Ynglŷn â’r Cwrs Yma
A oes gennych fusnes eich hun? Neu a oes gennych syniad busnes yr hoffech ei archwilio? Efallai eich bod yn gweld eich hun fel entrepreneur yn y dyfodol? Os felly, gall y cwrs hwn eich helpu i gyrraedd lle rydych eisiau ei gyrraedd.
Gyda’r radd BSc Busnes Menter ac Entrepreneuriaeth hon byddwch yn ennill y wybodaeth a'r sgil i fod yn arweinydd busnes. P'un a ydych wedi meddwl bob amser am ddechrau eich busnes eich hun neu eisiau gweithio mewn sefydliad mawr, mae'r cwrs hwn yn rhoi'r offer i chi wneud penderfyniadau busnes cadarn a sicrhau canlyniadau.
O gael cyllid i ddelio â rhanddeiliaid, gall astudio Entrepreneuriaeth ddysgu’r elfennau hanfodol i chi am sut i lwyddo mewn busnesau. Byddwch yn cael y cyfle i ddysgu am strategaeth busnes, rheoli projectau, cyllid a chyfrifeg, marchnata ac adnoddau dynol.
Ym Mangor, byddwch yn ymuno â chymuned groesawgar, glos, sy'n gwneud eich profiad dysgu yn fwy personol. Mae astudio ochr yn ochr â myfyrwyr o wahanol wledydd hefyd yn cynnig persbectif rhyngwladol o dirwedd fyd-eang busnesau.
Pam dewis Prifysgol Bangor ar gyfer y cwrs hwn?
- Mae ein BSc (Anrh) Menter Busnes ac Entrepreneuriaeth yn eich paratoi i fod yn arweinydd strategol a all addasu i heriau busnes boed hynny mewn busnes newydd neu fenter busnes sy'n bodoli eisoes.
- Gan ddarparu dealltwriaeth arbenigol o fusnes a menter mae'r cwrs hwn wedi'i gynllunio i ddatblygu eich sgiliau entrepreneuraidd.
- Mae gennym enw rhagorol am ymchwil sy'n bwydo i'n cwricwlwm gan wneud ein cyrsiau'n gyfredol ac yn berthnasol i'r byd go iawn.
- Gallwch deilwra eich cwrs i gyd-fynd â’ch diddordeb, dewis o amrywiaeth o fodiwlau dewisol o bob rhan o'r Ysgol Busnes.
- Cael y cyfle i ddechrau busnes ar ôl graddio i feithrin a thyfu eich busnes ymhellach trwy ein partneriaid ym maes arloesi Parc Gwyddoniaeth Menai.
Gofynion Mynediad
TGAU: Mathemateg gradd C/4 yn ofynnol, os na chaiff ei ddangos gan y cymhwyster/cymwysterau Lefel 3.
Mae'r cynigion yn seiliedig ar dariffau, 104-136 pwynt tariff o gymwysterau Lefel 3* e.e.:
- Lefel A: Ni dderbynnir Astudiaethau Cyffredinol a Sgiliau Allweddol fel rheol
- Diploma Estynedig Cenedlaethol BTEC: DMM- DDD
- Diploma Technegol Estynedig Caergrawnt: DMM - DDD
- Diploma’r Fagloriaeth Ryngwladol: derbynnir
- Access: Pasio yn ofynnol
- Bagloriaeth Cymru: Byddwn yn derbyn y cymhwyster hwn ar y cyd â chymwysterau lefel 3 eraill
- Lefelau T: Ystyrir lefelau T mewn pwnc perthnasol fesul achos
- Project Estynedig: Gall y pwyntiau gynnwys Project Estynedig (EPQ) perthnasol ond rhaid iddynt gynnwys o leiaf 2 lefel A llawn, neu gyfwerth.
Rydym yn hapus i dderbyn cyfuniadau o'r cymwysterau a restrir uchod, yn ogystal â chymwysterau Lefel 3 amgen fel City & Guilds, Cwrs Mynediad a Diploma Technegol Estynedig Caergrawnt.
Rydym hefyd yn croesawu ceisiadau gan ymgeiswyr hŷn.
Ymgeiswyr Rhyngwladol: derbyniwn gymwysterau ymadael â’r ysgol cyfwerth â lefel A/Lefel 3 a/neu diplomâu colegau o wledydd ledled y byd (yn amodol ar ofynion iaith Saesneg penodol). manylion yma.
*I gael rhestr lawn o gymwysterau Lefel 3 a dderbynnir, ewch i www.ucas.com.
TGAU: Mathemateg gradd C/4 yn ofynnol, os na chaiff ei ddangos gan y cymhwyster/cymwysterau Lefel 3.
Mae'r cynigion yn seiliedig ar dariffau, 104-136 pwynt tariff o gymwysterau Lefel 3* e.e.:
- Lefel A: Ni dderbynnir Astudiaethau Cyffredinol a Sgiliau Allweddol fel rheol
- Diploma Estynedig Cenedlaethol BTEC: DMM- DDD
- Diploma Technegol Estynedig Caergrawnt: DMM - DDD
- Diploma’r Fagloriaeth Ryngwladol: derbynnir
- Access: Pasio yn ofynnol
- Bagloriaeth Cymru: Byddwn yn derbyn y cymhwyster hwn ar y cyd â chymwysterau lefel 3 eraill
- Lefelau T: Ystyrir lefelau T mewn pwnc perthnasol fesul achos
- Project Estynedig: Gall y pwyntiau gynnwys Project Estynedig (EPQ) perthnasol ond rhaid iddynt gynnwys o leiaf 2 lefel A llawn, neu gyfwerth.
Rydym yn hapus i dderbyn cyfuniadau o'r cymwysterau a restrir uchod, yn ogystal â chymwysterau Lefel 3 amgen fel City & Guilds, Cwrs Mynediad a Diploma Technegol Estynedig Caergrawnt.
Rydym hefyd yn croesawu ceisiadau gan ymgeiswyr hŷn.
Ymgeiswyr Rhyngwladol: derbyniwn gymwysterau ymadael â’r ysgol cyfwerth â lefel A/Lefel 3 a/neu diplomâu colegau o wledydd ledled y byd (yn amodol ar ofynion iaith Saesneg penodol). manylion yma.
*I gael rhestr lawn o gymwysterau Lefel 3 a dderbynnir, ewch i www.ucas.com.
Gofynion Cyffredinol y Brifysgol
I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.
Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.
Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.
Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.
Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.
