod yn syml - rydym am eich helpu chi ddod yn weithiwr proffesiynol cyfrifiadurol gyda'r gallu i ddysgu am y wybodaeth ddiweddaraf a datblygiadau chwim maes cyfrifiadureg. 

Bydd y radd MComp yn datblygu eich sgiliau gan roi cyfleoedd estynedig i chi wrth ymchwilio ac wrth gymhwyso gwybodaeth a sgiliau Cyfrifiadureg. 

Mae'r cwrs blaenllaw hwn ar gyfer unigolion eithriadol.  Rydym ni wedi'i ddylunio i ganiatau i chi gyrraedd eich gwir botensial. Bydd y radd hon yn eich arfogi gyda’r sgiliau i ddilyn ystod amrywiol o yrfaoedd ym maes technoleg gwybodaeth, ymchwil a datblygu diwydiannol, neu astudiaeth academaidd bellach. Mae'r llwybr unigol (trwy gynnig dewisiadau) yn caniatáu ichi ddechrau arbenigo mewn unrhyw thema o fewn Cyfrifiadureg. Mae ein nod yn syml – mae arnom ni eisiau eich helpu i ddod yn weithiwr  cyfrifiadurol proffesiynol sydd â'r gallu i fod ar flaen y gad o ran datblygiadau chwim y maes.  

Yn ystod y cwrs hwn byddwch yn dysgu hanfodion cyfrifiadureg a sgiliau rhaglennu uwch, ac yn elwa hefyd o ddysgu sy'n ymwneud â diddordebau ymchwil y staff academaidd. Mae graffeg gyfrifiadurol, asiantau a deallusrwydd artiffisial a chyfathrebu data ymhlith yr arbenigeddau y gellir eu hastudio yn ystod y cwrs. Os yw'r meysydd hyn yn apelio atoch, dyma'r cwrs Cyfrifiadureg i chi. 

Bydd y radd yn eich arfogi nid yn unig â sgiliau ymarferol, ond hefyd â dealltwriaeth drylwyr o'r theori sylfaenol. Mae graddedigion y cwrs hwn yn ymuno â byd diwydiant mewn meysydd fel datblygu meddalwedd, gweinyddu cronfeydd data, gweinyddu rhwydweithiau, neu swyddi tebyg. Ar ôl graddio dylech allu cael swydd dda yn y diwydiant cyfrifiadureg yn y Deyrnas Unedig neu'n wir gydag unrhyw un o'r cwmnïau cyfrifiadurol rhyngwladol. Mae'r rhaglen hon hefyd yn arbennig o addas ar gyfer unigolion a hoffai ddilyn gyrfa mewn ymchwil, gan gynnwys gradd uwch fel PhD (a gynigir ym Mangor).

Pam dewis Prifysgol Bangor ar gyfer y cwrs?     

• Mae ein hymchwil a'n cysylltiadau eraill â diwydiant yn sicrhau bod ein cyrsiau'n adlewyrchu'r datblygiadau diweddaraf. Mae'r staff yn ymarferwyr proffesiynol sy'n gweithio ar brosiectau ar y cyd ac yn gweithredu fel ymgynghorwyr i ddiwydiant. 
• Mae prosiectau'r flwyddyn olaf yn cyd-daro â'r ymchwil cyfredol - ac mae hynny'n fanteisiol wrth chwilio am swyddi. 
• Yn ddiweddar rydym wedi sefydlu labordy technolegau trochi, lle mae'r dyfeisiau diweddaraf yn cael eu defnyddio at waith prosiect ac ymchwil.

Opsiynau Cwrs Ychwanegol

Yn ystod y cwrs, byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau mewn rhai modiwlau ac yn gorfod gweithio ar ddylunio meddalwedd a chwblhau gwahanol aseiniadau datrys problemau. Cewch gyfle i ymgymryd â phrojectau meddalwedd sylweddol a fydd yn eich galluogi i ddatblygu eich sgiliau dylunio creadigol a thechnegol yn ogystal â chymhwyso'r egwyddorion damcaniaethol y byddwch wedi eu dysgu.

Asesir modiwlau trwy arholiadau, asesu parhaus neu gyfuniad o'r ddau. Gall yr asesu parhaus gynnwys rywfaint o elfen ymarferol dan oruchwyliaeth neu astudiaeth annibynnol, ac yna ysgrifennu adroddiadau. Mae canlyniadau eich modiwl a marciau eich project unigol yn cyfrannu at farc terfynol eich gradd.

Bydd y radd hon yn datblygu eich sgiliau gan roi cyfleoedd estynedig i chi wrth ymchwilio ac wrth gymhwyso gwybodaeth a sgiliau ym maes Cyfrifiadureg.  

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Cyfrifiadureg Mcomp.

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Bydd y cwrs yn eich paratoi at amrywiaeth o yrfaoedd mewn peirianneg meddalwedd, datblygu rhaglenni gwe, rhaglennu, cyfathrebu a rhwydweithio, cymwysiadau cyfrifiadurol, rheoli TG, gwerthu cyfrifiaduron a marchnata. Bydd elfen busnes a rheolaeth y cwrs hwn yn eich helpu i fod yn rheolwr project.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Cyfrifiadureg (gyda Blwyddyn Sylfaen).