Iaith Saesneg ar gyfer Addysgu Saesneg fel Iaith Dramor BA (Anrh) Israddedig - Mynediad: Medi 2025/26*

Mae'r Saesneg yn iaith bwysig yn gymdeithasol, yn wleidyddol ac yn economaidd. Mae’n iaith fyd-eang, ac mae 1.5 biliwn o siaradwyr ledled y byd, ac mae galw mawr am bobl sy'n gymwys i ddysgu Saesneg yn rhyngwladol. Bydd y cwrs hwn yn eich dysgu am ieithyddiaeth, gan ganolbwyntio ar y Saesneg. Yn eich blwyddyn olaf byddwch yn dilyn modiwlau sy'n ymwneud yn benodol â Dysgu Saesneg fel Iaith Dramor (TEFL), i’ch rhoi ar y llwybr i gymhwyso fel athro Saesneg.

Ar y cwrs Iaith Saesneg ar gyfer Addysgu Saesneg fel Iaith Dramor hwn byddwch yn cael dysgu, deall a dehongli nifer o agweddau ar iaith ddynol. Cewch gyfle i archwilio'r ffyrdd y mae gallu ieithyddol pobl yn datblygu, sut mae ein hiaith yn newid yn ôl cyd-destun ei defnydd a phwy sy'n siarad, sut mae iaith yn cael ei threfnu a'i phrosesu yn yr ymennydd, sut mae iaith yn cael ei dysgu a sut mae'n cael ei dysgu. Byddwch yn edrych ar y ffordd y newidiodd Saesneg dros y canrifoedd, ystyried beth fydd yn digwydd i’r iaith yn y dyfodol, cymharu defnydd y Saesneg mewn gwahanol rannau o'r byd, ac ystyried agweddau ymarferol pwysig ar y Saesneg fel y cannoedd o filiynau o bobl ledled y byd sy’n dysgu Saesneg fel iaith ychwanegol neu iaith dramor.

Byddwch yn dysgu am ieithyddiaeth a sut y gellir astudio iaith yn gyffredinol, a byddwch yn cael cyfle i gymharu Saesneg ag ieithoedd eraill, yn enwedig yng nghyd-destun cymdeithasau amlieithog lle nad Saesneg yw'r unig iaith a ddefnyddir.

Pam dewis Prifysgol Bangor ar gyfer y cwrs?

• Rydym yn adran fywiog, hygyrch a chyfeillgar ac mae’r staff  wedi ymrwymo i addysgu o ansawdd uchel, profiad rhagorol i fyfyrwyr, cefnogaeth fugeiliol gref, ac integreiddio ymchwil a phynciau blaengar cyfredol yn eich darlithoedd trwy gydol eich astudiaethau.  Rydym hefyd yn ymroddedig i sicrhau bod y myfyrwyr Iaith Saesneg TEFL yn datblygu sgiliau rhagorol o ran meddwl yn feirniadol, dadansoddi data, cyflwyno ac ymchwil annibynnol i wella eu cyflogadwyedd ar ôl graddio.
• Mae’r staff addysgu’n ymchwilwyr gweithgar mewn amryw o feysydd damcaniaethol a chymhwysol sy'n ymwneud ag Ieithyddiaeth, Ieithyddiaeth Gymhwysol ac Iaith Saesneg - mae gan lawer enw da’n rhyngwladol yn y maes.
• Cewch sylfaen gref a dealltwriaeth wyddonol o strwythur a defnydd iaith, cewch gyflwyniad cynhwysfawr i feysydd addysgeg TEFL a methodoleg, arferion addysgu gorau Caffael Ail Iaith (SLA) a'r cyfle i gymhwyso'ch hyfforddiant mewn dosbarth TEFL go iawn gyda gweithgaredd asesu cynlluniau gwersi. 
• Mae gennym gyfleusterau dysgu o’r radd flaenaf gan gynnwys stiwdio sain / recordio o safon broffesiynol (ein labordy Lleferydd), labordy tracio llygaid, a labordy potensial digwyddiad-berthynol (ERP) a chyfleuster adnoddau ieithyddiaeth gorpws. Mae gennym hefyd offer sain a fideo at waith maes. Mae’r cyfleusterau hefyd yn cynnwys casgliad helaeth o lyfrau ar Ieithyddiaeth ac Iaith Saesneg a llyfrgell iaith a gynhelir gan gymdeithas y myfyrwyr israddedig - Cymdeithas Ieithyddiaeth Bangor (BLS).

Opsiynau Cwrs Ychwanegol

Caiff y cwrs hwn ei ddysgu trwy gyfuniad o ddarlithoedd, sesiynau tiwtorial a/neu seminarau, yn dibynnu ar y modiwl a’r lefel. Byddwch yn dewis 120 credyd o fodiwlau’n ymwneud ag Iaith Saesneg bob blwyddyn a byddwch yn dechrau trwy ddysgu'r wybodaeth sylfaenol sy'n angenrheidiol i astudio yn y maes hwn yn y gwahanol is-ddisgyblaethau (blwyddyn 1), ac yn symud ymlaen i astudiaeth lefel ganolradd fwy manwl (blwyddyn 2) cyn dewis pa feysydd i arbenigo ynddynt (blwyddyn 3). Asesir modiwlau ar sail gwahanol fathau o waith cwrs, yn cynnwys traethodau, adroddiadau, cyflwyniadau llafar, profion, arholiadau, dadansoddiad data, ac ati. Byddwch yn ysgrifennu traethawd hir yn eich blwyddyn olaf, sef project ymchwil gwreiddiol dan oruchwyliaeth aelod o staff academaidd sy’n weithgar ym maes ymchwil. 

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Iaith Saesneg ar gyfer Addysgu Saesneg fel Iaith Dramor BA (Anrh).

Mae cynnwys y cwrs wedi’i nodi i’ch arwain yn unig ac fe all newid.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com.

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth. 

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn. Am fwy o wybodaeth am astudio fel myfyriwr aeddfed, ewch i adran Astudio ym Mangor.  

Mae'r rhan fwyaf o feysydd yn elwa o gael arbenigwyr iaith ar eu tîm. Mae'n debyg y bydd gan raddedigion y cwrs hwn ddiddordeb mewn dilyn gyrfa mewn addysgu neu yrfa sy'n gysylltiedig ag addysg. Er hynny, bydd gennych y wybodaeth a'r ddealltwriaeth sydd eu hangen i weithio mewn meysydd fel y cyfryngau, cyfieithu, dehongli, cyhoeddi, dysgu, gwasanaeth sifil, therapi lleferydd, gwaith cymunedol (e.e. yn gysylltiedig â pholisi iaith ac ymgysylltu), ac ati. Mewn rhai achosion bydd angen hyfforddiant a chymwysterau pellach yn ychwanegol at yr hyn y mae'r cwrs hwn yn ei ddarparu. Mae gyrfa mewn ymchwil iaith hefyd yn opsiwn, ac astudiaethau ôl-radd hefyd.

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Gwobr Cyflogadwyedd Bangor (GCB)

Mae Gwobr Cyflogadwyedd Bangor yn gwrs ar-lein cynhwysfawr y gallwch ei wneud yn ôl eich cyflymder eich hun, gan fynd â chi trwy'r holl gamau y mae'n rhaid i chi eu cymryd i archwilio, paratoi a gwneud cais am eich gyrfa ddelfrydol.

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan Undeb y Myfyrwyr.

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.

Mae opsiwn 'gyda Blwyddyn Sylfaen' ar gael ar gyfer y cwrs hwn. Gwnewch gais am Iaith Saesneg a Llenyddiaeth Saesneg (gyda Blwyddyn Sylfaen).